ମୁମ୍ବାଇ: ବଲିଉଡ୍ ନାୟିକା ମାଧୁରୀ ଦୀକ୍ଷିତ ଓ ନାୟକ ସଲମାନଙ୍କ ଅଭିନୀତ ଫିଲ୍ମ ‘ହମ୍ ଆପକେ ହୈ କୌନ’କୁ ପୂରିଛି ୨୫ ବର୍ଷ। ଏବେ ଏହି ହିଟ୍ ଫିଲ୍ମର ସ୍ପେଶାଲ ସ୍କ୍ରିନିଂ କରିବାକୁ ନିର୍ମାତା ସ୍ଥିର କରିଥିବା ଶୁଣିବାକୁ ମିଳିଛି। ଏହି ଫିଲ୍ମ ସେ ସମୟରେ ଦର୍ଶକଙ୍କୁ ବେଶ୍ ପସନ୍ଦ ଆସିଥିବାରୁ ଏବେ ୨୫ ବର୍ଷ ପୂର୍ତ୍ତି ଉପଲକ୍ଷେ ନିର୍ମାତା ଏହାର ସ୍କ୍ରିନିଂ କରିବାକୁ ଚିନ୍ତା କରିଥିବା କୁହାଯାଉଛି। ଏହି ଫିଲ୍ମର ନିର୍ଦ୍ଦେଶକ ସୁରଜ ବଡଜାତୟା ଦେଇଥିବା ବେଳେ ରାଜଶ୍ରୀ ପ୍ରଡକସନ୍ ଦ୍ୱାରା ଏହା ନିର୍ମାଣ କରାଯାଇଥିଲା। ୧୯୯୪ରେ ଏହା ରୂପେଲି ପରଦାରେ ରାଜ୍ କରିଥିଲା। ତେବେ ଚଳିତ ସପ୍ତାହରେ ଏହାର ସ୍କ୍ରିନିଂ କରାଯିବାକୁ ନେଇ ଏବେ ନିର୍ମାତା ବ୍ୟସ୍ତ ଥିବା କୁହାଯାଉଛି। ଆଜିବି ୨୫ ବର୍ଷ ତଳର ଏହି ଫିଲ୍ମ ଓ ଏହାର ଗୀତ ଦର୍ଶକଙ୍କ ମନରେ ବସାବାନ୍ଧି ରହିଛି।
