ମୁମ୍ବାଇ,୫।୭(ପି.ଟି.):ଏକ ମାନହାନି ମାମଲାରେ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ଓ ସିପିଆଇ(ଏମ୍) ସାଧାରଣ ସମ୍ପାଦକ ସୀତାରାମ ୟେଚୁରୀ ଗୁରୁବାର କୋର୍ଟରେ ହାଜର ହୋଇ ନିଜକୁ ନିର୍ଦ୍ଦୋଷ ବୋଲି କହିଛନ୍ତି। କୋର୍ଟ ସେମାନଙ୍କୁ ଜାମିନ ମଞ୍ଜୁର କରିଛନ୍ତି। ତେବେ ସେମାନଙ୍କ ମାମଲାର ବିଚାର ଚାଲିବ ବୋଲି କହିଛନ୍ତି। ଫେବୃୟାରୀ ମାସରେ ଜାରି ସମନ ଅନୁଯାୟୀ ରାହୁଲ ଓ ୟେଚୁରୀ କଡ଼ା ସୁରକ୍ଷା ବ୍ୟବସ୍ଥା ମଧ୍ୟରେ ମାଜଗାଓଁ-ସଓ୍ବେରୀ ମେଟ୍ରୋପଲିଟାନ ମାଜିଷ୍ଟ୍ରେଟଙ୍କ କୋର୍ଟରେ ହାଜର ହୋଇଥିଲେ। ସେମାନଙ୍କ ବୟାନ ରେକର୍ଡ କରାଯିବା ସହ ସାକ୍ଷ୍ୟପ୍ରମାଣ ସଂଗ୍ରହ କରାଯିବ ବୋଲି ଅଦାଲତ କହିଛନ୍ତି। ପ୍ରତ୍ୟେକଙ୍କୁ ୧୫୦୦୦ ଟଙ୍କା ଲେଖାଏଁ ସିଓରିଟି ବଣ୍ଡରେ କୋଟର୍ର୍ ଜାମିନ ପ୍ରଦାନ କରିଛନ୍ତି। ଖବରଦାତା ଗୌରୀ ଲଙ୍କେଶ ହତ୍ୟା ମାମଲାରେ ଆରଏସ୍ଏସ୍ ସମ୍ପୃକ୍ତ ବୋଲି ରାହୁଲ ଓ ୟେଚୁରୀ ଅଭିଯୋଗ ଆଣିଥିଲେ। ଆର୍ଏସ୍ଏସ୍ କାର୍ଯ୍ୟକର୍ତ୍ତା ଧ୍ରୁତିମାନ୍ ଜୋଷୀ ଉଭୟଙ୍କ ବିରୋଧରେ ମାନହାନି ମାମଲା ଦାଏର କରିଥିଲେ।
