ରସୁଲଗଡ଼ ଓଭରବ୍ରିଜ୍‌ରେ ଝୁଲିଥିଲା କଂକ୍ରିଟ୍‌ ଖଣ୍ଡ

ଭୁବନେଶ୍ୱର,୨୭ା୨ (ବ୍ୟୁରୋ): ରସୁଲଗଡ଼ ଓଭରବ୍ରିଜ୍‌ରେ ଝୁଲି ରହିଥିଲା ବଡ଼ କଂକ୍ରିଟ୍‌ ଖଣ୍ଡ। ତଳେ ଯାତାୟାତ ଚାଲିଥିବାବେଳେ ମୁଣ୍ଡ ଉପରେ ଚାହିଁ ରହିଥିଲା ବଡ଼ ବିପଦ। ନା ଥିଲା ଜାତୀୟ ରାଜପଥ କର୍ତ୍ତୃପକ୍ଷଙ୍କ ନଜର, ନା ତଦାରଖ ଦାୟିତ୍ୱରେ ଥିବା ଅଧିକାରୀଙ୍କର। ଆନ୍ଧ୍ର ବ୍ୟାଙ୍କ ଏଟିଏମ୍‌ ସମ୍ମୁଖ ଓଭରବ୍ରିଜ୍‌ ପାର୍ଶ୍ୱରେ ୫୦ କେଜିରୁ ଅଧିକ ଓଜନର କଂକ୍ରିଟ ଖଣ୍ଡ ଝୁଲି ରହିଥିବା ଜଣାପଡ଼ିବା ପରେ ଆତଙ୍କ ଖେଳିଯାଇଥିଲା। ତୁରନ୍ତ ତଳେ ଯାଉଥିବା ଗାଡ଼ିମୋଟର ଓ ଲୋକଙ୍କୁ ବାରଣ କରାଯାଇଥିଲା। ଉକ୍ତ କଂକ୍ରିଟ ଖଣ୍ଡକୁ କଢ଼ାଯାଇ ସେଠାରେ ଆବଶ୍ୟକ ମରାମତି ହୋଇଥିଲା। ଫଳରେ ଏକ ବଡ଼ ଦୁର୍ଘଟଣାକୁ ଏଡ଼ାଇ ଦିଆଗଲା। ଏହି ଘଟଣାକୁ ନେଇ ସେଠାରେ କିଛି ସମୟ ଚାପା ଉତ୍ତେଜନା ଦେଖିବାକୁ ମିିଳିଥିଲା।
ମିଳିଥିବା ସୂଚନାନୁସାରେ, ବୁଧବାର ଜଣେ ଲୋକ ଏଟିଏମ୍‌କୁ ଟଙ୍କା ଉଠାଇବାକୁ ଆସିଥିବାବେଳେ ସମ୍ମୁଖ ଓଭରବ୍ରିଜ୍‌ ଉପରେ ଏକ ବଡ଼ କଂକ୍ରିଟ୍‌ ଖଣ୍ଡ ବିପଦସଙ୍କୁଳ ଅବସ୍ଥାରେ ଝୁଲୁଥିବା ଦେଖିଥିଲେ। ସେ ତୁରନ୍ତ ୧୦୦ ନମ୍ବରକୁ ଫୋନ୍‌ କରି ଜଣାଇବା ସହ ଜାତୀୟ ରାଜପଥ ପ୍ରାଧିକରଣ (ଏନ୍‌ଏଚ୍‌ଏଆଇ) ଅଧିକାରୀଙ୍କ ନମ୍ବର ଆଣି ଘଟଣା ସମ୍ପର୍କରେ ସୂଚନା ଦେଇଥିଲେ। କିଛି ସମୟ ପରେ ମଞ୍ଚେଶ୍ୱର ଥାନା ପୋଲିସ ସେଠାରେ ପହଞ୍ଚତ୍ କଂକ୍ରିଟ୍‌ ଝୁଲୁଥିବା ଓଭରବ୍ରିଜ୍‌ର ତଳ ଅଞ୍ଚଳକୁ କର୍ଡନ କରି ଗାଡ଼ିମୋଟର ଚଳାଚଳରେ କଟକଣା ଲଗାଇଥିଲା। ପରେ ଏନ୍‌ଏଚ୍‌ଏଆଇ ଅଧିକାରୀ ଓ କର୍ମଚାରୀ ପହଞ୍ଚତ୍ ସ୍ଥିତି ଯାଞ୍ଚ କରିଥିଲେ। ସେପଟେ ଓଭରବ୍ରିଜ୍‌ ଉପରେ ବହୁ ଭାରିଯାନ ଚଳାଚଳ କରୁଥିବାରୁ ସମସ୍ତେ ଆଶଙ୍କା ଓ ଭୟଭୀତ ଅବସ୍ଥାରେ ଥିଲେ। ମ୍ୟାନ୍‌ ଲିଫ୍ଟ ସହାୟତାରେ କର୍ମଚାରୀମାନେ ତଳପଟୁ ସେଣି ଓ ହାତୁଡ଼ିରେ ଉକ୍ତ କଂକ୍ରିଟ ଖଣ୍ଡକୁ ଛୋଟ ଛୋଟ କରି ଭାଙ୍ଗି ଖସାଇଥିଲେ। ଅନ୍ୟ ଅଂଶକୁ ଯାଞ୍ଚ କରି ଉକ୍ତ ସ୍ଥାନରେ ନୂଆ କଂକ୍ରିଟ ପ୍ୟାକିଂ ଦିଆଯାଇ ମରାମତି କରାଯାଇଥିଲା।
ଘଟଣା ସମ୍ପର୍କରେ ଏନ୍‌ଏଚ୍‌ଏଆଇର ଭୁବନେଶ୍ୱର ସେକ୍ଟର ମ୍ୟାନେଜର ପଙ୍କଜ ସିଙ୍ଘଲ କହିଛନ୍ତି, ସେମିତି କିଛି ଘଟଣା ଘଟିନାହିଁ। ଏହା ବ୍ରିଜ୍‌ର ଅଂଶ ବି ନୁହେଁ। ପାଣି ନ ଗଳିବା ପାଇଁ ଦୁଇ ସ୍ଲାବ୍‌ ମଝିରେ ଉକ୍ତ କଂକ୍ରିଟ ଖଣ୍ଡ ଦିଆଯାଇଥିଲା। ବ୍ରିଜ୍‌ ଉପରେ ଗାଡ଼ିମୋଟର ଚଳାଚଳ ଯୋଗୁ ଭାଇବ୍ରେଶନ ହୋଇ ତାହା ଏପରି ଅବସ୍ଥାରେ ଥିଲା। ତାହାକୁ କଢ଼ାଯାଇ ପୁଣି ଥରେ ଉକ୍ତ ସ୍ଥାନକୁ ମରାମତି କରାଯାଇସାରିଛି। ଆଗକୁ ଆଉକିଛି ବିପଦ ନାହିଁ। ଲୋକେ ଭୟଭୀତ ହୁଅନ୍ତୁ ନାହିଁ ବୋଲି ସେ କହିଛନ୍ତି।

