Posted inଖେଳ

ବିଶ୍ୱକପ୍‌: କୋହଲିଙ୍କ ଲାଗି ନେତୃତ୍ୱର ପରୀକ୍ଷା

ନୂଆଦିଲ୍ଲୀ,୧୯।୫(ପି.ଟି.)- ବିରାଟ କୋହଲି ବିଶ୍ୱ କ୍ରିକେଟରେ ସୁପରଷ୍ଟାର ମାନ୍ୟତା ପାଇଛନ୍ତି। ବ୍ୟାଟିଂରେ କ୍ରମାଗତଭାବେ ସ୍ଥିର ପ୍ରଦର୍ଶନ କରି ସେ ଜଣେ ମହାନ୍‌ ବ୍ୟାଟ୍ସମ୍ୟାନର ମାନ୍ୟତା ମଧ୍ୟ ପାଇସାରିଛନ୍ତି। କିନ୍ତୁ ଆଉ କିଛି ଦିନ ପରେ ଇଂଲଣ୍ଡରେ ଆରମ୍ଭ ହେବାକୁ ଯାଉଥିବା ବିଶ୍ୱକପ୍‌ରେ କୋହଲିଙ୍କ ସମ୍ମୁଖରେ ଏକ ଭିନ୍ନ ଧରଣର ପରୀକ୍ଷା ଅପେକ୍ଷା କରି ରହିଛି। ନିଜ ନେତୃତ୍ୱ ଓ ପଡିଆରେ ସାମରିକ କୌଶଳକୁ କିପର କାର୍ଯ୍ୟକାରୀ କରିବା ନେଇ ସେ ପରୀକ୍ଷାର ସମ୍ମୁଖୀନ ହେବେ।
ଅଷ୍ଟ୍ରେଲିଆ ମାଟିରେ ପ୍ରଥମ ଭାରତୀୟ ଅଧିନାୟକ ଭାବେ କୋହଲି ଟେଷ୍ଟ ସିରିଜ ଜିତି ଇତିହାସ ସୃଷ୍ଟି କରିଥିଲେ। କିନ୍ତୁ ବିଶ୍ୱକପ୍‌ରେ କଥା ଟିକିଏ ଅଲଗା। ତାଙ୍କୁ ବିଶେଷ ରଣନୀତି ସହ ପଡିଆକୁ ଓହ୍ଲାଇବାକୁ ହେବ। ୪ ନମ୍ବରରେ କିଏ ବ୍ୟାଟିଂ କରିବେ ତାହା ଏକ ବଡ଼ ପ୍ରଶ୍ନ। ପୁଣି ଦଳରେ ଜଣେ ତୃତୀୟ ଦ୍ରୁତ ବୋଲରକୁ ନିଆଯିବା ଠିକ୍‌ ହେବ ନା ଜଣେ ଅତିରିକ୍ତ ଅଲରାଉଣ୍ଡରଙ୍କୁ ଖେଳାଯିବ? ବିଶ୍ୱକପ୍‌ରେ କୋହଲି କେବଳ ଜଣେ ବ୍ୟାଟ୍ସମ୍ୟାନ ଭାବେ ନୁହେଁ ଜଣେ ଅଧିନାୟକ ଭାବେ ସାରା ବିଶ୍ୱ ପାଇଁ ନିଜର ସ୍ବତନ୍ତ୍ର ପରିଚୟ ସୃଷ୍ଟି କରିବେ। ତେବେ ସେ କେତେ ସଫଳ ବା ବିଫଳ ହେଉଛନ୍ତି ତାହା ଅବଶ୍ୟ ପରେ ଜଣାପଡିବ। ବିଶ୍ୱକପ୍‌ ଜିତିଲେ କୋହଲିଙ୍କ ପାଇଁ ନିଶ୍ଚିତ ଭାବେ ସ୍ବତନ୍ତ୍ର ହେବ। ଏହି ମେଗା ଇଭେଣ୍ଟରେ ତାଙ୍କର ବୁଦ୍ଧିର ପରୀକ୍ଷା ହେବ। ୭ ସପ୍ତାହଧାରି ଚାଲିବାକୁ ଥିବା ଏହି ଟୁର୍ନାମେଣ୍ଟରେ କୋହଲି ୧୧,୦୦୦ ରନ ପାର କରିବା ଆଶା ମଧ୍ୟ କରାଯାଉଛି। ଏପର୍ଯ୍ୟନ୍ତ ସେ ୪୧ଟି ଶତକ ହାସଲ କରିଛନ୍ତି। ଆଉ କେତୋଟି ଶତକ ହାସଲ କରି ସେ ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକରଙ୍କ ରେକର୍ଡର ସେ ସମକକ୍ଷ ହେବେ। ଇଂଲଣ୍ଡର ପିଚ୍‌ଗୁଡିକ ଫ୍ଲାଟ ରହିଛି। ତେଣୁ ପ୍ରାୟ ସବୁ ମ୍ୟାଚ୍‌ ହାଇସ୍କୋରିଂ ହେବ ବୋଲି ଆଶାକରାଯାଉଛି। ତାରକା ଓପନର ତଥା ଉପଅଧିନାୟକ ରୋହିତ ଶର୍ମା ମଧ୍ୟ ନିଜ ଦମ୍‌ ଦେଖାଇବାର ଭରପୂର ସୁଯୋଗ ହାସଲ କରିବେ। ସେ ୩ଟି ଦ୍ୱିଶତକ ହାସଲ କରିଥିବା ବେଳେ ଆଉ କେତୋଟି ଶତକ ଓ ଏକ ଦ୍ୱିଶତକ ହାସଲ କରିବେ ବୋଲି ଆଶା କରାଯାଉଛି। ପୁଣି ଆନ୍ତର୍ଜାତିକ କ୍ରିକେଟ କାଉନସିଲ (ଆଇସିସି) ଇଭେଣ୍ଟଗୁଡିକରେ ଅଭିଜ୍ଞ ଓପନର ଶିଖର ଧାଓ୍ବନ ସବୁବେଳେ ଭଲ ପ୍ରଦର୍ଶନ କରିବାର ଉଦାହରଣ ରହିଛି। ସେ ପୁଣି ଏଥର ଦମ୍‌ ଦେଖାଇବେ ବୋଲି ଆଶା କରାଯାଉଛି। ଟପ୍‌ ୩ଜଣ ବ୍ୟାଟ୍ସମ୍ୟାନ ଦମ୍‌ଦାର ପ୍ରଦର୍ଶନ କରି ଆସିଛନ୍ତି। ତେବେ ଏହା ପରେ ଟିମ୍‌ ଇଣ୍ଡିଆରେ ସମସ୍ୟା ଦେଖାଯାଉଛି। ଅମ୍ବାତି ରାୟୁଡୁ ଓ ରିଷଭ ପନ୍ତ ବିଶ୍ୱକପ୍‌ ଦଳରେ ସ୍ଥାନ ପାଇନାହାନ୍ତି। ତେଣୁ ୪ ନମ୍ବରରେ ଏହି ଦୁଇ ଖେଳାଳି ବ୍ୟାଟିଂ କରିବା ନେଇ ଚର୍ଚ୍ଚା ହେଉଥିଲେ ମଧ୍ୟ ଏବେ ଏହାର ଆଉ ଆବଶ୍ୟକତା ନାହିଁ।
ଦୀନେଶ କାର୍ତ୍ତିକ ଚାପରେ ଭଲ ପ୍ରଦର୍ଶନ କରିବେ ବୋଲି ପନ୍ତଙ୍କୁ ପଛରେ ପକାଇ ତାଙ୍କୁ ଦଳରେ ନିଆଯିବା କଥା କୋହଲି ଓ ମୁଖ୍ୟ ଚୟନକର୍ତ୍ତା ଏମ୍‌.ଏସ୍‌.କେ. ପ୍ରସାଦ ପୂର୍ବରୁ କହିସାରିଛନ୍ତି। ଅଲରାଉଣ୍ଡର ବିଜୟ ଶଙ୍କର ଓ ସ୍ପେଶାଲିଷ୍ଟ ଓପନର ଲୋକେଶ ରାହୁଲଙ୍କ ଉପରେ ମଧ୍ୟକ୍ରମ ବ୍ୟାଟିଂ ନିର୍ଭର କରୁଛି। ଏହି ଦୁହଁିଙ୍କ ମଧ୍ୟରୁ ଜଣକୁ ୪ ନମ୍ବରରେ ବ୍ୟାଟିଂ କରିବାର ସୁଯୋଗ ମିଳିପାରେ। ଅଭିଜ୍ଞ ମହେନ୍ଦ୍ର ସିଂ ଧୋନୀଙ୍କ ପାଇଁ ଏହି ବିଶ୍ୱକପ୍‌ ବିଶେଷ ଭାବେ ମହତ୍ତ୍ୱ ରଖୁଛି। ସେ କ୍ୟାରିୟର ଶେଷ ବିଶ୍ୱକପ୍‌ ଖେଳିବାକୁ ଯାଉଛନ୍ତି। ତାଙ୍କର ଷ୍ଟ୍ରାଇକରେଟ ୭୦ ଥିବା ବେଳେ ଓ ୩୫ରୁ ୫୦ ଓଭରରେ ସେ ଦ୍ରୁତ ବୋଲରଙ୍କୁ ସଫଳତାର ସହ ସାମ୍ନା କରବାକୁ ସଂଘର୍ଷ କରୁଛନ୍ତି। ତେଣୁ ତାଙ୍କ ପାଇଁ ଆଗକୁ ବଡ଼ ଚ୍ୟାଲେଞ୍ଜ ରହିଛି। ଆଇପିଏଲ୍‌ରେ ଧୋନୀ ଯୁବ ଭାରତୀୟ ବୋଲରଙ୍କୁ ସାମ୍ନା କରି ରନ ସଂଗ୍ରହ କରୁଥିଲେ। ତେବେ ବିଶ୍ୱକପ୍‌ରେ ତାଙ୍କୁ କାଗିସୋ ରାବାଡ଼ା, ପ୍ୟାଟ କୁମିନ୍ସ କିମ୍ବା ମହମ୍ମଦ ଆମୀରଙ୍କୁ ସାମ୍ନା କରିବାକୁ ହେବ। ୬ ନମ୍ବରରେ ଫିଟ୍‌ ଘୋଷିତ ହୋଇଥିବା କେଦାର ଯାଦବ ବ୍ୟାଟିଂ କରିବାକୁ ଆସିବେ। ୭ ନମ୍ବରରେ ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା ବ୍ୟାଟିଂ କରିବେ। ଡେଥ ଓଭରରେ ବଡ଼ ଛକା ମାରିବାର କ୍ଷମତା ତାଙ୍କ ପାଖରେ ରହିଛି ଓ ସେ ଦଳ ପାଇଁ ଟୁର୍ନାମେଣ୍ଟରେ ଉପଯୋଗୀ ସାବ୍ୟସ୍ତ ହେବେ।
ଗତ ଦୁଇବର୍ଷ ହେବ ଭାରତ ଦୁଇ ରିଷ୍ଟ ସ୍ପିନର କୁଲଦୀପ ଯାଦବ ଓ ୟୁଜବେନ୍ଦ୍ର ଚହଲଙ୍କ ଉପରେ ଅଧିକ ନିର୍ଭରଶୀଳ ହୋଇପଡିଛି। ଏମାନେ ମଧ୍ୟ ସଫଳ ହୋଇଛନ୍ତି ଓ ବିଶ୍ୱକପ୍‌ରେ ଏହାକୁ ଦୋହରାଇବା ଲକ୍ଷ୍ୟରେ ରହିଛନ୍ତି। ଗତ ଅଷ୍ଟ୍ରେଲିଆ ବିପକ୍ଷ ଘରୋଇ ସିରିଜରେ ଏମାନେ ଅବଶ୍ୟ ସଫଳ ହୋଇପାରି ନ ଥିଲେ। ଆଇପିଏଲ୍‌ରେ କୁଲଦୀପ ଭଲ ପ୍ରଦର୍ଶନ କରିପାରି ନ ଥିଲେ। ତାରକା ଦ୍ରୁତ ବୋଲର ଯଶପ୍ରୀତ ବୁମ୍‌ରା ଭାରତ ପାଇଁ ମ୍ୟାଚ୍‌ ଓ୍ବିନର ସାବ୍ୟସ୍ତ ହେବେ। ସେହିପରି ଦ୍ରୁତ ବୋଲର ମହମ୍ମଦ ସାମି ସୁଇଂ ଓ ବୁମ୍‌ରାଙ୍କ ୟର୍କର ଡେଥ ଓଭରରେ ଭାରତ ପାଇଁ ବେଶ୍‌ କାମରେ ଆସିବ। ୯ଟି ଲିଗ୍‌ ମ୍ୟାଚ୍‌ରୁ ୬ଟିରେ ବିଜୟୀ ହେଲେ ଗୋଟିଏ ଦଳ ସିଧାସଳଖ ସେମିଫାଇନାଲରେ ପ୍ରବେଶ କରିପାରିବ। ତେଣୁ ଏଥିରେ ଭାରତ ଅବଶ୍ୟ ସଫଳ ହେବ ବୋଲି ଜୋର ଦେଇ କୁହାଯାଇପାରେ। ଭାରତ ମଧ୍ୟ ଇଂଲଣ୍ଡ ଓ ଦକ୍ଷିଣ ଆଫ୍ରକା, ଅଷ୍ଟ୍ରେଲିଆ ସମେତ ବିଶ୍ୱକପ୍‌ ଫେଭରାଇଟ୍‌ ବିବେଚିତ ହେଉଛି।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ଏହି ମହଙ୍ଗା ବୋଲରଙ୍କୁ ଘାରିଛି କୋହଲି ଭୟ: ଆଇପିଏଲ ଇତିହାସରେ ପ୍ରଥମଥର ହେବ ସାମ୍ନା

ବେଙ୍ଗାଲୁରୁ,୨୯।୩: ଆଇପିଏଲ ୨୦୨୪ର ଦଶମ ମ୍ୟାଚ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ଏବଂ କୋଲକାତା ନାଇଟ ରାଇଡର୍ସ ମଧ୍ୟରେ ଖେଳାଯିବ। ଆରସିବି ଚଳିତ ସିଜନରେ ଏପର୍ଯ୍ୟନ୍ତ ଦୁଇଟି...

ରାଗିଯାଇ କାନ୍ଥରେ ବ୍ୟାଟ୍‌ ପିଟିଦେଲେ ରିଷଭ ପନ୍ତ: ଦେଖନ୍ତୁ ଭିଡିଓ

ନୂଆଦିଲ୍ଲୀ,୨୯।୩; ରାଜସ୍ଥାନ ରୟାଲ୍ସ ବିପକ୍ଷରେ ଦିଲ୍ଲୀ କ୍ୟାପିଟାଲ୍ସକୁ ପରାଜୟର ସାମ୍ନା କରିବାକୁ ପଡିଥିଲା। ରାଜସ୍ଥାନ ରୟାଲ୍ସ ଦିଲ୍ଲୀ କ୍ୟାପିଟାଲକୁ ୧୨ ରନରେ ପରାସ୍ତ କରିଛି। ଏହିପରି...

ଜାତୀୟ ପିକଲବଲ୍‌ରେ ଓଡ଼ିଶାର ସଫଳତା

ଭୁବନେଶ୍ୱର, ୨୮।୩(ତପନ ସ୍ବାଇଁ):ପିକଲବଲ୍‌ ଆସୋସିଏଶନ ଅଫ୍‌ ଓଡ଼ିଶା ଆନୁକୂଲ୍ୟରେ ଆୟୋଜିତ ପ୍ରଥମ ଜାତୀୟ ପିକଲବଲ୍‌ ଟୁର୍ନାମେଣ୍ଟରେ ଓଡ଼ିଶା ପ୍ରତିଯୋଗୀମାନେ ପ୍ରଦର୍ଶନର ଛାପ ଛାଡ଼ିଛନ୍ତି। ଏହି ସମ୍ମାନଜନକ...

