ବରଗଡ଼ ଅଫିସ୍,୧।୫: ବରଗଡ଼ର ଓଶ୍ରୁ ଅନୁଷ୍ଠାନ ପକ୍ଷରୁ ଶୁକ୍ରବାର ବିଶ୍ୱ ଶ୍ରମିକ ଦିବସ ପାଳିତ ହୋଇଛି । ଏହି ଅବସରରେ ଓଶ୍ରୁ ଭବନରେ ବରିଷ୍ଠ ସଭ୍ୟ ଶରତ କୁମାର ବେହେରା ଝଣ୍ଡା ଉତ୍ତୋଳନ କରିଥିବାବେଳେ ଦିବଂଗତ ସଂଗ୍ରାମୀମାନଙ୍କୁ ଶ୍ରଦ୍ଧାସୁମନ ଅର୍ପଣ କରାଯାଇଥିଲା । ସେହିପରି ଅନୁଷ୍ଠାନର ସଭ୍ୟମାନେ ବରଗଡ଼ ରକ୍ତଭଣ୍ଡାରକୁ ଯାଇ ରକ୍ତଦାନ କରିଥିଲେ । ରକ୍ତଭଣ୍ଡାରରେ ଅନୁଷ୍ଠାନର ୪୬ଜଣ ରକ୍ତଦାନ କରିଥିଲେ । ଏଥିରେ ଅନୁଷ୍ଠାନର ସଭାପତି ଅରୁଣ କୁମାର ଶତପଥୀ, ସମ୍ପାଦକ ପ୍ରକାଶ ମହାପାତ୍ର, ଉପସଭାପତି ସନ୍ତୋଷ ଦ୍ୱାରୀ, କୋଷାଧ୍ୟକ୍ଷ ସନ୍ତୋଷ ପରିଡ଼ା, ରାଜ୍ୟ ଶାଖା ପ୍ରଭାରୀ ପ୍ରତ୍ୟୁଷ ମିଶ୍ର, କରନ ମିଶ୍ର, ସତ୍ୟଜିତ ଦାଶ ପ୍ରମୁଖ ସକ୍ରିୟ ଅଂଶଗ୍ରହଣ କରିଥିଲେ ।
