ଆମଷ୍ଟରଡାମ,୧୮।୬: ଓ୍ବାଶିଂଟନ ଡିସି ପରେ ଏବେ ନେଦରଲାଣ୍ଡସ୍ର ରାଜଧାନୀ ଆମଷ୍ଟରଡାମରେ ଜାତିର ପିତା ମହାତ୍ମା ଗାନ୍ଧୀଙ୍କ ପ୍ରତିମୂର୍ତ୍ତିକୁ କେହି ଦୁର୍ବୁତ୍ତ ନଷ୍ଟ କରିଦେଇଛନ୍ତି। ନେଦରଲାଣ୍ଡସ୍ ପୋଲିସର ସୂଚନା ଅନୁଯାୟୀ କେହି ଦୁର୍ବୁତ୍ତ ମହାତ୍ମା ଗାନ୍ଧୀଙ୍କ ପ୍ରତିମୂର୍ତ୍ତିକୁ ଆପତ୍ତିଜନକ ଚିତ୍ର ଓ ସ୍ପ୍ରେ ପେଣ୍ଟିଂ ଜରିଆରେ ବେରୂପ କରିଦେଇଛନ୍ତି। ସୂଚନାଯୋଗ୍ୟ, ଆମେରିକାରେ କୃଷ୍ଣକାୟ ନାଗରିକଙ୍କ ପୋଲିସ ହେପାଜତରେ ଥିବା ଅବସ୍ଥାରେ ମୃତ୍ୟୁ ହେବା ପରଠାରୁ ସାରା ବିଶ୍ୱରେ ବିବାଦୀୟ ସ୍ମାରକସ୍ଥଳ ଉପରେ ଆକ୍ରମଣ କରାଯାଉଛି। ଏହି କ୍ରମରେ କେତେକ ସ୍ଥାନରେ ମହାତ୍ମା ଗାନ୍ଧୀଙ୍କ ପ୍ରତିମୂର୍ତ୍ତିକୁ ନଷ୍ଟ କରି ଦିଆଯାଉଛି। ତେବେ ଆମଷ୍ଟରଡାମରେ ଘଟିଥିବା ଘଟଣାରେ ସମ୍ପୃକ୍ତ ବ୍ୟକ୍ତିଙ୍କୁ ଏପର୍ଯ୍ୟନ୍ତ ଚିହ୍ନଟ କରାଯାଇ ନାହିଁ। ଏହାକୁ ନେଇ ଜଣେ ଅଧିକାରୀ କହିଛନ୍ତି, ଦେଶ ହିଂସା ବିରୋଧି ଖୁବ୍ ଶୀଘ୍ର ଏହାକ ଠିକ୍ କରିଦିଆଯିବ।
