ସାଉଥାମ୍ପଟନ,୧୫।୬(ପିଟି): ଓ୍ବେଷ୍ଟଇଣ୍ଡିଜ ଅଲରାଉଣ୍ଡର କାର୍ଲୋସ ବ୍ରାଥଓ୍ବେଟଙ୍କୁ ଭର୍ତ୍ସନା କରାଯାଇଛି। ଏଠାରେ ଶୁକ୍ରବାର ଇଂଲଣ୍ଡ ବିପକ୍ଷରେ ଖେଳାଯାଇଥିବା ବିଶ୍ୱକପ୍ ମ୍ୟାଚ୍ରେ ସେ ଅମ୍ପାୟରଙ୍କୁ ଖରାପ ବ୍ୟବହାର କରିଥିଲେ। ଫଳରେ ବ୍ରାଥଓ୍ବେଟ ଖେଳାଳିଙ୍କ ଲାଗି ଉଦ୍ଦିଷ୍ଟ ଆଇସିସି ନିୟମ ଭଙ୍ଗ କରିଛନ୍ତି। ଓ୍ବେଷ୍ଟଇଣ୍ଡିଜ ଦଳ ବ୍ୟାଟିଂ କରୁଥିବାବେଳେ ୪୩ତମ ଓଭରରେ ବ୍ରାଥଓ୍ବେଟଙ୍କୁ ଫିଲ୍ଡ ଅମ୍ପାୟର ଆଉଟ୍ ଦେଇଥିଲେ, ଯାହାକୁ ଓ୍ବେଷ୍ଟଇଣ୍ଡିଆନ ଅଲରାଉଣ୍ଡ ଗ୍ରହଣ କରିପାରି ନ ଥିଲେ। ସେ ଭୂଲ ସ୍ବୀକାର କରିନେଇଛନ୍ତି। ଫିଲ୍ଡ ଅମ୍ପାୟର ସୁନ୍ଦରମ ରବି, କୁମାର ଧର୍ମସେନା, ୩ୟ ଅମ୍ପାୟର ରଡ୍ନୀ ଟକର ଓ ୪ର୍ଥ ଅଫିସିଆଲ ପଲ ଓ୍ବଲସନ ଅଭିଯୋଗ ଆଣିଥିଲେ।
