ସିସିଟିଭି ନଜରରେ ରହିବ ଜଗତ୍‌ସିଂହପୁର ସହର

ଜଗତ୍‌ସିଂହପୁର ଅଫିସ, ୧୫।୨: ଜଗତ୍‌ସିଂହପୁର ସହରରେ ଦିନ ଦି ପ୍ରହରରେ ଲୁଟ୍‌ କିଛି ନୂଆ କଥା ନୁହେଁ। ଏଭଳି ଘଟଣା ଥରେ କି ଦୁଇଥର ନୁହେଁ, ଏକାଧିକ ବାର ଘଟିଥିଲେ ସୁଦ୍ଧା ପ୍ରତିକାର ନାହିଁ। କାରଣ ଅପରାଧୀମାନେ ଜାଣନ୍ତି ସହରରେ ସିସିଟିଭି କ୍ୟାମେରା ନ ଥିବାରୁ ସେମାନଙ୍କୁ ଚିହ୍ନଟ କରିବା ପୋଲିସ ପକ୍ଷରେ କଷ୍ଟକର। ବାସ୍ତବରେ ଅପରାଧୀଙ୍କୁ ଧରିବାରେ ପୋଲିସ ନାକେଦନ ହେଉଥିବାରୁ ସହରରେ ସିସିଟିଭି କ୍ୟାମେରା ଲଗାଯିବା ଜରୁରୀ ଅନୁଭବ କରି ଜଗତ୍‌ସିଂହପୁର ଥାନା ଆଇଆଇସି ଜଗତ୍‌ସିଂହପୁର ପୌର ପରିଷଦ ନିର୍ବାହୀ ଅଧିକାରୀଙ୍କୁ ଏ ନେଇ ୪ ମାସ ପୂର୍ବରୁ ଚିଠି କରିଛନ୍ତି। ଏଥିରେ ଉଲ୍ଲେଖ ଅଛି ସହରରେ ଲୋକଙ୍କ ଧନ, ଜୀବନ ସୁରକ୍ଷା ପାଇଁ ସିସିଟିଭି କ୍ୟାମେରା ଲଗାଯିବା ଜରୁରୀ। ଏହାହେଲେ ଅପରାଧୀଙ୍କୁ ଧରିବା ସହଜ ହୋଇପାରିବ। ପୋଲିସର ଏହି ଯୁକ୍ତିକୁ ଜଗତ୍‌ସିଂହପୁର ପୌର ପ୍ରଶାସକ ତଥା ଜିଲାପାଳ ସଂଗ୍ରାମ କେଶରୀ ମହାପାତ୍ର ଗ୍ରହଣ କରି ନେଇଛନ୍ତି। ପ୍ରାଥମିକ ପର୍ଯ୍ୟାୟରେ ସହରର ୮ଟି ସ୍ଥାନରେ ୩୫ଟି ସିସିଟିଭି କ୍ୟାମେରା ଲଗାଯିବା ପାଇଁ ନିଷ୍ପତ୍ତି ହୋଇଛି। ଏ ବାବଦରେ ୧୩.୫୬ ଲକ୍ଷ ଟଙ୍କା ବ୍ୟୟ ଅଟକଳ କରାଯାଇଛି। ତେବେ ଏହା ଭିତରେ ଅର୍ଥାତ୍‌ ଗତ ୩ରୁ ଆସନ୍ତା ୨୦ ତାରିଖ ସୁଦ୍ଧା ଟେଣ୍ଡର ପକାଇବାକୁ ବିଜ୍ଞାପନ ପ୍ରକାଶ ପାଇଥିବା ଜଗତ୍‌ସିଂହପୁର ପୌର ପରିଷଦ ପକ୍ଷରୁ ସୂଚନା ଦିଆଯାଇଛି। ବଡ କଥା ହେଲା କେଉଁ ବ୍ରାଣ୍ଡର କ୍ୟାମେରା ଲାଗିବ ତା’ ଉପରେ ସ୍ପଷ୍ଟ କରାଯାଇ ନ ଥିବାରୁ ବାସ୍ତବ ଲକ୍ଷ୍ୟ ପୂରଣ ହେବା ନେଇ ସନ୍ଦେହ ସୃଷ୍ଟି ହୋଇଛି। ଏ ସମ୍ପର୍କରେ ଜଣେ ପୋଲିସ ଅଧିକାରୀ ନାମ ଗୋପନ ରଖି କହିଛନ୍ତି, କ୍ୟାମେରାର ଗୁଣାବତ୍ତା ଉପରେ ଛବିର ମାନ ନିର୍ଭର କରେ। ଶସ୍ତା କ୍ୟାମେରା ଲାଗିଲେ ଏଥିରେ ଉତ୍ତୋଳିତ ଫଟୋ ବା ଭିଡିଓର ମାନ ଠିକ୍‌ ରହିବ ନାହିଁ, ଯାହାକି ଅଭିଯୁକ୍ତଙ୍କୁ ଚିହ୍ନଟ କରିବାରେ ପୋଲିସ ଅଡୁଆରେ ପଡିପାରେ।
୨୭ା୯।୧୯ରେ ଜଗତ୍‌ସିଂହପୁର ପୌର ପରିଷଦ ନିର୍ବାହୀ ଅଧିକାରୀଙ୍କୁ ଜଗତ୍‌ସିଂହପୁର ଆଇଆଇସି ରଜନୀକାନ୍ତ ମିଶ୍ର ଚିଠି କରି ସହରରେ ସୁରକ୍ଷା ଦୃଷ୍ଟିରୁ ସିସିଟିଭି କ୍ୟାମେରା ବ୍ୟବସ୍ଥା କରିବା ପାଇଁ ଅନୁରୋଧ କରିଥିଲେ। ସେ ଦର୍ଶାଇଥିଲେ, ସହରର ମୁଖ୍ୟ ରାସ୍ତା ଏପରି କି ଗୁରୁତ୍ୱପୂର୍ଣ୍ଣ ଛକ ସ୍ଥାନରେ ଅପରାଧିମାନେ ସହଜରେ ଚଳପ୍ରଚଳ ହୋଇ ପାରୁଛନ୍ତି। ସେମାନେ କିଛି ଅପରାଧ ଘଟାଇ ଖସିଗଲେ ସେମାନଙ୍କୁ ଚିହ୍ନଟ କରିବା କଷ୍ଟକର ହୋଇପଡୁଛି। ଏପରି କି ପାର୍ବଣ ଋତୁରେ ପ୍ରବଳ ଜନସମାଗମ ଦେଖି ଅପରାଧୀମାନେ ଅପରାଧ ଭିଆଁଇବାକୁ ପଛାଉ ନାହାନ୍ତି। ତେଣୁ ସହରରେ ସିସିଟିଭି କ୍ୟାମେରା ଲଗାଯିବା ଜରୁରୀ ହୋଇପଡିଛି। ପ୍ରାଥମିକ ପର୍ଯ୍ୟାୟରେ ଗାନ୍ଧି ଛକରୁ ସିପି ଓ ପୋଲିସ ଷ୍ଟେସନ୍‌ ଛକରୁ ପୁରୋହିତପୁର ଛକ ପର୍ଯ୍ୟନ୍ତ ମୁଖ୍ୟ ରାସ୍ତାରେ ସିସିଟିଭି କ୍ୟାମେରା ଲଗାଯିବା ଉପରେ ଗୁରୁତ୍ୱାରୋପ କରାଯାଇଛି। ଏହି ରାସ୍ତାର ଗାନ୍ଧି ଛକ, କଲେଜ ଛକ, କୋର୍ଟ ଛକ, ପୋଷ୍ଟ ଅଫିସ ଛକ, ପୋଲିସ ଷ୍ଟେସନ୍‌ ଛକ, ସିପିସ୍ଥିତ ଏକ ଗେଷ୍ଟ ହାଉସ ନିକଟ ଛକ, ପୁରୋହିତପୁର ଛକ ଓ ହାଟପୋଲ ନିକଟରେ ସିସିଟିଭି କ୍ୟାମେରା ଲଗାଯିବା ଜରୁରୀ ବୋଲି ଆଇଆଇସି ଦର୍ଶାଇଥିଲେ। ଆଇଆଇସିଙ୍କ ଯୁକ୍ତିର ଗୁରୁତ୍ୱ ଦୃଷ୍ଟିରୁ ପରିଷଦ ନିର୍ବାହୀ ଅଧିକାରୀ ଜିଲାପାଳଙ୍କ ଦୃଷ୍ଟି ଆକର୍ଷଣ କରିଥିଲେ। ଜିଲାପାଳଙ୍କ ଅନୁମତିକ୍ରମେ ବୈଷୟିକ ବିବରଣୀ ଓ ଆନୁମାନିକ ବଜେଟ୍‌ ପ୍ରସ୍ତୁତ କରିଥିଲା ଏନ୍‌ଆଇସି (ନ୍ୟାସନାଲ ଇନ୍‌ଫର୍ମେଟିକ୍‌ ସେଣ୍ଟର) ଜଗତ୍‌ସିଂହପୁର ଶାଖା। ସହରର ଉପରୋକ୍ତ ୮ଟି ସ୍ଥାନରେ ମୋଟ ୩୫ଟି ସିସିଟିଭି କ୍ୟାମେରା ଲାଗିବ। କିନ୍ତୁ ଏହି କ୍ୟାମେରାଗୁଡିକ ଉପରେ ଯେପରି ବର୍ଷାଦିନେ କିଛି ପ୍ରଭାବ ପଡିବନି ସେଥିପ୍ରତି ଧ୍ୟାନ ଦିଆଯିବ। ୫୫ ଇଞ୍ଚ ଏଲ୍‌ଇଡି, ୧ଟି ଇନ୍‌ଭର୍ଟର, ୮ଟି ୟୁପିଏସ୍‌ କିଣାଯିବ। ଏ ସବୁ ଜଗତ୍‌ସିଂହପୁର ଥାନାକୁ ହସ୍ତାନ୍ତର କରାଯିବ। ଥାନାରେ ଏକ ସ୍ବତନ୍ତ୍ର କୋଠରୀରେ ର଼୍ୟାକ୍‌ କରାଯାଇ ସେଠାରେ ମେସିନ୍‌ଗୁଡିକ ରଖାଯିବ। ମୋଟାମୋଟି ଭାବେ କହିବାକୁ ଗଲେ କଣ୍ଟ୍ରୋଲ ରୁମ୍‌ ଜଗତ୍‌ସିଂହପୁର ଥାନାରେ ହେବ ଏବଂ ଆଇଆଇସି ଏହାକୁ ନିୟନ୍ତ୍ରଣ କରିବେ। ନିୟମିତ ବ୍ୟବଧାନରେ ସମସ୍ତ କ୍ୟାମେରାରେ ଉତ୍ତୋଳିତ ଫଟୋ ଓ ଭିଡିଓ ଯାଞ୍ଚ ହେବ। ଆବଶ୍ୟକସ୍ଥଳେ ଯେ କୌଣସି ସମୟରେ ପୋଲିସ ସିସିଟିଭି ଫୁଟେଜ୍‌ ସଂଗ୍ରହ କରି ତଦନ୍ତ କରିପାରେ। କିନ୍ତୁ ସମସ୍ତ ତଥ୍ୟ ଗୋପନୀୟ ରହିବ। ବିଶେଷକରି ଅପରାଧ ନିୟନ୍ତ୍ରଣ କ୍ଷେତ୍ରରେ ଏହା ବେସ୍‌ ସହାୟକ ହେବ। ସୂଚନାଯୋଗ୍ୟ ଯେ, କଟକ-ଭୁବନେଶ୍ୱର କମିଶନରେଟ୍‌ ଅଞ୍ଚଳ ସମେତ ରାଜ୍ୟର ଏକାଧିକ ଜିଲା ମୁଖ୍ୟାଳୟରେ ସିସିଟିଭି କ୍ୟାମେରା ଲଗାଯାଇଛି । ଜଗତ୍‌ସିଂହପୁର ସହରରେ ଏହା ଖୁବ ଶୀଘ୍ର କାର୍ଯ୍ୟକାରୀ ହେବାକୁ ଯାଉଥିବାରୁ ସାଧାରଣରେ ସନ୍ତୋଷ ପ୍ରକାଶ ପାଇଛି। ଏ ସମ୍ପର୍କରେ ଜଗତ୍‌ସିଂହପୁର ଆଇଆଇସି କହିଛନ୍ତି, ଦ୍ୱିତୀୟ ପର୍ଯ୍ୟାୟରେ ସହରର ଅନ୍ୟ ସ୍ଥାନଗୁଡିକ ଚିହ୍ନଟ କରାଯାଇ ତାଲିକା ଦିଆଯିବ। ତା’ ଉପରେ ପରିଷଦ ଧ୍ୟାନ ଦେଇ ସିସିଟିଭି କ୍ୟାମେରା ଲଗାଇବା ବ୍ୟବସ୍ଥା କରିବ ବୋଲି ଆଶା କରାଯାଉଛି।


Enter your email to get our daily news in your inbox.

All Right Reserved By Dharitri.Com

ଦୁର୍ଘଟଣାରେ ଶ୍ୱଶୁର ମୃତ, ଜ୍ୱାଇଁ ଗୁରୁତର

ଭେଡ଼େନ,୨୮।୩ (ସୁଦନ ମହାକୁର): ବରଗଡ଼ ଜିଲା ଭେଡ଼େନ ଥାନା ଅଧୀନ ଭେଡ଼େନ-ରେମଣ୍ଡା ରାସ୍ତାର ଅପାମରା ନିକଟରେ ଗୁରୁବାର ଏକ ସଡ଼କ ଦୁର୍ଘଟଣା ଘଟିଛି। ଏକ ବାଇାକ୍‌...

କଂଗ୍ରେସରୁ ଇସ୍ତଫା ଦେଲେ ପୂର୍ବତନ ବିଧାୟକ, ବିଜେଡିରେ ଯୋଗଦେବା ସମ୍ଭାବନା

ନୂଆଦିଲ୍ଲୀ ,୨୮।୩: ବିଧାନସଭା ନିର୍ବାଚନ ପୂର୍ବରୁ ଟିଟିଲାଗଡର ପୂର୍ବତନ ବିଧାୟକ ସୁରେନ୍ଦ୍ର ସିଂ ଭୋଇ କଂଗ୍ରେସ ଦଳରୁ ଇସ୍ତଫା ଦେଇଛନ୍ତି। ତିନିଥର ପୂର୍ବତନ କଂଗ୍ରେସ ବିଧାୟକ...

ଭାଜପା ସହ ହେଲା ନାହିଁ ମେଣ୍ଟ ତ ନବୀନ ଖେଳିଲେ ନୂଆ ଗେମ! ପୁରୁଷଙ୍କ ଟିକେଟ କାଟି ପତ୍ନୀମାନଙ୍କୁ କଲେ ପ୍ରାର୍ଥୀ

ନୂଆଦିଲ୍ଲୀ/ଭୁବନେଶ୍ୱର,୨୮।୩: ଓଡ଼ିଶାରେ ଶାସକ ବିଜୁ ଜନତା ଦଳ (ବିଜେଡି) ଆଗାମୀ ବିଧାନସଭା ନିର୍ବାଚନ ପାଇଁ ୪ ମହିଳାଙ୍କୁ ସେମାନଙ୍କ ସ୍ବାମୀଙ୍କ ସ୍ଥାନରେ ପ୍ରାର୍ଥୀ କରିଛି। ଏହି...

