ହାତବାନ୍ଧି ବସିଛନ୍ତି ଛେନାପୋଡ଼ କାରିଗର: ଜଳୁନି ଭାଟି, ବିକ୍ରି ହେଉନି କ୍ଷୀର

ନୟାଗଡ଼ ଅଫିସ,୨୭ା୪: କରୋନା କଟକଣା ନୟାଗଡ଼ର ପ୍ରସିଦ୍ଧ ଛେନାପୋଡ଼କୁ ଜିଲା ବାହାରକୁ ପଠାଇବା ବାଟ ବନ୍ଦ କରିଦେଇଛି। ଏପରି କି ଜିଲା ଭିତରେ ବି ଏହା ବିକ୍ରି କରାଯାଇ ପାରୁନି। ଫଳରେ କାରିଗରମାନେ ହାତବାନ୍ଧି ବସିଛନ୍ତି। ଛେନାପୋଡ଼ ବାହାରକୁ ଯାଉ ନ ଥିବାରୁ ଭାଟି ବନ୍ଦ ହୋଇଯାଇଛି। ପ୍ରସ୍ତୁତି ବନ୍ଦ କାରଣରୁ କାରିଗରମାନେ କ୍ଷୀର କିଣିବା ବନ୍ଦ କରି ଦେଇଛନ୍ତି। ଫଳରେ ଅର୍ଥାଭାବରୁ ଗୋପାଳକମାନେ ଦାନା କିଣିପାରୁ ନାହାନ୍ତି। କ୍ଷୀର ବିକ୍ରି ବନ୍ଦ ହୋଇଯିବା ପରେ ଛେନାପୋଡର ଅଭାବୀ ବିକ୍ରି ଆରମ୍ଭ ହୋଇଯାଇଛି। କିଛି ଗୋପାଳକ ବଳକା କ୍ଷୀରକୁ ଛେନାପୋଡ କରି ବାହାରେ ସ୍ବଳ୍ପ ଦାମ୍‌ରେ ବିକ୍ରି କରିବାକୁ ବାଧ୍ୟ ହେଉଛନ୍ତି।
ନୟାଗଡ଼ ବ୍ଲକର ମାଛିପଡାରେ ୧୦୦, ଓଡଗଁ। ବ୍ଲକର ସୋଲପଟାରେ ୯୦, ଦରପଦା ଗଁ।ରେ ୩୦, ନୟାଗଡ ସହରରେ ୧୦ରୁ ଊର୍ଦ୍ଧ୍ୱ ପରିବାର ଛେନାପୋଡ ପ୍ରସ୍ତୁତ କରିଥାନ୍ତି। ଏଥିପାଇଁ ସ୍ବତନ୍ତ୍ର ଭାବେ ଭାଟି କରାଯାଇ କାରିଗର ଓ ସହଯୋଗୀଙ୍କୁ ନିଯୁକ୍ତି ଦିଆଯାଇଛି। ପ୍ରତ୍ୟହ ଛେନାପୋଡ ସୁନ୍ଦରଗଡ, ବ୍ରହ୍ମପୁର, ରାଉରକେଲା, କେନ୍ଦୁଝର, ସମ୍ବଲପୁର, କୋରାପୁଟ, ରାୟଗଡା, ବାଲିଗୁଡା, ଯୋଡା, ବଡବିଲ, ଝାରସୁଗୁଡା ଆଦି ଅଞ୍ଚଳକୁ ଯାତ୍ରୀବାହୀ ବସ୍‌ରେ ଯାଇଥାଏ। ବର୍ତ୍ତମାନ ଲକ୍‌ଡାଉନ ଯୋଗୁ ଏହା ବନ୍ଦ ହୋଇଯାଇଛି। ଏ ନେଇ ମାଛିପଡାର ଛେନାପୋଡ କାରିଗର ଅନ୍ତର୍ଯାମୀ ବେହେରା କୁହନ୍ତି, କରୋନା କଟକଣା ଯୋଗୁ ଆଉ ଛେନାପୋଡ ଭାଟି ଜଳୁନି। କଁ। ଭଁ। ଲୋକଙ୍କୁ ପୋଡ କରି ବିକ୍ରି କରୁଛୁ। ଆଗରୁ ଜିଲା ସଦର ମହକୁମାକୁ ଯାଇ ରାଜ୍ୟର ବିଭିନ୍ନ ଅଞ୍ଚଳକୁ ବସ୍‌ରେ ଛେନାପୋଡ ପଠାଉଥିଲୁ। ଏବେ ତାହା ସମ୍ଭବ ହେଉନାହିଁ। ସହଯୋଗୀ କାରିଗର ରମେଶ ବେହେରା କୁହନ୍ତି, ଦିନକୁ ୧ରୁ ଦେଢ଼ କୁଇଣ୍ଟାଲ ଛେନାପୋଡ ପ୍ରସ୍ତୁତ କରାଯାଉଥିଲା। ଏବେ ୧୦ରୁ ୨୦ କିଲୋ ଛେନାପୋଡ କଲେ ବିକ୍ରି ହେଉନି। ଆମ ଘରମାନଙ୍କରେ ଆଉ ଚୁଲି ଜଳୁନି। ଏପରିସ୍ଥିତିରେ ସରକାରଙ୍କ ପକ୍ଷରୁ ମଧ୍ୟ କୌଣସି ସହାୟତା ନାହିଁ। ସୋଲପଟାର ଧନୀ ବେହେରା କୁହନ୍ତି, ଛେନାପୋଡ ବ୍ୟବସାୟ ବନ୍ଦ ହୋଇଯିବା ପରେ ଚଳିବୁ କେମିତି ସେହି ଚିନ୍ତାରେ ଅଛୁ। ଜିଲା ବାହାରକୁ ପୋଡ ନ ଯିବା ଦ୍ୱାରା ନୟାଗଡ ଜିଲାରେ ୫ହଜାରରୁ ଊର୍ଦ୍ଧ୍ୱ ପରିବାର ଚଳିବା ମୁସ୍କିଲ ହୋଇଯାଇଛି। ଦରପଦାର ବିଜୟ ବେହେରା କୁହନ୍ତି, ବୃତ୍ତି ବଞ୍ଚାଇବାକୁ ଛେନାପୋଡ ପ୍ରସ୍ତୁତି କାର୍ଯ୍ୟ ଜାରି ରଖିଛୁ। ତେବେ ଆଗଭଳି ଏହା ପ୍ରସ୍ତୁତ ହେଉ ନାହିଁ। ସମସ୍ତେ ବେକାର ହୋଇ ଘରେ ବସି ରହିଛୁ। ପରିବାର ଖର୍ଚ୍ଚ ତୁଲାଇବା କଷ୍ଟକର ହୋଇପଡିଛି। ନବଘନପୁରର ଗୋପାଳକ ନୀଳକଣ୍ଠ ବେହେରା କୁହନ୍ତି, ଛେନାପୋଡ ପ୍ରସ୍ତୁତକାରୀ ଆଉ କ୍ଷୀର ନେଉ ନାହାନ୍ତି। ଗ୍ରାହକ ମଧ୍ୟ କ୍ଷୀର କମାଇ ଦେଇଛନ୍ତି। ଗାଈଙ୍କୁ ଦାନା କିଣି ଦେବାକୁ ପାଖରେ ଟଙ୍କା ନାହିଁ। ଏଣୁ ବଳକା କ୍ଷୀରରେ ଛେନାପୋଡ ପ୍ରସ୍ତୁତ କରି ବିକ୍ରି କରୁଛୁ। ହେଲେ କିଣା ଦାମରେ ବିକ୍ରି କରିବାକୁ ପଡୁଛି। ମାଛିପଡାର ଦୀନବନ୍ଧୁ ବେହେରା କୁହନ୍ତି, ଆମ ପରିବାର ଜିଲାର ବିଭିନ୍ନ ସ୍ଥାନରୁ କ୍ଷୀର ସଂଗ୍ରହ କରି ଆଣି ଛେନା ପ୍ରସ୍ତୁତ କରୁ। ଉକ୍ତ ଛେନାକୁ ଛେନାପୋଡ କାରିଗରଙ୍କୁ ବିକ୍ରି କରୁ। ଏବେ ଛେନାପୋଡ ପ୍ରସ୍ତୁତ ହେଉ ନ ଥିବାରୁ ଆମ ବ୍ୟବସାୟ ବନ୍ଦ ହୋଇଯାଇଛି।


