ବଲାଙ୍ଗୀର ଅଫିସ, ୨୧ା୪: କରୋନା ସଂକ୍ରମଣକୁ ଖାତିର ନ କରି ଲକ୍ଡାଉନ୍ ସମୟରେ ଜନସାଧାରଣଙ୍କୁ ସେବା ଯୋଗାଇ ଆସୁଥିବା ମ୍ୟୁନିସିପାଲିଟି କର୍ମଚାରୀଙ୍କୁ ବଲାଙ୍ଗୀର ଔଷଧ ବ୍ୟବସାୟୀ ସଂଘ ପକ୍ଷରୁ ମାସ୍କ, ହାତଧୁଆ ସାବୁନ୍, ପାଣି ବୋତଲ ଏବଂ ବିସ୍କୁଟ ବଣ୍ଟନ କରାଯାଇଛି। ମଙ୍ଗଳବାର ସମସ୍ତ ସଫେଇ କର୍ମଚାରୀଙ୍କୁ କରୋନା ଯୋଦ୍ଧା ବୋଲି ଅଭିହିତ କରିବା ସହ ମ୍ୟୁନିସିପାଲିଟି କାର୍ଯ୍ୟନିର୍ବାହୀ ଅଧିକାରୀ ବିପିନ ବିହାରୀ ଦୀପ ଓ ଓ ସଫେଇ କର୍ମଚାରୀଙ୍କ ମୁଖ୍ୟ ନରସିଂହ ଦୀପଙ୍କୁ ଉପଢୌକନ ପ୍ରଦାନ ପୂର୍ବକ ସମ୍ବର୍ଦ୍ଧିତ କରାଯାଇଥିଲା । ଜିଲା ସଂଘ ସଭାପତି ସଞ୍ଜୟ ଚୌଧୁରୀଙ୍କ ନେତୃତ୍ୱରେ ସମ୍ପାଦକ ଲୋଟସ ଷଡ଼ଙ୍ଗୀ, ପୂର୍ବତନ ସଭାପତି ରାମଚନ୍ଦ୍ର ପୁରୋହିତ, ପୂର୍ବତନ ସମ୍ପାଦକ କମଳ କୁମାର ଚକ୍ରବର୍ତ୍ତୀ, ସୋମନାଥ ଅଗ୍ରୱାଲ, ସୌଭାଗ୍ୟ ମିଶ୍ର, ଅମିତ ଚୌଧୁରୀ ପ୍ରମୁଖ ଉପସ୍ଥ୍ିତ ରହି କର୍ମଚାରୀଙ୍କୁ ବିଭିନ୍ନ ସାମଗ୍ରୀ ବଣ୍ଟନ କରିବା ସହ ଲକ୍ଡାଉନ୍ ସମୟରେ ସେମାନଙ୍କ ନିସ୍ବାର୍ଥପର ସେବାର ଭୂୟସୀ ପ୍ରଶଂସା କରିଥିଲେ ।
