ନୂଆଦିଲ୍ଲୀ: ଜେମ୍ସ ବଣ୍ଡ ସିରିଜର ଫିଲ୍ମ ‘ନୋ ଟାଇମ୍ ଟୁ ଡାଇ’ର ଆକ୍ସନ୍ ଟିଜର୍ ରିଲିଜ ହୋଇଛି। ଡାନିଏଲ କ୍ରେଗଙ୍କ ଅଭିନୀତ ଏହି ଫିଲ୍ମର ଟିଜର୍ ରିଲିଜ୍ ସମୟରେ ନିର୍ମାତା ଟ୍ରେଲର୍ ରିଲିଜ୍ ସମ୍ପର୍କରେ ମଧ୍ୟ ସୂଚନା ଦେଇଛନ୍ତି। ଆସନ୍ତା ୪ ତାରିଖରେ ଏହାର ଟ୍ରେଲର୍ ରିଲିଜ୍ ହେବ। ହଲିଉଡ୍ ଅଭିନେତା ଡାନିଏଲ କ୍ରେଗ ପ୍ରଥମେ ୨୦୦୬ରେ ଜେମ୍ସ ସିରିଜର ଫିଲ୍ମ ‘କାସିନୋ ରୟାଲେ’ରେ ନଜର ଆସିଥିଲେ। ଏହାପରେ ୨୦୦୮ରେ ‘କ୍ୱାଣ୍ଟମ ଅଫ୍ ସୋଲେସ’, ୨୦୧୨ରେ ‘ସ୍କାଇଫଲ’ ଓ ୨୦୧୫ରେ ‘ସ୍ପେକ୍ଟ୍ରେ’ରେ ସେ ନଜର ଆସିଥିଲେ। ୦୦୭ ଫ୍ରାଞ୍ଚାଇଜର ଏହି ଫିଲ୍ମ ଡାନିଏଲଙ୍କୁ ପୁଣିଥରେ ସେହି ଆଇକନିକ ସିକ୍ରେଟ୍ ସର୍ଭିସ ଏଜେଣ୍ଟ ଭାବେ ଦେଖାଇବ। ଜାମାଇକାରେ ଏହି ଫିଲ୍ମର ଶୁଟିଂ ସମୟରେ ଡାନିଏଲଙ୍କୁ ଆଘାତ ଲାଗିଥିଲା। ସେହି ସ୍ଥାନରେ ଜେମ୍ସ ବଣ୍ଡର ରଚୟିତା ଡଜନେରୁ ଉର୍ଦ୍ଧ୍ୱ ଉପନ୍ୟାସ ଲେଖିଥିଲେ। ଏଥିରେ ଡାନିଏଲଙ୍କ ବ୍ୟତୀତ ଲି ରିଡକ୍ସଙ୍କୁ ବି ଦେଖିବାକୁ ମିଳିବ। ଏଥିରେ ବେନ୍ ଓ୍ବିଶ ’କ୍ୱ୍ୟୁ’ ଓ ରଫ୍ ଫିଏନ୍ସ ‘ଏମ୍’ ଭୂମିକାରେ ନଜର ଆସିବେ।
