ଜୟପୁର,୧ା୭ (ନି.ପ୍ର)- ଜୟପୁର ସହରରେ ବେଆଇନ ଭାବେ ପଲିଥିନ କାରବାର ଜୋରସୋରରେ ଚାଲିଛି ା ଏହାକୁ ରୋକିବା ଲାଗି ଏକ ଟିମ୍ ୫ ଦିନ ହେବ ବିଭିନ୍ନ ସ୍ଥାନରେ ଚଢାଉ ଜାରି ରଖିଛି ା ଏହି ଟିମ୍ ଚଢାଉ କରି ୫୦ ମାଇକ୍ରୋନରୁ କମ୍ଥିବା ବେଆଇନ ପଲିଥିନକୁ ଜବତ କରିଛି ା ୫ ଦିନ ମଧ୍ୟରେ ୨୫୯ ଟି ଦୋକାନ ଉପରେ ଚଢାଉ କରାଯାଇ ୨୮୪ କେଜି ପିଲିଥିନ ଜବତ କରାଯାଇଛି ା ଏମାନଙ୍କଠାରୁ ୫୪୦୫୦ ଟଙ୍କା ଜରିମାନା ଆଦାୟ କରାଯାଇଛି ା ସୋମବାର ସହରର କେବିଏସଡି ରୋଡ, ତାରିଣି ଛକ, ଜୟନଗର, କୁମ୍ବାରସାହି, ପ୍ରସାଦରାଓପେଟା ଜେଲ ରୋଡ ଆଦି ସ୍ଥାନରେ ଥିବା ୭୯ଟି ଦୋକାନ, ହୋଟେଲରେ ଚଢାଉ କରାଯାଇଥିଲା ା ସେଥିମଧ୍ୟରୁ ୩୧ଟି ଦୋକାନରୁ ପଲିଥିନ ଜବତ କରାଯାଇଥିବା ବେଳେ ୬୭୦୦ ଟଙ୍କା ଜରିମାନା ଆଦାୟ କରାଯାଇଛି ା ସେହିପରି ରବିବାର ସହରର ପାରାବେଢା, ଏମ.ଜିରୋଡ, ମୁଖ୍ୟ ରାସ୍ତାରେ ଥିବା ୪୯ଟି ଦୋକାନ ଉପରେ ଚଢାଉ କରାଯାଇ ୩୧ଟି ଦୋକାନରୁ ପଲିଥିନ ଜବତ କରାଯାଇଥିଲା ା ଏଥିସହ ୯୧୦୦ ଟଙ୍କା ଜବତ କରାଯାଇଛି ା ଏହି ଚଢାଉରେ ଜୟପୁର ଅତିରିକ୍ତ ତହସିଲଦାର ମାନସ ପଟ୍ଟନାୟକ ମାଜିଷ୍ଟେଟ ଭାବେ ଉପସ୍ଥିତ ଥିଲେ ା ଏହି ଟିମ୍ରେ ଟାଉନ ପୋଲିସ, ବନ ବିଭାଗ, ପୌରପରିଷଦ , ମେଡିକାଲ କର୍ମଚାରୀ ରହିଛନ୍ତି ା
