ପଲମ,୧୯।୮(ଡି.ଏନ.ଏ.): କଳାହାଣ୍ଡି ଜିଲା ନର୍ଲା ବ୍ଲକ ପଲମ ପଁଚେତ୍ ପଲମ ପୁରନା କଲୋନୀପଡ଼ାର ଟିକେସିନୀ ବାଗ(୩୫)। ଆଏଜ୍କେ ୨ ବଛର ହେଲା ସେ ଯକ୍ଷ୍ମା ରୋଗ୍ରେ ପୀଡ଼ିତ ହେଇ ବଡ଼ା ଦୁଖ୍ ପାଉଛନ୍। ଚିକିଛା ଲାଗି ସେ ନର୍ଲା, କେସିଙ୍ଗା, ଭବାନୀପାଟଣା, କାମଠଣା ଡାକ୍ତରଖାନାକେ ଯାଇ ନିରାଶ ହେଇଛନ୍। ଉଚ ଚିକିଛା କରାବାକେ ସେ ସକ୍ଷମ ନୁହଁନ୍। ଇଆଡ଼େ ଆପ୍ନେ ଗୋବର୍ଦ୍ଧନ ବାଗ ଫିଦିନ କୁଲି ମଜୁରି କରି ପରିବାର ଚଲଉଛନ୍। ଜମିବାଡ଼ି ବଲି କିଛି ନାଇଁ। ସରକାରନୁ ଲିଜରେ ପାଇଥିବାର ୪ ଡେସିମିଲ ଡିହରେ ଝାଟିମାଟିର ଗୁଟେ କୁରିଆ କରି ମୁଡ଼ ଗୁଁଜିଛନ୍। ଏନ୍ତାଥି ଟିକେସିନୀକୁଁ ସରକାରୀ ଚିକିଛା ସାହାଯ୍ ଯୁଗେଇ ଦେବାକେ ପଡ଼ାବାସୀ ଦାବି କରିଛନ୍। ଜିଲା ଆର ଥାନୀୟ ସୁଆସ୍ତିଅ ବିଭାଗ ଇ ଦିଗେ ଦୁରୁଷ୍ଟି ଦେଇ ପଦକ୍ଷେପ ନେବାକେ ବୁଧିଜୀବୀ ମହଲରେ ବି ଦାବି ହେଉଛେ।