ରାଜ୍ୟର ୬ଟି ଲୋକ ସଭା ଆସନରେ କାହାକୁ ଟିକେଟ ଦେବ ବିଜେଡି, ଚର୍ଚ୍ଚାରେ ଏହି ନାଁ

ଭୁବନେଶ୍ୱର,୨୮।୩: ୨୦୨୪ ସାଧାରଣ ନିର୍ବାଚନ ପାଇଁ ଓଡ଼ିଶାର ୨୧ଟି ଲୋକ ସଭା ନିର୍ବାଚନ ମଣ୍ଡଳୀ ଭିତରୁ ୧୮ଟି ସ୍ଥାନରେ ନିଜର ପ୍ରାର୍ଥୀ ଘୋଷଣା କରିଥିବା ବେଳେ...

ସୁଧାଂଶୁଙ୍କୁ ଗୁରୁଦାୟିତ୍ୱ ଦେଲା କଂଗ୍ରେସ

ରୂପସା,୨୮।୩(ବାଞ୍ଛାନିଧି ଦେ): ବାଲେଶ୍ୱର ଜିଲା କଂଗ୍ରେସ କମିଟି ସାଧାରଣ ସମ୍ପାଦକ ଓ ମୁଖ୍ୟ ମୁଖପାତ୍ର ସୁଧାଂଶୁ ଶେଖର ଜେନାଙ୍କୁ ପ୍ରଦେଶ କଂଗ୍ରେସ କମିଟି ପକ୍ଷରୁ ଭଦ୍ରକ...

ଓଡ଼ିଶା ପାଇଁ ଏପ୍ରିଲ ପ୍ରଥମ ସପ୍ତାହରେ ପ୍ରାର୍ଥୀ ଘୋଷଣା କରିବ କଂଗ୍ରେସ

ଭୁବନେଶ୍ୱର,୨୮।୩: ଓଡ଼ିଶା ପାଇଁ ଭାରତୀୟ ଜନତା ପାର୍ଟି(ଭାଜପା) ୧୮ ଟି ଲୋକ ସଭା ଆସନ ପାଇଁ ପ୍ରାର୍ଥୀ ଘୋଷଣା କରିଥିବା ବେଳେ ବିଜୁ ଜନତା ଦଳ(ବିଜେଡି)...

୩୦ ହଜାର ଟଙ୍କା ଲାଞ୍ଚ ନେବା ବେଳେ ସିଟିଓ-ଜିଏସଟି ଅଧିକାରୀଙ୍କୁ ବାନ୍ଧିଲା ଭିଜିଲାନ୍ସ

ଭୁବନେଶ୍ୱର,୨୮।୩: ପୁରୀରେ ଲାଞ୍ଚ ନେଉଥିଲା ବେଳେ ବାଣିଜ୍ୟିକ ଟିକସ ଅଧିକାରୀ (ସିଟିଓ) ଏବଂ ଦ୍ରବ୍ୟ ଏବଂ ସେବା କର (ଜିଏସଟି) ଅଧିକାରୀଙ୍କୁ ଗିରଫ କରିଛି ଓଡ଼ିଶା...

ଗୋପାଳପୁର ଚିନ୍ତାରେ ବିଜେଡି: ପ୍ରଦୀପଙ୍କ ପଛେ ପଛେ ଭାଜପାରେ ସାମିଲ ହେଉଛନ୍ତି କର୍ମୀ

ଗୋପାଳପୁର,୨୮।୩(ନବୀନ ରାଜ ଆଚାରୀ): ସାଧାରଣ ନିର୍ବାଚନ ତାରିଖ ଯେତିକି ପାଖେଇ ଆସୁଛି ରାଜନୀତି ତାତି ସେତେ ବଢୁଛି। ଗୁରୁବାର ଗୋପାଳପୁର ନିର୍ବାଚନ ମଣ୍ଡଳୀ ଗୋଳନ୍ଥରା ସ୍ଥିତ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri