କଟକ ଅଫିସ,୨୮।୪: ଓଡ଼ିିଶା ରାଜ୍ୟ ଆଇନଜୀବୀ ପରିଷଦ ପକ୍ଷରୁ ମଙ୍ଗଳବାର ଉତ୍କଳ ଗୌରବ ମଧୁସୂଦନ ଦାସଙ୍କ ଜନ୍ମ ତିଥି ତଥା ଆଇନଜୀବୀ ଦିବସ ପାଳନ କରାଯାଇଛି। କରୋନା କଟକଣା ପାଇଁ ସାମାଜିକ ଦୂରତ୍ୱ ରଖାଯାଇ ଏହି କାର୍ଯ୍ୟକ୍ରମ ହୋଇଥିଲା। ଆଡଭୋକେଟ ଜେନେରାଲ ତଥା ଓଡ଼ିଶା ରାଜ୍ୟ ଆଇନଜୀବୀ ପରିଷଦର ସ୍ପେଶାଲ କମିଟି ଅଧ୍ୟକ୍ଷ ଅଶୋକ କୁମାର ପରିଜା ପରିଷଦର କାର୍ଯ୍ୟାଳୟ ପ୍ରାଙ୍ଗଣସ୍ଥିତ ମଧୁବାବୁଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରିବା ସହିତ ଆଇନଜୀବୀମାନଙ୍କୁ ମଧୁସୂଦନଙ୍କ ଆଦର୍ଶରେ ଅନୁପ୍ରାଣିତ ହେବା ପାଇଁ ଆହ୍ବାନ ଦେଇଥିଲେ। ଭାରତୀୟ ଆଇନଜୀବୀ ପରିଷଦର ପ୍ରତିନିଧି ତଥା ସ୍ପେଶାଲ କମିଟି ସଦସ୍ୟ ଦେବୀ ପ୍ରସାଦ ଧଳ, ବରିଷ୍ଠ ଆଇନଜୀବୀ ମାନସ ରଞ୍ଜନ ମହାପାତ୍ର ତଥା ସ୍ପେଶାଲ କମିଟି ଉପାଧ୍ୟକ୍ଷ ଅଜୟ କୁମାର ବରାଳ ମଧୁବାବୁଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରିଥିଲେ।
