ଭୁବନେଶ୍ୱର,୨୪।୫(ବ୍ୟୁରୋ): କେନ୍ଦ୍ର ସରକାରଙ୍କ କୋଭିଡ-୧୯ ନିୟମାବଳୀ ଅନୁଯାୟୀ ଏବେ ରାଜ୍ୟରେ ୪ର୍ଥ ପର୍ଯ୍ୟାୟ ଲକ୍ଡାଉନ୍ ଚାଲିଛି। ଏହା ମେ ୩୧ ଯାଏ ଜାରି ରହିବ। ହେଲେ ଏସବୁ ମଧ୍ୟରେ ରାଜ୍ୟବାସୀଙ୍କ ଜୀବନଜୀବିକାକୁ ନଜରରେ ରଖି ସରକାର ଅନେକ କାମକୁ ଅନୁମତି ଦେଇଛନ୍ତି। ରେଳଚଳାଚଳ, ବିମାନସେବାକୁ ଅନୁମତି ମିଳିଛି। ସୋମବାରଠାରୁ ଏହା ଆରମ୍ଭ ହେବ। ପ୍ରାଥମିକ ପର୍ଯ୍ୟାୟରେ ଭୁବନେଶ୍ୱରକୁ ୧୨ଟି ଓ ଝାରସୁଗୁଡ଼ାକୁ ୩/୪ଟି ବିମାନ ଆସିବା ବ୍ୟବସ୍ଥା ଅଛି। ଭାରତୀୟ ରେଳବାଇ ମଧ୍ୟ ସାଧାରଣ ରେଳ ଚଳାଚଳ ଆରମ୍ଭ କରିବ। ତେଣୁ ଏହି ସମୟରେ ଯେତେ ଯାତ୍ରୀ ଆସିବେ, ପୂର୍ବରୁ ଯଦି ପ୍ରାକ୍ ରେଜିଷ୍ଟ୍ରେଶନ ନ କରିଥାଇପାରନ୍ତି। ଏଣୁ ରାଜ୍ୟ ସରକାର କୋଭିଡ-୧୯ ରୋଗର ବ୍ୟବସ୍ଥାକୁ ପ୍ରତିହତ କରିବା ପାଇଁ ଗାଇଡ୍ଲାଇନ୍ରେ ପରିବର୍ତ୍ତନ କରାଯାଇଛି। କିନ୍ତୁ ଭୁବନେଶ୍ୱରରେ ରାତି ୭ଟାରୁ ସକାଳ ୭ ପର୍ଯ୍ୟନ୍ତ କର୍ଫ୍ୟୁ ବ୍ୟବସ୍ଥା କରାଯାଇଛି। ଫଳରେ ଏହି ସମୟରେ ଆସୁଥିବା ଯାତ୍ରୀଙ୍କୁ ଦୃଷ୍ଟିରେ ରଖି ନୂଆ ନିୟମ କରାଯାଇଛି। ଉଭୟ ରାଜ୍ୟର ଆପୋସ ବୁଝାବଣାରେ ଏହା ହୋଇପାରିବ। ଯଦି ଆନ୍ଧ୍ରରୁ ବସ୍ ଆସିଲେ ଅଥବା ଅନ୍ୟ ରାଜ୍ୟରୁ ବସ୍ ଆସେ ତେବେ ସହମତି ଲୋଡ଼ା। ଏହାପରେ ଆନ୍ତଃରାଜ୍ୟ ବସ୍ ଚଳାଚଳ ଆରମ୍ଭ ହେବ। ରାଜ୍ୟ ଭିତରେ ଦୁଇ ଚକିଆ ଯାନ, ଘରୋଇ କାର୍ , ସରକାରୀ ଗାଡ଼ି, ଟ୍ୟାକ୍ସି, ଅଟୋ ରିକ୍ସା ଚାଲିବ। କିନ୍ତୁ ଚାରିଚକିଆ ଯାନରେ ୨ଜଣ ଯାତ୍ରୀ ଯାତ୍ରା କରିପାରିବେ। ରାଜ୍ୟରେ ଅନ୍ୟ ବସ୍ ଚାଲିବାକୁ ଅନୁମତି ମିଳିଛି। ସୋମବାରଠାରୁ ବସ୍ ଚଳାଚଳକୁ ଅନୁମତି ଦିଆଯାଇଛି। ହେଲେ ଗାଡ଼ିରେ ସିଟ୍ କ୍ଷମତାରୁ ଅଧିକ ଲୋକ ଯାଇପାରିବେ ନାହିଁ। କୌଣସି ଯାତ୍ରୀ ଛିଡ଼ା ହୋଇ ଯିବେ ନାହିଁ। ଏହାକୁ କଡ଼ାକଡ଼ି ଭାବେ ଲାଗୁ କରିବା ପାଇଁ ଟ୍ରାନ୍ସପୋର୍ଟ କମିଶନର ଏବଂ ରାଜ୍ୟ ପୋଲିସ ବ୍ୟବସ୍ଥାକୁ ସଜାଗ କରାଯାଇଛି। ସେମାନେ ଏହା ଉପରେ ନଜର ରଖିବେ।
ରାଜ୍ୟରେ ଟ୍ରେନ୍ ଚଳାଚଳକୁ ମଧ୍ୟ ଅନୁମତି ଦିଆଯାଇଛି। ସେହିଭଳି ବିମାନବନ୍ଦର, ରେଳଷ୍ଟେଶନରୁ ଯାତ୍ରୀ ନେବାଆଣିବା ଲାଗି ଘରୋଇ ଗାଡ଼ି, ଟ୍ୟାକ୍ସିକୁ ଯିବା ଅନୁମତି ଦିଆଯାଇଛି। ଏମାନେ କଫ୍ୟୁ ସମୟରେ ବି ଯାତ୍ରା କରିପାରିବେ। କିନ୍ତୁ ଯାତ୍ରା କରିବା ସମୟରେ ମାସ୍କ ବ୍ୟବହାର କରନ୍ତୁ। ସାନିଟାଇଜର ରଖନ୍ତୁ। ଖିଲାପ ହେଲେ କାର୍ଯ୍ୟାନୁଷ୍ଠାନ ନିଆଯିବ। ଯାତ୍ରୀଙ୍କଠାରେ କୋଭିଡ-୧୯ର ଲକ୍ଷଣ ଥିଲେ ତାକୁ ଯିବାକୁ ଦିଆଯିବ ନାହିଁ ବୋଲି ରବିବାର ଖବରଦାତା ସମ୍ମିଳନୀରେ ଏସ୍ଆର୍ସି ପ୍ରଦୀପ ଜେନା ସୂଚନା ଦେଇଛନ୍ତି।
