ମୁନିଗୁଡ଼ା,୧।୯(ଡି.ଏନ୍.ଏ.): ରାୟଗଡ଼ା ଜିଲା ମୁନିଗୁଡ଼ା ରେଞ୍ଜ ଅଧୀନରେ ଦୀର୍ଘ ଏକ ମାସ ଧରି ହାତୀପଲ ବହୁ ଫସଲ ଓ ଘର ନଷ୍ଟ କରୁଥିବା ବେଳେ ଶନିବାର ରାତିରେ ମୁନିଗୁଡ଼ା ବ୍ଲକ ତଥା ମୁନିଗୁଡ଼ା ରେଞ୍ଜ ଅଧୀନସ୍ଥ ନିୟମଗିରି ପାଦ ଦେଶରେ ଥିବା କାଟାଗାଡା ଗ୍ରାମରେ ପଶି ଘର ଭାଙ୍ଗିବା ସହ ଫସଲ ନଷ୍ଟ କରିଛନ୍ତି। ହାତୀପଲ ଗର୍ଜନ କରି ଗ୍ରାମ ଭିତରକୁ ପଶି ବହୁ ଫସଲ ନଷ୍ଟ କରିବା ସହ ଜମିରେ ଥିବା ଏକ ଘରକୁ ସମ୍ପୂର୍ଣ୍ଣ ଭାଙ୍ଗିଛନ୍ତି। ଉକ୍ତ ଘରେ ଫସଲ ଜଗିବାକୁ ପ୍ରତିଦିନ ଲୋକେ ଶୋଉଥିବା ବେଳେ କାଲି କେହି ଶୋଇ ନ ଥିବାରୁ ବଞ୍ଚିଯାଇଥିବା ଗ୍ରାମବାସୀ କହିଛନ୍ତି। ତେବେ ଏହି ହାତୀପଲଗାଁର ସଭାମଣି ଟାକ୍ରୀ, ବିସେକ ଟାକ୍ରୀଙ୍କ ସମେତ ଅନ୍ୟମାନଙ୍କ ହଳଦୀ, ଅଦା, ମକା, ମାଣ୍ଡିଆ, ଧାନ, କଦଳୀ ଫସଲ ସହ ଘରଗୁଡ଼ିକ ସାମାନ୍ୟ ନଷ୍ଟ କରିଥିବା ଜଣାପଡିଛି। ଖବର ପାଇ ବନ ବିଭାଗ କର୍ମଚାରୀମାନେ ପହଞ୍ଚି ସ୍ଥିତି ଅନୁଧ୍ୟାନ କରିଛନ୍ତି। ହାତୀପଲକୁ ଘଉଡ଼ାଇବା ବ୍ୟବସ୍ଥା ଜାରି ରହିିଛି ବୋଲି ମୁନିଗୁଡା ଫରେଷ୍ଟର ହରିଶ୍ଚନ୍ଦ୍ର ମାର୍ଥା ପ୍ରକାଶ କରିଛନ୍ତି। କ୍ଷୟକ୍ଷତି ଆକଳନ କରି ସହାୟତା କରିବାକୁ ଗ୍ରାମବାସୀ ଦାବି କରିଛନ୍ତି।
