ବୁଗୁଡ଼ା,୧୬ା୬(ଡି.ଏନ.ଏ.)- ବୁଗୁଡ଼ା ବ୍ଲକ ବେତାରସିଙ୍ଗି ଗ୍ରାମର ହୋମ୍ କ୍ବାରାଣ୍ଟାଇନରେ ଥିବା ଜଣେ ଯୁବକଙ୍କର ଶନିବାର କରୋନା ରିପୋର୍ଟ ପଜିଟିଭ ଆସିଥିଲା। ଫଳରେ ଜିଲା ପ୍ରଶାସନ ସୋମବାର ବିଳମ୍ବିତ ରାତିରେ ବେତାରସିଙ୍ଗି ଗ୍ରାମର ତଳ ସାହି, ବଡ଼ଦାଣ୍ଡ ସାହି ଓ ଖଦାଳ ସାହିକୁ କଣ୍ଟେନ୍ମେଣ୍ଟ ଜୋନ୍ ସହ ଆଖପାଖ ୬ ଗ୍ରାମକୁ ବଫର ଜୋନ୍ ଘୋଷଣା କରିଛି। ଯୁବକଙ୍କ ପରିବାର ଓ ସଂସ୍ପର୍ଶରେ ଆସିଥିବା କେତେଜଣଙ୍କୁ ସଙ୍ଗରୋଧ କେନ୍ଦ୍ରରେ ରଖାଯାଇଥିବା ବେଳେ ଜନୈକା ଡ଼ାକ୍ତରଙ୍କୁ ମଧ୍ୟ ହୋମ୍ କ୍ବାରାଣ୍ଟାଇନରେ ରଖାଯାଇଛି। ଗୋଳାବନ୍ଧ, ଗୋଲାବଞ୍ଜର, ବିଷୋୟୀବଞ୍ଜର, ସୁବୁଦ୍ଧିପଲ୍ଲୀ, ସୋଲଣ୍ଡି ଏବଂ ବୁଗୁଡ଼ା ଏନ୍ଏସି ୱାର୍ଡ ନଂ.୧ର କାଞ୍ଜିଆପଲ୍ଲୀ ଗ୍ରାମକୁ ବଫର୍ ଜୋନ୍ ଘୋଷଣା କରିଛନ୍ତି। ଉକ୍ତ ସାହି ଓ ଗ୍ରାମଗୁଡ଼ିକରେ ବ୍ୟାରିକେଡ୍ କରାଯାଇ ପ୍ରବେଶ ପଥକୁ ସିଲ୍ କରାଯାଇଛି। ପରବର୍ତ୍ତୀ ଆଦେଶ ପର୍ଯ୍ୟନ୍ତ ଏହା ବଳବତ୍ତର ରହିବ ବୋଲି ବିଡିଓ ତନ୍ମୟ ପାତ୍ର ସୂଚନା ଦେଇଛନ୍ତି।