ପୂର୍ବରୁ ଖସିଥିଲା କଂକ୍ରିଟ, ଉଠିଲାଣି ଗଛ
ରସୁଲଗଡ଼ ସମେତ ଜାତୀୟ ରାଜପଥରେ ଥିବା ଓଭରବ୍ରିଜ୍‌ ନିର୍ମାଣକୁ ନେଇ ବିଭିନ୍ନ ସମୟରେ ଅଭିଯୋଗ ଉଠୁଥିବାବେଳେ ଆବଶ୍ୟକ ରକ୍ଷଣାବେକ୍ଷଣ ନିଆଯାଉ ନ ଥିବା ମଧ୍ୟ ଜଣାପଡିଛି। ବ୍ରିଜ୍‌ରୁ କେତେବେଳେ କଂକ୍ରିଟ ଖସିଲାଣି ତ ଆଉ କେତେବେଳେ ଆପ୍ରୋଚ୍‌ ରୋଡ୍‌ ଦବୁଥିବା ନଜିର ରହିଛି। ୨୦୧୮ ଜାନୁୟାରୀ ୧୦ ବିଳମ୍ବିତ ରାତିରେ ରସୁଲଗଡ଼ ଓଭରବ୍ରିଜରୁ ଏକାଧିକ ବଡ଼ କଂକ୍ରିଟ ଖଣ୍ଡ ଖସିଥିଲା। ସେତେବେଳେ ସୌଭାଗ୍ୟବଶତଃ କୌଣସି ଗାଡିମୋଟର କିମ୍ବା ଲୋକଙ୍କ ଯାତାୟାତ ନ ଥିବାରୁ ବଡ଼ ବିପଦ ଟଳିଯାଇଥିଲା। ଅନ୍ୟପକ୍ଷରେ ଅଧିକାଂଶ ବ୍ରିଜ୍‌ରେ ବର ଓ ଅନ୍ୟ ଛୋଟବଡ଼ ଗଛ ଉଠି ବର୍ଷ ବର୍ଷ ଧରି ସେମିତି ରହିଥିବା ଦେଖିବାକୁ ମିଳୁଛି। ଗଛର ଚେର ବ୍ରିଜ୍‌ ପାଇଁ କ୍ଷତି ପହଞ୍ଚାଉଥିଲେ ମଧ୍ୟ ଏନ୍‌ଏଚ୍‌ଏଆଇ ଅଧିକାରୀମାନେ କାହିଁକି ଏଥିପ୍ରତି ଗୁରୁତ୍ୱ ଦେଉନାହାନ୍ତି, ଜୀବନ ଯିବା ପରେ କ’ଣ ନିଦ ଭାଙ୍ଗିବ ବୋଲି ସ୍ଥାନୀୟ ଲୋକେ ପ୍ରଶ୍ନ କରିଛନ୍ତି।


Enter your email to get our daily news in your inbox.

All Right Reserved By Dharitri.Com

୩୦ ହଜାର ଟଙ୍କା ଲାଞ୍ଚ ନେବା ବେଳେ ସିଟିଓ-ଜିଏସଟି ଅଧିକାରୀଙ୍କୁ ବାନ୍ଧିଲା ଭିଜିଲାନ୍ସ

ଭୁବନେଶ୍ୱର,୨୮।୩: ପୁରୀରେ ଲାଞ୍ଚ ନେଉଥିଲା ବେଳେ ବାଣିଜ୍ୟିକ ଟିକସ ଅଧିକାରୀ (ସିଟିଓ) ଏବଂ ଦ୍ରବ୍ୟ ଏବଂ ସେବା କର (ଜିଏସଟି) ଅଧିକାରୀଙ୍କୁ ଗିରଫ କରିଛି ଓଡ଼ିଶା...

କଟକରେ ହେବ ବଡ଼ ଲଢେଇ, ମୁହାଁମୁହିଁ ହୋଇପାରନ୍ତି ଭର୍ତ୍ତୃହରି-ସଂତୃପ୍ତ

ଭୁବନେଶ୍ୱର,୨୮।୩: ଆସନ୍ତା ସାଧାରଣ ନିର୍ବାଚନରେ ଭାଜପାର ଭର୍ତ୍ତୃହରି ମହତାବ ଏବଂ ବିଜେଡିର ସଂତୃପ୍ତ ମିଶ୍ରଙ୍କ ମଧ୍ୟରେ କଟକ ଲୋକ ସଭା ଆସନରୁ ଦେଖିବାକୁ ମିଳିପାରେ ବଡ଼...

ପିନାକୀ-ମହେଶଙ୍କୁ ମିଳିଲାନି ଟିକେଟ

ଭୁବନେଶ୍ୱର,୨୮।୩: ଆଗାମୀ ଲୋକ ସଭା ନିର୍ବାଚନକୁ ନେଇ ବିଜେଡି ଏହାର ପ୍ରାର୍ଥୀ ଘୋଷଣା କରିଛି। ବୁଧବାର ୧୫ ଆସନ ଲାଗି ପ୍ରାର୍ଥୀ ଘୋଷଣା ହୋଇଛି। ସେଥିମଧ୍ୟରୁ...

