ଭୁବନେଶ୍ୱର, ୧୫।୪(ବ୍ୟୁରୋ): ରାଜଧାନୀ ସୂର୍ଯ୍ୟନଗରରେ ଆବଦ୍ଧାଞ୍ଚଳ କଟକଣା ବଳବତ୍ତର ରହିଛି। ବିଏମ୍ସି ଦ୍ୱାରା ଜାରି କରାଯାଇଥିବା ପରିବର୍ତ୍ତିତ ବିଜ୍ଞପ୍ତିରେ ବୁଧବାର ଏହା ପ୍ରକାଶ ପାଇଛି। ସମ୍ପୃକ୍ତ ଅଞ୍ଚଳର ମୁଖ୍ୟ ରାସ୍ତାରୁ ସମସ୍ତ ବ୍ୟାରିକେଟ ହଟାଇ ଦିଆଯାଇଛି। ହେଲେ ସୂର୍ଯ୍ୟନଗରର ଆଭ୍ୟନ୍ତରୀଣ ଅଞ୍ଚଳକୁ ଏବେବି ଆବଦ୍ଧାଞ୍ଚଳ ଭାବେ ଘୋଷଣା କରାଯାଇଛି। ଏନ୍ସିସି ଅଫିସରୁ ସୂର୍ଯ୍ୟ କମ୍ପ୍ଲେକ୍ସ, ସୂର୍ଯ୍ୟ କମ୍ପ୍ଲେକ୍ସରୁ ନାଶନାଲ ପ୍ରଡକ୍ଟିଭିଟି କାଉନ୍ସିଲ, ନାଶନାଲ ପ୍ରଡକ୍ଟିଭିଟି କାଉନ୍ସିଲରୁ ଏନ୍ସିସି ଅଫିସ ପରିଧିର ଅଞ୍ଚଳରେ ଏବେବି ଆବଦ୍ଧାଞ୍ଚଳ କଟକଣା ଜାରି ରହିଛି। ଏବେ କଟକଣା ହଟିବାର କୌଣସି ଆଲୋଚନା ହୋଇନଥିବା ବିଏମ୍ସି କମିଶନର ପ୍ରେମଚନ୍ଦ୍ର ଚୌଧୁରୀ କହିଛନ୍ତି।
