ଚିକିଟି,୨୭ା୪(ଡି.ଏନ.ଏ.)- ଲକ୍ଡାଉନ କଟକଣା ପରେ ଚେନ୍ନାଇରେ ଫସିଥିବା ଗଞ୍ଜାମ ଜିଲାର ବହୁ ଦାଦନ ଶ୍ରମିକ ବିପଦପୂର୍ଣ୍ଣ ଭାବେ ଜଳପଥ ଦେଇ ଘରକୁ ଫେରୁଛନ୍ତି। ୩୮ଜଣ ଶନିବାର ଆସି ପହଞ୍ଚତ୍ଥିବାବେଳେ ସୋମବାର ପୁଣି ୩୯ ଦାଦନ ବୋଟ୍ ଯୋଗେ ଚେନ୍ନାଇରୁ ସମୁଦ୍ର ପଥ ଦେଇ ଆସି ପହଞ୍ଚତ୍ଛନ୍ତି। ଅପରାହ୍ନ ପ୍ରାୟ ୩ଟାରେ ଚିକିଟି ବ୍ଲକ ରାମେୟାପାଟଣା ମୁହାଣରେ ବୋଟ୍ଟି ଲାଗିଥିଲା। ସେଥିରେ ରାମେୟାପାଟଣାର ୧୨ଜଣ ଶ୍ରମିକ ଥିବାବେଳେ ପାଟିସୁନୁପୁରର ୯ ଓ ରଙ୍ଗେଇଲୁଣ୍ଡା ବ୍ଲକ୍ର ୪ଜଣ ଏବଂ ଆନ୍ଧ୍ରପ୍ରଦେଶର ୧୪ଜଣ ଶ୍ରମିକ ଥିବାବେଳେ ୮ଜଣ ବାଟରେ ଓହ୍ଲାଇ ପଡିଥିବା ଚିକିଟି ତହସିଲ୍ଦାର ହରପ୍ରସାଦ ଭୋଇ କହିଛନ୍ତି। ଏକ ମୋଟର ଚାଳିତ ବୋଟ୍ ୭୦ହଜାର ଟଙ୍କାରେ କିଣି ଗତ ୨୩ ତାରିଖରେ ଏମାନେ ଚେନ୍ନାଇରୁ ସମୁଦ୍ରପଥ ଦେଇ ବାହାରିଥିଲେ। ଆନ୍ଧ୍ର ସୀମାନ୍ତ ପଲାସା ଓ କାବେଟି ମଧ୍ୟସ୍ଥଳରେ ଡିଜେଲ ସରିଯିବା ଫଳରେ ଗ୍ରାମବାସୀଙ୍କୁ ଫୋନ କରି ଜଣାଇଥିଲେ। ପରେ ଗ୍ରାମର କେତେଜଣ ଲୋକ ଡିଜେଲ ଧରି ଅନ୍ୟଏକ ବୋଟ୍ରେ ଘଟଣାସ୍ଥଳରେ ପହଞ୍ଚତ୍ଥିଲେ। ଡିଜେଲ ଭରିବା ପରେ ଦୁଇଟି ବୋଟ୍ ସେଠାରୁ ବାହାରି ସୋମବାର ଅପରାହ୍ନରେ ରାମେୟାପାଟଣା ମୁହାଣରେ ପହଞ୍ଚତ୍ଛି। ପୂର୍ବରୁ ସୂଚନା ପାଇ ବ୍ରହ୍ମପୁର ଉପଜିଲାପାଳ ସିନ୍ଧେ ଦତ୍ତାତ୍ରୟ ଭାଉ ସାହେବ, ଚିକିଟି ତହସିଲ୍ଦାର, ବିଡିଓ ଫାଲ୍ଗୁନି ମାଝି ଏବଂ ଗୋଳନ୍ଥରା ଓ ମେରାଇନ୍ ଥାନା ପୋଲିସ୍ ରାମେୟାପାଟଣା ମୁହାଣରେ ପହଞ୍ଚତ୍ଥିଲେ। ସମସ୍ତ ଦାଦନଙ୍କ ସ୍ବାସ୍ଥ୍ୟ ପରୀକ୍ଷା କରାଯିବା ପରେ ରାମେୟାପାଟଣା ଗ୍ରାମସ୍ଥିତ କ୍ୱାରାଣ୍ଟାଇନ୍ ସେଣ୍ଟରରେ ରଖାଯିବ ବୋଲି ପ୍ରଶାସନିକ ଅଧିକାରୀମାନେ କହିଛନ୍ତିି।
