ସାବୁନ ବାଣ୍ଟିଲେ ଅଙ୍ଗନୱାଡି, ଆଶାକର୍ମୀ
8:50 pmApril 6, 2020May 30, 2020 / 56

ଦାରିଙ୍ଗବାଡ଼ି,୬।୪(ଡି.ଏନ.ଏ)-ଲୋକେ ଠିକ ଭାବେ ସାମାଜିକ ଦୂରତ୍ୱ ଅବଲମ୍ବନ କରୁ ନ ଥିବାରୁ କନ୍ଧମାଳ ଏସ୍‌ପି ପ୍ରତୀକ ସିଂଙ୍କ ନିର୍ଦ୍ଦେଶକ୍ରମେ ଦାରିଙ୍ଗବାଡ଼ି ଏବଂ ବ୍ରାହ୍ମଣୀଗାଁ ପୋଲିସ ପକ୍ଷରୁ ନିୟମକୁ ଆହୁରି କଡ଼ାକଡ଼ି କରାଯାଇଛି। ଔଷଧ ଦୋକାନଠାରୁ ଆରମ୍ଭ କରି ରାଶନ, ପରିବା ଆଦି ଦୋକାନ ଆଗରେ ପୋଲିସ ଉପସ୍ଥିତିରେ ଗୋଲେଇ ଅଙ୍କିତ ଚିହ୍ନ ମଧ୍ୟରେ ରହି କିଣାକିଣି କରାଯିବାକୁ ଗୁରୁତ୍ୱ ଦିଆଯାଇଛି। ଏହାକୁ ଅମାନ୍ୟ କଲେ ବ୍ୟବସାୟୀଙ୍କ ଉପରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବା।ଅମାନିଆମାନେ ବଜାର ଘାଟରେ ବୁଲାବୁଲି କଲେ ସେମାନଙ୍କ ଉପରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଦାରିଙ୍ଗବାଡ଼ି ଆଇଆଇସି କୌଶିକ ମାଝି କହିଛନ୍ତି। ସେହିପରି କରୋନା ସଂକ୍ରମଣରୁ ରକ୍ଷା ପାଇବା ପାଇଁ ସରକାରଙ୍କ ନିର୍ଦ୍ଦେଶକୁ ମାନିବା ଓ ବାରମ୍ବାର ସାବୁନରେ ହାତ ଧୋଇବାକୁ ଘର ଘର ବୁଲି ଅଙ୍ଗନାୱାଡ଼ି ଏବଂ ଆଶାକର୍ମୀମାନେ ଲୋକଙ୍କୁ ସଚେତନ କରିଛନ୍ତି। ଏଥିସହ ପ୍ରତି ପରିବାରକୁ ଗୋଟିଏ ଲେଖାଏ ସାବୁନ ଦେଇ କିଭଳି ହାତ ଧୁଆଯିବ ତାହା ଶିଖାଇଛନ୍ତି।