ନୂଆଦିଲ୍ଲୀ, ୩୦।୭: ବିଖ୍ୟାତ ଶିକ୍ଷାବିତ୍ ଏବଂ ସାମାଜିକ କର୍ମୀ ସୋନମ ୱାଙ୍ଗଚୁକ ଏକ ଭିଡିଓ ଶେୟାର କରି ଭାରତୀୟ ରେଲୱେର ପ୍ରଶଂସା କରିଛନ୍ତି। ଏଥିସହ ସେ ଏହା ମଧ୍ୟ କହିଛନ୍ତି ଯେ ସେ ଏହିପରି ଭାବରେ ସରକାରଙ୍କ ପ୍ରତିଶ୍ରୁତିଗୁଡ଼ିକ କ୍ଷେତ୍ରରେ ମଧ୍ୟ ଗର୍ବ ଅନୁଭବ କରିବାକୁ ଚାହାଁନ୍ତି। ସୋନମ ୱାଙ୍ଗଚୁକ ଗୁରୁବାର (ଜୁଲାଇ ୩୦) ସୋସିଆଲ ମିଡିଆ ପ୍ଲାଟଫର୍ମ ‘ଏକ୍ସ’ରେ ଏକ ଭିଡିଓ ପୋଷ୍ଟ କରିଛନ୍ତି, ଯେଉଁଥିରେ ସେ କାର୍ରେ ଯାତ୍ରା କରୁଥିବାର ନଜର ଆସୁଛନ୍ତି।
ସେ କହିଛନ୍ତି ଯେ, ଆମେ ଲଦାଖ ପାଇଁ ଟ୍ରେନରେ ବାହାରିଥିଲୁ ଏବଂ ମତେ ଟ୍ରେନରେ ଯାତ୍ରା କରିବାକୁ ବହୁତ ଭଲ ଲାଗେ। ଦିଲ୍ଲୀରୁ ଶ୍ରୀନଗର ପର୍ଯ୍ୟନ୍ତ ଚାଲିଥିବା ବନ୍ଦେ ଭାରତ ଟ୍ରେନରେ ମୁଁ ପ୍ରଥମ ଥର ପାଇଁ ଯାତ୍ରା କରିଛି। ସେ ଆହୁରି ମଧ୍ୟ କହିଛନ୍ତି ଯେ ମୁଁ ଚିନାବ ନଦୀ ଉପରେ ନିର୍ମିତ ପୋଲକୁ ଦେଖିବାକୁ ଚାହୁଁଥିଲି। ମୋର ଏହି ଅଭିଜ୍ଞତା ଅତ୍ୟନ୍ତ ଚମତ୍କାର ରହିଲା। ମତେ ଭାରତୀୟ ରେଲୱେ ଉପରେ ଗର୍ବ ଅଛି। କଶ୍ମୀରରେ ଗୋଟିଏ ଦିନ ରହିବା ପରେ ଆମେ ଲଦାଖ ଆଡ଼କୁ ଯାଉଛୁ। ସୋନମ ୱାଙ୍ଗଚୁକ କହିଛନ୍ତି ଯେ ପରୀକ୍ଷାରେ ସୁଧାର ଆଣିବା ନେଇ ମୋଦି ସରକାର ସଂସଦରେ ବିଲ ଆଣିଥିବାରୁ ମୁଁ ଖୁସି। ସୋନମ ୱାଙ୍ଗଚୁକ କହିଛନ୍ତି ଯେ ମୁଁ ଆଶା କରୁଛି ଯେ ଏହି ସୁଧାର କେବଳ ପରୀକ୍ଷାରେ ନୁହେଁ, ବରଂ ଆମ ଦେଶର ଶିକ୍ଷା ବ୍ୟବସ୍ଥାରେ ମଧ୍ୟ ବ୍ୟାପକ ସ୍ତରରେ ହେବା ଉଚିତ୍।
Odisha’s No.1 Odia Daily