ଭାଜପାରେ ଯୋଗ ଦେଲେ ଭର୍ତ୍ତୃହରି, ସିଦ୍ଧାନ୍ତ, କଡ଼ା ଭାଷାରେ ସମାଲୋଚନା କଲା ବିଜେଡି

ଭୁବନେଶ୍ୱର,୨୮।୩: ଗୁରୁବାର ଭାରତୀୟ ଜନତା ପାର୍ଟି(ଭାଜପା)ରେ ଯୋଗ ଦେଇଛନ୍ତି କଟକ ଏମପି ଭର୍ତ୍ତୃହରି ମହତାବ, ପୂର୍ବତ୍ତନ ଲୋକ ସଭା ଏମପି ସିଦ୍ଧାନ୍ତ ମହାପାତ୍ର ଏବଂ ପଦ୍ମଶ୍ରୀ...

ଭାଜପାରେ ଯୋଗ ଦେବା ପରେ ଭର୍ତ୍ତୃହରି ଦେଲେ ବଡ଼ ବୟାନ, କହିଲେ ଓଡ଼ିଶାରେ…

ନୂଆଦିଲ୍ଲୀ,୨୮।୩: ବିଜେପିରେ ସାମିଲ ପରେ ସାଂସଦ ଭର୍ତ୍ତୃହରି ମହତାବ ଓଡ଼ିଶା ରାଜନୀତିକୁ ନେଇ ବଡ଼ ବୟାନ ଦେଇଛନ୍ତି। କେବଳ ‘ରାଷ୍ଟ୍ରବାଦ, ଏକାତ୍ମତା, ପୂର୍ବୋଦୟ ଭାଜପା ଜରିଆରେ...

ପଦ୍ମ ଧରିଲେ ପଦ୍ମଶ୍ରୀ ଦମୟନ୍ତୀ ବେସ୍ରା

ଭୁବନେଶ୍ୱର/ନୂଆଦିଲ୍ଲୀ,୨୮।୩: ଭାଜପାରେ ସାମିଲ ହେଲେ ପଦ୍ମଶ୍ରୀ ଦମୟନ୍ତୀ ବେସ୍ରା। ଗୁରୁବାର ଅପରାହ୍ନ ସାଢେ ୨ଟାରେ ନୂଆଦିଲ୍ଲୀର ଭାଜପା ମୁଖ୍ୟାଳୟରେ ସେ ଯୋଗ ଦେଇଛନ୍ତି। ଏହା ସହିତ...

ଭାଜପାରେ ଯୋଗଦେଲେ ଭର୍ତ୍ତୃହରି ମହତାବ, ନିକଟରେ ବିଜେଡିରୁ ଇସ୍ତଫା ଦେଇଥିଲେ

ଭୁବନେଶ୍ୱର,୨୮।୩: ନିକଟରେ ବିଜୁ ଜନତା ଦଳ(ବିଜେଡି)ରୁ ଇସ୍ତଫା ଦେଇଥିବା କଟକ ଲୋକ ସଭା ଏମପି ଭର୍ତ୍ତୃହରି ମହତାବ ଭାଜପାରେ ଯୋଗ ଦେଇଛନ୍ତି। ତାଙ୍କ ସହିତ ଦୁଇଥର...

ଭାଜପାରେ ମିଶିଲେ ସିଦ୍ଧାନ୍ତ ମହାପାତ୍ର

ନୂଆଦିଲ୍ଲୀ/ଭୁବନେଶ୍ୱର,୨୮ା୩: ଭାଜପାରେ ଗୁରୁବାର ଯୋଗ ଦେଇଛନ୍ତି ଅଭିନେତା ତଥା ବିଜେଡିର ପୂର୍ବତନ ଏମ୍‌ପି ସିଦ୍ଧାନ୍ତ ମହାପାତ୍ର। ଦିଲ୍ଲୀ ମୁଖ୍ୟ କାର୍ଯ୍ୟାଳୟରେ ଯୋଗଦେଇ ସେ ଭାଜପାରେ ସାମିଲ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri