ନବରଙ୍ଗପୁର,୧୭।୧୦(ବି.ପ୍ର.)- ନବରଙ୍ଗପୁର ଏକ କୃଷି ପ୍ରାଧାନ୍ୟ ଜିଲା। ଏହି ଜିଲାରେ କୃଷି କାର୍ଯ୍ୟ କରି ୮୫ପ୍ରତିଶତ ଲୋକ ଜୀବିକା ନିର୍ବାହ କରନ୍ତି। ତେବେ ଅଧିକାଂଶ ଚାଷୀ ଏଠାରେ ଆଖୁ ଓ ମକା ଚାଷ କରିଥାନ୍ତି। ଆଉ କେତେକ ଚାଷୀ ୟୁକାଲ ପଟାସ ଗଛ ଲଗାଉଛନ୍ତି। ଯାହାଦ୍ୱାରା ଚାଷ ଜମିର ଉର୍ବରତା ନଷ୍ଟ ହେଉଛି। ତେବେ ଆଖୁ ଓ ମକା ଚାଷ ସହ ନବରଙ୍ଗପୁର ଜିଲାର ପାଣିପାଗକୁ ହଳଦୀ ଚାଷ ମଧ୍ୟ ସୁହାଇଥାଏ। ଯାହା ପ୍ରମାଣ କରି ଦେଖାଇଛନ୍ତି ଚାଷୀ କୃଷ୍ଣ ଚନ୍ଦ୍ର ନାୟକ। ହଳଦୀ ଚାଷ କରି ସେ ରୋଜଗାରକ୍ଷମ ହୋଇପାରିଛନ୍ତି।
ନବରଙ୍ଗପୁର ଜିଲା ନନ୍ଦାହାଣ୍ଡି ବ୍ଲକ ଖୁଣ୍ଟିଆ ଛକ ଡେଙ୍ଗାଗୁଡା ରାସ୍ତା ନିକଟରେ କୃଷ୍ଣ ଚନ୍ଦ୍ର ଚଳିତ ବର୍ଷ ଏକ ଏକର ହଳଦୀ ଚାଷ କରିଛନ୍ତିି। ଜୈବିକ ସାର ପ୍ରୟୋଗ କରି ଏହି ହଳଦୀ ଚାଷ କରିଛନ୍ତି। ୪୦ କିଲୋ କେସରୀ କିସମର ହଳଦୀ ଜୁନ ମାସରେ ଲଗାଇଥିଲେ। ଲକ୍ଷ୍ନୌର ନ୍ୟାସନାଲ ବଟାନିକାଲ ରିସର୍ଚ୍ଚ ଇନଷ୍ଟିଚ୍ୟୁଟ ପକ୍ଷରୁ ମାଗଣା ବିହନ ଯୋଗାଇ ଦିଆଯାଇଥିଲା। ଡିସେମ୍ବର ମାସରେ ଏହା ଅମଳ ହେବ। ପ୍ରାୟ ୬ କ୍ୱିଣ୍ଟାଲ ହଳଦୀ ଉପତ୍ାଦନ ହେବାର ଆଶା ରହିଥିବା କୃଷ୍ଣ ଚନ୍ଦ୍ର କହିଛନ୍ତିି। ଏନେଇ ଜିଲାପାଳ ଅଜିତ କୁମାର ମିଶ୍ର ଓ କୃଷି ଅଧିକାରୀଙ୍କୁ ଶ୍ରେୟ ଜଣାଇଛନ୍ତିି। ଏହି ଚାଷ ପାଇଁ ପ୍ରଶାସନ ପକ୍ଷରୁ ଅନେକ ପରାମର୍ଶ ଓ ସାହାଯ୍ୟ ମଧ୍ୟ ମିଳିଛି ା ପ୍ରତ୍ୟେକ ଚାଷୀ ଏହି ଭଳି ଅର୍ଥକାରୀ ଫସଲ ହଳଦୀ ଚାଷ କରନ୍ତି ତେବେ ସେମାନଙ୍କ ମଧ୍ୟ ଆର୍ଥୀକ ଉନ୍ନତି ଘଟିବ ବୋଲି ସେ କହିଛନ୍ତି। ଗତ ବର୍ଷ ୫ ଡିସିମିଲରେ ହଳଦୀ ଚାଷ କରି ୮ ହଜାର ଟଙ୍କା ରୋଜଗାର ହୋଇଥିଲା। ଚଳିତ ବର୍ଷ ଏହାକୁ ଏକ ଏକରକୁ ବୃଦ୍ଧି କରିଛନ୍ତି କ୍ରିଷ୍ଣା ଚନ୍ଦ୍ର। ଚଳିତ ବର୍ଷ ୮୦ ହଜାରରୁ ୧ ଲକ୍ଷ ଟଙ୍କା ପର୍ଯ୍ୟନ୍ତ ଲାଭ ମିଳିବ ବୋଲି ଆଶା ରଖିଛନ୍ତି। ନବରଙ୍ଗପୁର ଜିଲାରେ ଅର୍ଥକାରୀ ଫସଲ ଭାବେ ମକା ଓ ଆଖୁ ଫସଲ ହୋଇ ଆସୁଛି। ଅନେକ ଚାଷୀ ନିଜର ଜମିକୁ ୟୁକାଲ ପଟାସ ଲଗାଇ ଆସୁଛନ୍ତିି। ଏହା ଦ୍ୱାରା ଜମିର ଉର୍ବରତା କମି ଯାଉଛି ା ପଡିଆ ଜମି ବା ଡଙ୍ଗର ଜମିକୁ ଅର୍ଥକାରୀ ଫସଲ ପାଇଁ ଉପଯୋଗ କରିବେ ଓ ଜୈବିକ ସାର ପ୍ରୟୋଗ କରିବେ ତେବେ ଜମିର ଉର୍ବରତା ରହିବା ସହ ଫସଲ ମଧ୍ୟ ଠିକ ରହିବ।କେସରୀ କିସମ ହଳଦୀର ରଙ୍ଗ ଅଧିକ ା ଏହି ହଳଦୀ ଓ ପତ୍ରରେ ଔଷଧିୟ ଗୁଣ ଅଧିକ ରହିଛି। ବିଭିନ୍ନ ରୋଗର ଉପସମ ପାଇଁ ହଳଦୀ ପତ୍ରରୁ ବାହାରୁଥିବା ତେଲ ବ୍ୟବହାର କରାଯାଉଛି ା ହଳଦୀ ଚାଷ ପାଇଁ ନବରଙ୍ଗପୁର ଜିଲାର ପାଣିପାଗ ମଧ୍ୟ ଠିକ ରହିଥିବା ସେ କହିଛନ୍ତି।
