ବ୍ରହ୍ମପୁର ଅଫିସ,୨୧ା୩
ମହାମାରୀ କରୋନା ମୁକାବିଲା ପାଇଁ ସଚେତନତା ହିଁ ଏକମାତ୍ର ପନ୍ଥା ା ଭିଡ଼ରେ କରୋନା ଭୂତାଣୁ ସଂକ୍ରମଣ ଆଶଙ୍କା ଅଧିକ ରହିଛି। ତେଣୁ ଭିଡ଼କୁ ଏଡାଇବା ପାଇଁ ଜିଲାରୁ ୧୪୪ ଧାରା ପ୍ରତ୍ୟାହାର ପରେ ବି ସହରାଞ୍ଚଳର ସମସ୍ତ ଦୋକାନ, ବଜାର, ମାର୍କେଟ କମ୍ଲେକ୍ସ ବନ୍ଦ ରହିବ। କେବଳ ଅତ୍ୟାବଶ୍ୟକୀୟ ସାମଗ୍ରୀ ପରିବା ମାର୍କେଟ, ହାଇଜେନିକ ଆମିଷ ଦୋକାନ, ରାଶନ ଓ ମେଡିସିନ ଦୋକାନ ଖୋଲାରହିବ। ବାର୍, ରେଷ୍ଟୁରାଣ୍ଟ ସମେତ ସମସ୍ତ ସପିଂ କମ୍ପ୍ଳେକ୍ସ, ମାର୍କେଟ କମ୍ପ୍ଳେକ୍ସ, ଦୋକାନ ବଜାର ସରକାରଙ୍କ ପୁନଃନିର୍ଦ୍ଦେଶ ପର୍ଯ୍ୟନ୍ତ ବନ୍ଦ ରହିବ ା ଏପରିକି ଉଠା ଦୋକାନୀ, ଠେଲାଦୋକାନ, ଚା’ ଦୋକାନ ବି ସମ୍ପୂର୍ଣ୍ଣ ବନ୍ଦ ରହିବ ବୋଲି ଶୁକ୍ରବାର ସନ୍ଧ୍ୟାରେ ବ୍ରହ୍ମପୁର ମହାନଗର ନିଗମ (ବିଏମସି) ପରିସରରେ ଆୟୋଜିତ ଖବରଦାତା ସମ୍ମିଳନୀରେ ଜିଲାପାଳ ବିଜୟ ଅମୃତା କୁଲାଙ୍ଗେ ସୂଚନା ଦେଇଛନ୍ତି ା ଇନ୍ହାଉସ୍ ରେଷ୍ଟୁରେଣ୍ଟଗୁଡିକର ବିଏମସି ଦ୍ୱାରା ହାଇଜେନିକ ବ୍ୟବସ୍ଥା ଯାଞ୍ଚ କରାଯିବା ପରେ ଖୋଲିବାକୁ ଅନୁମତି ପ୍ରଦାନ କରାଯିବ ା ଏହାବ୍ୟତୀତ ସହରରେ ଚଳାଚଳ କରୁଥିବା ବସଗୁଡିକରେ କ୍ଷମତାଠାରୁ ୫୦ ପ୍ରତିଶତରୁ ଅଧିକ ଯାତ୍ରୀ ପରିବହନ ଉପରେ କଟକଣା ଲଗାଯାଇଛି। ଅଟୋରେ ୨ରୁ ଅଧିକ ଯାତ୍ରୀ ପରିବହନ କରାଯିବନି। ଦୁଇଚକିଆ ଯାନରେ କେବଳ ଜଣେ ଯିବେ ନିର୍ଦ୍ଦେଶ ଜାରି କରାଯାଇଛି ା ରେଷ୍ଟୁରାଣ୍ଟଗୁଡିକୁ ଡୋର ଟୁ ଡୋର ଡେଲିଭର ପାଇଁ ଅନୁମତି ରହିଛି ା ବାହାରୁ ଆସୁଥିବା ଟ୍ରକ ଡ୍ରାଇଭରଙ୍କ ସ୍କ୍ରିନିଂ କରାଯିବା ସହ ରେଲୱେ ଷ୍ଟେଶନରେ ମଧ୍ୟ ସ୍କ୍ରିନିଂ କରାଯିବ। ଗୁରୁବାରଠାରୁ ୩ ଦିନ ଧରି ଗ୍ରାମପଞ୍ଚାୟତ, ପଞ୍ଚାୟତ ସମିିତି, ଜିଲାପରିଷଦ ସ୍ବତନ୍ତ୍ର ବୈଠକ ଆୟୋଜିତ ହେଉଛି ା କରୋନାର ମୁକାବିଲା ପାଇଁ ୮ଟି ବିଷୟ ଉପରେ ଗୁରୁତ୍ୱ ଦିଆଯାଇଛି। ମଧୁବାବୁ ପେନସନ ଯେଜନାରେ ପାଉଥିବା ୪ ମାସର ଭତ୍ତା, ଖାଦ୍ୟସୁରକ୍ଷା ଯୋଜନାରେ ୩ ମାସର ରାଶନ, ଚାଉଳ, କିରୋସିନକୁ ଏପ୍ରିଲ ୧ରୁ ମେ ୧୫ ତାରିଖ ମଧ୍ୟରେ ଘରକୁ ଘର ବୁଲି ବଣ୍ଟନ କରାଯିବ ା ଅଙ୍ଗନୱାଡି କେନ୍ଦ୍ରର ଶିଶୁଙ୍କ ଘରେ ଶୁଖିଲା ଖାଦ୍ୟ ଓ ଅଣ୍ଡା ଯୋଗଇ ଦିଆଯିବ ା ସବୁ ଗ୍ରାମପଞ୍ଚାୟତକୁ ୫୦ ରୁ ୧୦୦ ଲୋକଙ୍କ ପାଇଁ ସେଫ ହାଉସିଂ ଭଳି ବ୍ୟବସ୍ଥା ପାଇଁ ୫ ଲକ୍ଷ ଟଙ୍କା ଦିଆଯାଇଛି ା ବିଦେଶରୁ ଆସୁଥିବା ଲୋକଙ୍କୁ ରେଜିଷ୍ଟ୍ରେସନ କରିବାକୁ ବାଧ୍ୟତାମୂଳକ କରାଯାଇଛି ା ୬୦ ବର୍ଷରୁ ଉର୍ଦ୍ଧ୍ୱ ବୟସ୍କ, ୧୦ ବର୍ଷରୁ କମ ବୟସର ପିଲାଙ୍କୁ ଘରେ ରହିବାକୁ ଜିଲାପାଳ ଅନୁରୋଧ କରିଛନ୍ତି ା ଯାତ୍ରା, ଦଣ୍ଡଯାତ୍ରା, ନାମ ସଙ୍କିର୍ତ୍ତନ ସମେତ ମନ୍ଦିର, ମସଜିଦ୍୍, ଚର୍ଚ୍ଚ ବନ୍ଦ ରହିବା ସହ ପୋଖରୀକୁ ଗାଧୋଇ ନଯିବାକୁ କୁହାଯାଇଛି ା ତେବେ ମେକାନିକାଲ ସର୍ଭିସ ପ୍ଳମ୍ବର, ଇଲେକ୍ଟ୍ରିଆସନ୍, ମଟର ସାଇକେଲ ଗ୍ୟାରେଜ ଭଳି ସୁବିଧା ବିଏମସିର ଏସଓପି ଆପ୍ ଜରିଆରେ ସହରବାସୀଙ୍କୁ ଘରେ ସୁବିଧା ଯୋଗାଯିବାର ବ୍ୟବସ୍ଥା ରହିଥିବା ଖବରଦାତା ସମ୍ମିଳନୀରେ ସୂଚନା ଦିଆଯାଇଛି ା ଖବରଦାତା ସମ୍ମିଳନୀରେ ଜିଲାପାଳଙ୍କ ସମେତ ବିଏମସି କମିଶନର ଚକ୍ରୱବର୍ତ୍ତୀ ସିଂ ରାଠୋର, ବ୍ରହ୍ମପୁର ଏସପି ପିନାକ୍ ମିଶ୍ର, ଗଞ୍ଜାମ ଏସପି ବ୍ରିଜେଶ ରଏ, ଏମକେସିଜି ମେଡିକାଲ ସୁପରିଣ୍ଟେଣ୍ଡେଣ୍ଟ ପ୍ରଫେସର ଡା. ସନ୍ତୋଷ କୁମାର ମିଶ୍ର, ଜିଲା ମୁଖ୍ୟ ଚିକିସତ୍ା ଓ ଜନସ୍ବାସ୍ଥ୍ୟ ଅଧିକାରୀ ଡା. ଆର. ଜଗଦୀଶ ପଟ୍ଟନାୟକ, ଜିଲା ଜନସ୍ବାସ୍ଥ୍ୟ ଅଧିକାରୀ ଡା. ସନ୍ତୋଷ କୁମାର ପାଢୀ ଓ ଗଞ୍ଜାମ ଜିଲା ହେଟେଲ ଆସୋସିଏଶନ, ଗଞ୍ଜାମ ଚାମ୍ବର ଅଫ କମର୍ସର କର୍ମକର୍ତ୍ତା ଉପସ୍ଥିତ ଥିଲେ ା