ଲାଟିନ୍‌ ଆମେରିକା ଲିଗ୍‌ରେ ବିଜୟ ପ୍ରଥମ ଭାରତୀୟ

ଚେନ୍ନାଇ,୨୮ା୩(ପି.ଟି.):ଡିଫେଣ୍ଡର ବିଜୟ ଛେତ୍ରୀ ପ୍ରଥମ ଭାରତୀୟ ଖେଳାଳି ଭାବରେ ଏକ ଲାଟିନ୍‌ ଆମେରିକୀୟ କ୍ଲବରେ ସାମିଲ ହେବାକୁ ଯାଉଛନ୍ତି। ଉରୁଗୁଏର କ୍ଲବ କଲୋନା ଏଫ୍‌ସି ସହିତ...

ଭାରତୀୟ ହକି ଦଳକୁ ଓସ୍‌ଜାର ‘ପ୍ୟାରିସ ଅଲିମ୍ପିକ୍ସ ଶୁଭେଚ୍ଛା’

ଭୁବନେଶ୍ବର, ୨୯ା୩ (ବିଜୟ ରଣା):ଭାରତୀୟ ପୁରୁଷ ହକି ଦଳକୁ ‘ପ୍ୟାରିସ ଅଲିମ୍ପିକ୍ସ ଶୁଭେଚ୍ଛା’ ଜଣାଇଛି ଓ ଓଡ଼ିଶା ସ୍ପୋଟର୍‌ସ ଜର୍ନାଲିଷ୍ଟ ଆସୋସିଏଶନ (ଓସ୍‌ଜା)। ଗୁରୁବାର ସଂଧ୍ୟାରେ...

ଏହି କ୍ରିକେଟର୍‌ଙ୍କୁ ଚପଲରେ ପିଟିବାକୁ ଚାହୁଁଛନ୍ତି ଯୁବରାଜ: ଜାଣନ୍ତୁ କାହିଁକି

ମୁମ୍ବାଇ,୨୯।୩: ସନରାଇଜର୍ସ ହାଇଦ୍ରାବାଦ ଏବଂ ମୁମ୍ବାଇ ଇଣ୍ଡିଆନ୍ସ ମଧ୍ୟରେ ହୋଇଥିବା ମ୍ୟାଚରେ ବିସ୍ଫୋରକ ଇନିଂସ ଜରିଆରେ ଅଭିଷେକ ଶର୍ମା ଚର୍ଚ୍ଚାକୁ ଆସିଛନ୍ତି। ସେ ମାତ୍ର ୧୬...

୩ ଦିନ ହେବ ପେନ୍‌କିଲର ନେଉଥିବା ଖେଳାଳି ପଡିଆରେ ସାଜିଲେ ବିଜୟର ହିରୋ

ନୂଆଦିଲ୍ଲୀ,୨୯।୩: ଚଳିତ ଆଇପିଏଲ୍‌ର ଏକ ମ୍ୟାଚ୍‌ରେ ରାଜସ୍ଥାନ ରୟାଲ୍ସ ଦିଲ୍ଲୀ କ୍ୟାପଟାଲ୍ସକୁ ପରାସ୍ତ କରିଛି। ସଞ୍ଜୁ ସାମସନଙ୍କ ଦଳର ବିଜୟର ରିୟାନ ପରାଗ ଥିଲେ। ସେ...

ଆଇପିଏଲ୍‌ ଅରେଞ୍ଜ୍‌-ପର୍ପଲ କ୍ୟାପ୍‌ ରେସ୍‌ରେ ଅଛନ୍ତି ଏହି ଖେଳାଳି

ନୂଆଦିଲ୍ଲୀ,୨୯।୩: ଦିଲ୍ଲୀ କ୍ୟାପଟାଲ୍ସ ବିପକ୍ଷରେ ରିୟାନ ପରାଗ ଏକ ଚମତ୍କାର ଇନିଂସ ଖେଳିଥିଲେ। ରିୟାନ ପାରାଗ ୪୫ ବଲରେ ୮୪ ରନ ସଂଗ୍ରହ କରିଥିଲେ। ଏହି...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri