ଔପଦା, ୧୦ା୪(ଡି.ଏନ.ଏ.)-ବାଲେଶ୍ୱର ଜିଲା ଔପଦା ବ୍ଲକ ଗଡସାହି ପଞ୍ଚାୟତର ଆଦିବାସୀ ଅଧ୍ୟୁଷିତ ଶୀତବଣ ପାହାଡଘେରା ବେତେଇ ଗ୍ରାମ ଜଙ୍ଗଲରେ ପ୍ରାୟ ୨୦ରୁ ଊର୍ଦ୍ଧ୍ୱ ବେଆଇନ ମହୁଲି ମଦଭାଟିକୁ ସ୍ଥାନୀୟ ସ୍ବୟଂ ସହାୟିକା ମହିଳା ଗୋଷ୍ଠୀ ଓ ଗ୍ରାମବାସୀ ମିଳିତ ଭାବେ ସମ୍ପୂର୍ଣ୍ଣ ଭାଙ୍ଗି ଦେଇଛନ୍ତି।
ବେତେଇ ତତ୍ସଲଗ୍ନ ନିଘଞ୍ଚ ମଡିଚୁଆ ଗ୍ରାମର ଝରଣା ନିକଟରେ ମଦ ମାଫିଆମାନଙ୍କ ଦ୍ୱାରା ପ୍ରାୟ ୨୦ରୁ ବେଆଇନ ମହୁଲ ମଦଭାଟି ଚାଲୁଥିଲା। ଏଥିରୁ ପ୍ରତିଦିନ ହଜାର ହଜାର ଲିଟର ଦେଶୀ ମହୁଲି ମଦ ପ୍ରସ୍ତୁତ ହୋଇ ବଣ ଭିତର ଦେଇ ବାହାରକୁ ଚାଲାଣ ହେଉଥିଲା ା ଏଥିରୁ ବାହାରୁଥିବା ବିଷାକ୍ତ ମହୁଲ ପୋଚର ଅବଶିଷ୍ଟାଂଶ ଗାଁର ଗୋରୁ ଛେଳି ଆଦି ଗୃହପାଳିତ ପ୍ରାଣୀମାନେ ଖାଇ ମୃତ୍ୟୁମୁଖରେ ପଡୁଥିବା ଗ୍ରାମବାସୀ ଅଭିଯୋଗ କରିଛନ୍ତି ା ପ୍ରାୟ ୫ ଗୋଟି ବଳଦ ଓ କେତେକ ଛେଳି ମରିଯାଇଥିବା ସ୍ଥଳେ ଗୋରୁଙ୍କର ସ୍ବାସ୍ଥ୍ୟବସ୍ଥା ଦୟଦୀୟ ହୋଇପଡିଛି। ଏହାକୁ କେନ୍ଦ୍ର କରି ସ୍ଥାନୀୟ ୫ଗୋଟି ସ୍ବୟଂ ସହାୟକ ଗୋଷ୍ଠୀର ମହିଳା ଏବଂ ଗ୍ରାମବାସୀ ମିଳିତ ହୋଇ ମଦଭାଟିକୁ ଠାବ କରି ଚଢାଉ କରିଥିଲେ ା ମଦଭାଟି ଚଳାଉଥିବା ମାଫିଆମାନେ ଜାଣି ପାରି ପଳାଇଥିଲେ ା ଏହାପରେ ମହିଳାମାନଙ୍କ ସହିତ ଗ୍ରାମବାସୀ ଗୋଟିଏ ପରେ ଗୋଟିଏ ଭାଟି ଭାଙ୍ଗିବା ସହିତ ମଦ ତିଆରି ସାମଗ୍ରୀ ନେଇଯାଇଥିଲେ। ମା’ ତାରିଣୀ ଏସଏଚ୍ଜିର ରବିନା ବେହେରା, ସମ୍ବାରି ବେହେରା, ଗମେଇ ବେହେରା, ସମାରି ମାନିକ, ରଜନୀ ଦେଉରି, ସୁନେଇ କଁଅର ଏବଂ ଜୟ ବଡାମ ଏସ୍ଏଚଜି କୌଶଲ୍ୟା ଖଣ୍ଡେଂ, ପଦ୍ମିନି ରାଉତ, ସତ୍ୟଭାମା ନୟିକ, ଦୈପଦୀ କଁଅର, ଅପୁର୍ବା ଖଟୂଆ, ଗାୟତ୍ରୀ ଏସଏଚଜିର ସୁକାନ୍ତି ବିଶ୍ୱାଳ, ଫୁଲମଣୀ ରାଉତ, ଚମ୍ପେଶ୍ୱରୀ ଏସଏଚଜିର ଗୁରୁବାରୀ ବେହେରା ରବିନା ବେହେରା, ସୁମିତ୍ରା ବେହେରାଙ୍କ ନେତୃତ୍ୱରେ ମହିଳା ଓ ଗ୍ରାମବାସୀ ମଦଭାଟି ଭାଙ୍ଗିଥିଲେ।
