ଚିତ୍ରକୋଣ୍ଡା,୨୩ା୭(ଡି.ଏନ.ଏ.)- ବିଏସଏନଏଲ ସେବା ପ୍ରଦାନରେ ଅବ୍ୟବସ୍ଥା ପ୍ରତିବାଦରେ ଆହୂତ ଚିତ୍ରକୋଣ୍ଡା ବନ୍ଦ ଡାକରା ସଫଳ ହୋଇଛି। ଏହାକୁ ସ୍ଥାନୀୟ ଅଞ୍ଚଳର ସମସ୍ତ ଜନସାଧାରଣ ସମର୍ଥନ କରିଛନ୍ତି। ସେମାନେ ବିଏସଏନଏଲ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରି ଏହାର ପ୍ରତିବାଦ କରିଛନ୍ତି। ବନ୍ଦ ଯୋଗୁ ଚିତ୍ରକୋଣ୍ଡାରେ ଦୋକାନ ବଜାର ଗାଡିମୋଟର ଚଳାଚଳ ବନ୍ଦ ରହିଥିଲା। ଏହି ବନ୍ଦ ପାଳନ ସମୟରେ ବିଏସଏଫର ଅଷ୍ଟମ ବାଟାଲିୟନର କେତେକ ବିଏସଏଫ୍ ନାପସନ୍ଦ କରି ବିରୋଧ କରିଥିଲେ। ଖବର ସଂଗ୍ରହ କରୁଥିବା କେତେକ ଗଣମାଧ୍ୟମ ପ୍ରତିନିଧିଙ୍କୁ ଦୁର୍ବବ୍ୟହାର ପ୍ରଦର୍ଶନ କରିଥିଲେ। ସାଧାରଣ ଲୋକେ ଏହାର କଡା ବିରୋଧ କରିଥିଲେ। ଖବରପାଇ ଚିତ୍ରକୋଣ୍ଡା ଥାନା ଅଧିକାରୀ ରାମ ପ୍ରସାଦ ନାଗ, ପାପରମେଟଲା ଥାନା ଅଧିକାରୀ ମାଧବ ବେହେରା, ଚିତ୍ରକୋଣ୍ଡା ତହସିଲଦାର ଟି.ପଦ୍ମନାଭ ଦୋରା, ବିଡ଼ିଓ ଲରିମନ ଖରସେଲ ପହଞ୍ଚତ୍ ଲୋକଙ୍କୁ ବୁଝାଶୁଝା କରିଥିଲେ। ପରେ ବିଏସଏଫ ଯବାନମାନେ ଆସି ସେଠାରେ ନିଜ ଭୁଲ ମାନିବାରୁ ପରିସ୍ଥିତି ଶାନ୍ତ ପଡିଥିଲା। ଚିତ୍ରକୋଣ୍ଡାରେ ବିଏସଏନଏଲ ସେବା ନେଇ ଉପୁଜୁଥିବା ସମସ୍ୟା ସମ୍ପର୍କରେ ଥାନା ଅଧିକାରୀ ନାଗ ଏହାର କର୍ତ୍ତୃପକ୍ଷଙ୍କୁ ଅବଗତ କରାଇଥିଲେ। ଖବର ପାଇବା ପରେ ବିଏସଏନଏଲର କୋରାପୁଟ ମଣ୍ଡଳ କର୍ତ୍ତୃପକ୍ଷ ଚିତ୍ରକୋଣ୍ଡାରେ ପହଞ୍ଚତ୍ ଲୋକଙ୍କ ସହ ଆଲୋଚନା କରିଛନ୍ତି। ଏହି ବନ୍ଦକୁ ସମାଜସେବୀ ଦେବେନ୍ଦ୍ର ଦାସ, ୟୁଥ କ୍ଲବ ସଭାପତି ଅମିତ ଅଗ୍ରୱାଲ, ସମ୍ପାଦକ ରବି ପାଢୀ, ସ୍ପୋଟର୍ସ କ୍ଲବ ସମ୍ପାଦକ ରାଜକମଲ ପୁରୋହିତ, ସତ୍ୟ ନାରାୟଣ ମିଶ୍ର ପ୍ରମୁଖ ପରିଚାଳନା କରିଥିଲେ।