Enter your email to get our daily news in your inbox.

All Right Reserved By Dharitri.Com

ଭାଜପାରେ ଯୋଗ ଦେଲେ ଭର୍ତ୍ତୃହରି, ସିଦ୍ଧାନ୍ତ, କଡ଼ା ଭାଷାରେ ସମାଲୋଚନା କଲା ବିଜେଡି

ଭୁବନେଶ୍ୱର,୨୮।୩: ଗୁରୁବାର ଭାରତୀୟ ଜନତା ପାର୍ଟି(ଭାଜପା)ରେ ଯୋଗ ଦେଇଛନ୍ତି କଟକ ଏମପି ଭର୍ତ୍ତୃହରି ମହତାବ, ପୂର୍ବତ୍ତନ ଲୋକ ସଭା ଏମପି ସିଦ୍ଧାନ୍ତ ମହାପାତ୍ର ଏବଂ ପଦ୍ମଶ୍ରୀ...

ଭାଜପାରେ ଯୋଗ ଦେବା ପରେ ଭର୍ତ୍ତୃହରି ଦେଲେ ବଡ଼ ବୟାନ, କହିଲେ ଓଡ଼ିଶାରେ…

ନୂଆଦିଲ୍ଲୀ,୨୮।୩: ବିଜେପିରେ ସାମିଲ ପରେ ସାଂସଦ ଭର୍ତ୍ତୃହରି ମହତାବ ଓଡ଼ିଶା ରାଜନୀତିକୁ ନେଇ ବଡ଼ ବୟାନ ଦେଇଛନ୍ତି। କେବଳ ‘ରାଷ୍ଟ୍ରବାଦ, ଏକାତ୍ମତା, ପୂର୍ବୋଦୟ ଭାଜପା ଜରିଆରେ...

ପଦ୍ମ ଧରିଲେ ପଦ୍ମଶ୍ରୀ ଦମୟନ୍ତୀ ବେସ୍ରା

ଭୁବନେଶ୍ୱର/ନୂଆଦିଲ୍ଲୀ,୨୮।୩: ଭାଜପାରେ ସାମିଲ ହେଲେ ପଦ୍ମଶ୍ରୀ ଦମୟନ୍ତୀ ବେସ୍ରା। ଗୁରୁବାର ଅପରାହ୍ନ ସାଢେ ୨ଟାରେ ନୂଆଦିଲ୍ଲୀର ଭାଜପା ମୁଖ୍ୟାଳୟରେ ସେ ଯୋଗ ଦେଇଛନ୍ତି। ଏହା ସହିତ...

ଭାଜପାରେ ଯୋଗଦେଲେ ଭର୍ତ୍ତୃହରି ମହତାବ, ନିକଟରେ ବିଜେଡିରୁ ଇସ୍ତଫା ଦେଇଥିଲେ

ଭୁବନେଶ୍ୱର,୨୮।୩: ନିକଟରେ ବିଜୁ ଜନତା ଦଳ(ବିଜେଡି)ରୁ ଇସ୍ତଫା ଦେଇଥିବା କଟକ ଲୋକ ସଭା ଏମପି ଭର୍ତ୍ତୃହରି ମହତାବ ଭାଜପାରେ ଯୋଗ ଦେଇଛନ୍ତି। ତାଙ୍କ ସହିତ ଦୁଇଥର...

ଭାଜପାରେ ମିଶିଲେ ସିଦ୍ଧାନ୍ତ ମହାପାତ୍ର

ନୂଆଦିଲ୍ଲୀ/ଭୁବନେଶ୍ୱର,୨୮ା୩: ଭାଜପାରେ ଗୁରୁବାର ଯୋଗ ଦେଇଛନ୍ତି ଅଭିନେତା ତଥା ବିଜେଡିର ପୂର୍ବତନ ଏମ୍‌ପି ସିଦ୍ଧାନ୍ତ ମହାପାତ୍ର। ଦିଲ୍ଲୀ ମୁଖ୍ୟ କାର୍ଯ୍ୟାଳୟରେ ଯୋଗଦେଇ ସେ ଭାଜପାରେ ସାମିଲ...

ଆଗାମୀ ଦୁଇ ଦିନରେ ୨ରୁ ୩ ଡିଗ୍ରୀ ବୃଦ୍ଧି ପାଇବ ତାପମାତ୍ରା

ଭୁବନେଶ୍ୱର,୨୮ା୩: ପାଗ ଶୁଖିଲା ରହୁଥିବାରୁ ଚଳିତମାସ ଶେଷ ପର୍ଯ୍ୟନ୍ତ ତାପମାତ୍ରା ୨ରୁ ୩ ଡିଗ୍ରୀ ସେଲସିୟସ ବୃଦ୍ଧି ପାଇବ ବୋଲି ଭୁବନେଶ୍ୱର ଆଞ୍ଚଳିକ ପାଣିପାଗ ବିଜ୍ଞାନ...

ଏପ୍ରିଲ ପ୍ରଥମ ସପ୍ତାହରେ ଘୋଷଣା ହେବ କଂଗ୍ରେସ ଟିକେଟ୍‌

ଭୁବନେଶ୍ୱର,୨୮।୩: ମୁଣ୍ଡ ଉପରେ ନିର୍ବାଚନ। ଭାଜପା ଓ ବିଜେଡି ପର୍ଯ୍ୟାୟ କ୍ରମେ ନିଜର ପ୍ରାର୍ଥୀ ତାଲିକା ଘୋଷଣା କରିଛନ୍ତି। କିନ୍ତୁ ଏଥିରେ ପଛରେ ପଡିଛି କଂଗ୍ରେସ...

ଭାଜପାରେ ମିଶିପାରନ୍ତି ଅନୁଭବ, ଆଜି ହେବ ସ୍ପଷ୍ଟ

ଭୁବନେଶ୍ୱର,୨୮ା୩: ବିଜେଡି ଟିକେଟ୍‌ରେ କେନ୍ଦ୍ରାପଡ଼ା ଲୋକ ସଭାକୁ ନିର୍ବାଚିତ ହୋଇଥିବା ଅଭିନେତା ଅନୁଭବ ମହାନ୍ତି ଗୁରୁବାର ଭାଜପାରେ ଯୋଗ ଦେଇ ପାରନ୍ତି ବୋଲି ରାଜନୈତିକ ମହଲରେ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri