ଦି ହେଗ୍ (ନେଦରଲାଣ୍ଡ୍ସ), ୫।୭ (ଏଏଫ୍ପି)- ନେଦରଲାଣ୍ଡ୍ସ ଫୁଟ୍ବଲ ଷ୍ଟାର୍ ଆର୍ଜେନ ରୋବେନ ଗୁରୁବାର ସମସ୍ତ ପ୍ରକାର ଫୁଟ୍ବଲରୁ ଅବସର ଘୋଷଣା କରିଛନ୍ତି। ଏଥିପୂର୍ବରୁ ୨୦୧୮ ଫିଫା ବିଶ୍ୱକପ୍କୁ ନେଦରଲାଣ୍ଡ୍ସ ଯୋଗ୍ୟତା ଅର୍ଜନ କରିବାରେ ବିଫଳ ହେବାପରେ ୩୫ ବର୍ଷୀୟ ରୋବେନ ଅନ୍ତର୍ଜାତୀୟ ଫୁଟ୍ବଲରୁ ସନ୍ନ୍ୟାସ ଗ୍ରହଣ କରିଥିଲେ। ଜର୍ମାନର ଜଣାଶୁଣା କ୍ଲବ ବେୟର୍ନ ମ୍ୟୁନିକ ପାଇଁ ସେ ୧୦ ବର୍ଷଧରି ଖେଳିଥିଲେ। ବେୟର୍ନ ମ୍ୟୁନିକ ସହ ତାଙ୍କ ଚୁକ୍ତି ଗତ ଜୁନ୍ ୩୦ରେ ସମାପ୍ତ ହୋଇଥିଲା। ଜାତୀୟ ଦଳ ପକ୍ଷରୁ ରୋବେନ ୯୬ ଅନ୍ତର୍ଜାତୀୟ ମ୍ୟାଚ୍ ଖେଳି ୩୭ ଗୋଲସ୍କୋର କରିଛନ୍ତି। ୨୦୧୦ ବିଶ୍ୱକପ୍ରେ ଦଳକୁ ଫାଇନାଲରେ ପହଞ୍ଚାଇବା ଏବଂ ୨୦୧୪ରେ ୩ୟ ସ୍ଥାନ ହାସଲ କରାଇବାରେ ତାଙ୍କ ଭୂମିକା ବେଶ୍ ଗୁରୁତ୍ୱପୂର୍ଣ୍ଣ ରହିଥିଲା। ଚେଲ୍ସା ପକ୍ଷରୁ ପ୍ରତିନିଧିତ୍ୱ କରି କ୍ୟାରିୟରରେ ସେ ୨ଥର (୨୦୦୫ ଓ ୨୦୦୬) ପ୍ରିମିୟର ଲିଗ୍ ଟାଇଟଲ୍ ଜିତିଥିଲେ। ଜୋଶ୍ ମୋରିନୋ ସେତେବେଳେ ଚେଲ୍ଶାର ମ୍ୟାନେଜର ତଥା ପ୍ରଶିକ୍ଷକ ରହିଥିଲେ। ଏଥିପୂର୍ବରୁ ସେ ରିୟଲ ମାଡ୍ରିଡ୍ ପକ୍ଷରୁ ଲା ଲିଗା ଟ୍ରଫି ମଧ୍ୟ ହାସଲ କରିଥିଲେ।
