ଅନୁଗୋଳ ଅଫିସ, ୭।୧୧: ଅନୁଗୋଳ ପରିବହନ କାର୍ଯ୍ୟାଳୟ ପକ୍ଷରୁ ବୁଧବାର ବିଭିନ୍ନ ସ୍ଥାନରେ ଚଢ଼ାଉ କରାଯାଇ ବିପଦସଙ୍କୁଳ ଅବସ୍ଥାରେ ଶିକ୍ଷାନୁଷ୍ଠାନଗୁଡିକର ଛାତ୍ରୀଛାତ୍ରଙ୍କୁ ପରିବହନ କରୁଥିବା ଗାଡ଼ି ଧରାଯିବା ସହ ଲକ୍ଷାଧିକ ଟଙ୍କା ଜରିମାନା ଆଦାୟ କରାଯାଇଛି। ଅନୁଗୋଳ ସହର ଓ ବନ୍ତଳା ଅଞ୍ଚଳରେ ପରିବହନ କାର୍ଯ୍ୟାଳୟ ଅଧିକାରୀ ଚଢ଼ାଉ କରି ୨ଟି କଲେଜ ବସ୍, ୨ଟି ଟାଟା ମ୍ୟାଜିକ ଓ ଗୋଟିଏ ଅଟୋକୁ ଧରିଥିଲେ। ଚଢ଼ାଉବେଳେ ବିପଦସଙ୍କୁଳ ଅବସ୍ଥାରେ ପିଲାଙ୍କୁ ପରିବହନ, ଫିଟ୍ନେସ ସାର୍ଟିିଫିକେଟ ନ ଥିବା ଗାଡ଼ିଗୁଡିକରୁ ଜରିମାନା ଆଦାୟ କରାଯିବା ସହ ଚାଳକଙ୍କୁ ତାଗିଦ୍ କରାଯାଇଥିବା ଏମ୍ଭିଆଇ ଚିତ୍ତରଞ୍ଜନ ସେନାପତି ସୂଚନା ଦେଇଛନ୍ତି। ଆଡିସିନାଲ ଆରଟିଓ ବିନୟ ପାଲ ଓ ଅନ୍ୟ କର୍ମଚାରୀମାନେ ଚଢ଼ାଉରେ ସାମିଲ ହୋଇଥିଲେ।
