ପାରାଦୀପରେ ମାରାତ୍ମକ: ପ୍ରଦୂଷଣ ପ୍ରସଙ୍ଗ ସବୁ ଶିଳ୍ପସଂସ୍ଥାକୁ ଜରିମାନା ନୋଟିସ

ପାରାଦୀପ, ୮।୨ (ସ୍ବ.ପ୍ର.): ରାଜ୍ୟର ଅର୍ଥନୈତିକ ମୁଖଶାଳା ପାରାଦୀପରେ ଦେଶର ଦ୍ୱିତୀୟ ବୃହତ୍‌ ବନ୍ଦର ସମେତ ଏସିଆର ବୃହତ୍‌ ସାର କାରଖାନା ଓ ବୃହତ୍‌ ବିଶୋଧନାଗାର ରହିଛି। କିନ୍ତୁ ଏବେ ପାରାଦୀପ ପ୍ରଦୂଷଣ କ୍ଷେତ୍ରରେ ରାଜ୍ୟର ୧ ନଂ. ସ୍ଥାନ ଓ ମାରାତ୍ମକ ପ୍ରଦୂଷିତ ଅଞ୍ଚଳ ବୋଲି ରାଜ୍ୟ ଓ କେନ୍ଦ୍ର ପ୍ରଦୂଷଣ ନିୟନ୍ତ୍ରଣ ବୋର୍ଡ ପକ୍ଷରୁ କୁହାଯାଇଛି। ପ୍ରଦୂଷଣ ନିୟନ୍ତ୍ରଣ କରିବା ପାଇଁ ୧୫ ବୃହତ୍‌ ଶିଳ୍ପକୁ ୫ ବର୍ଷ ହେଲା ବୋର୍ଡ ପକ୍ଷରୁ କୁହାଯାଉଥିଲେ ବି ଏହାକୁ ଅଣଦେଖା କରାଯିବା ଏବେ ସବୁ ଶିଳ୍ପସଂସ୍ଥା ପାଇଁ ଘାତକ ସାଜିଛି। ଫଳରେ ରାଜ୍ୟ ଓ ପ୍ରଦୂଷଣ ନିୟନ୍ତ୍ରଣ ବୋର୍ଡ ରିପୋର୍ଟ ଆଧାରରେ ଜାତୀୟ ଗ୍ରୀନ୍‌ ଟ୍ରିବ୍ୟୁନାଲ (ଏନ୍‌ଜିଟି) କଡ଼ା ଆଭିମୁଖ୍ୟ ଗ୍ରହଣ କରିଛନ୍ତି। ୭ଟି ବୃହତ୍‌ ଶିଳ୍ପସଂସ୍ଥାକୁ ୧ କୋଟି ଟଙ୍କା ଲେଖାଏ ଜରିମାନା ଦେବା ପାଇଁ ଗତ ଜାନୁୟାରୀ ୨୯ ତାରିଖରେ ଚିଠି (ନଂ.-୯୯୫) ଆସଛି। ୨୦୧୯ ନଭେମ୍ବର ୧୪ରେ ଏନ୍‌ଜିଟି ଅର୍ଡର (୧୦୩୮/୨୦୧୮) ସେକ୍ସନ ୩୧ ଏ, ବାୟୁ (ପ୍ରିଭେନଶନ ଆଣ୍ଡ୍‌ କଣ୍ଟ୍ରୋଲ ଅଫ୍‌ ପଲ୍ୟୁଶନ) ଆଇନ ୧୯୮୧, ସେକ୍ସନ ୩୧ ଏ, ଜଳ ଆଇନ ୧୯୭୪ ଅନୁସାରେ ଏହି ଜରିମାନା ଲାଗୁ କରାଯାଇଥିବା ନୋଟିସ୍‌ରେ ଦର୍ଶାଯାଇଛି। ୧ କୋଟି ଲେଖାଏ ଜରିମାନା ନୋଟିସ୍‌ ପାଇଥିବା ଶିଳ୍ପସଂସ୍ଥା ହେଲେ ପାରାଦୀପ ବନ୍ଦର, ଏସାର ଷ୍ଟିଲ, ଏସାର ପାଓ୍ବାର, ପିପିଏଲ୍‌, ଇଫ୍‌କୋ, ପାରାଦୀପ ତୈଳ ବିଶୋଧନାଗାର ଓ ଗୋଆ କାର୍ବନ।
ସେହିପରି ୨୫ରୁ ୫୦ ଲକ୍ଷ ଟଙ୍କା ଜରିମାନା ନୋଟିସ୍‌ ପାଇଥିବା ସଂସ୍ଥା ଗୁଡ଼ିକ ହେଲା, ଅବିନବେଉ ଲିମିଟେଡ୍‌ (ବିଅର ଫ୍ୟାକ୍ଟ୍ରି), ସେଞ୍ଚୁରୀ ପ୍ଲାଜା, ଗୋଲ୍‌ଡେନ୍‌ ଆଙ୍କର, ଆରିଷ୍ଟୋକାଟ୍‌, ନନ୍ଦିଘୋଷ ଓ ଇଣ୍ଟରନ୍ୟାଶନାଲ ହୋଟେଲ। ୨୦୧୫ ରୁ ୨୦୨୦ ବର୍ଷ ପାଇଁ (୩୧।୧୨।୨୦୧୯) ମଧ୍ୟରେ ଏହି ସବୁ ଶିଳ୍ପ ସଂସ୍ଥାର ଜଳ ଓ ବାୟୁ ରିପୋର୍ଟ ଲଗାତର ବୃଦ୍ଧି ପାଇଛି। ୨୦୧୫ରୁ ପାରାଦୀପକୁ ପିଆଇଏ (ପଲ୍ୟୁଟେଡ୍‌ ଇଣ୍ଡଷ୍ଟ୍ରିଆଲ ଏରିଆ) ଭାବେ ଘୋଷଣା କରାଯାଇଥିବା ବେଳେ ୨୦୧୬ରେ ରେଡ (ନାଲି) କ୍ୟାଟେଗୋରି ବୋଲି କୁହାଗଲା। ୨୦୧୯ ସେପ୍ଟେମ୍ବର ୧୯ରେ ରାଜ୍ୟ ଜଙ୍ଗଲ ଓ ପରିବେଶ ବିଭାଗ ମନ୍ତ୍ରଣାଳୟ (ଚିଠି ନଂ. ୧୭୬୭୪) ପାରାଦୀପକୁ କ୍ରିଟିକାଲ ପଲ୍ୟୁଟେଡ୍‌ ଏରିଆ ବୋଲି ଘୋଷଣା କରିଥିଲା।
ତେଣୁ ଏବେ ଏନ୍‌ଜିଟି ପକ୍ଷରୁ ବିଭିନ୍ନ ଶିଳ୍ପସଂସ୍ଥାକୁ ଜରିମାନା ନୋଟିସ୍‌ ଜାରି କରାଯାଇଥିବା ବେଳେ ୧୫ଦିନ ମଧ୍ୟରେ ଜରିମାନା ରାଶି ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡ ସଦସ୍ୟ ସଚିବଙ୍କ ନିକଟରେ ଜମା କରିବା ପାଇଁ କୁହାଯାଇଛି। କିନ୍ତୁ ଶୁକ୍ରବାର ସୁଦ୍ଧା କୌଣସି ଶିଳ୍ପସଂସ୍ଥା ଜରିମାନା ଅର୍ଥ ଜମା କରିନାହାନ୍ତି ବୋଲି ବୋର୍ଡର ଆଞ୍ଚଳିକ କାର୍ଯ୍ୟାଳୟ ସୂତ୍ରରୁ ଜଣାଯାଇଛି। କେତେକ କମ୍ପାନୀ ଜରିମାନା ଅର୍ଥ ଭରଣା କରିବେ ବୋଲି କହୁଥିବା ବେଳେ ଆଉ କେତେକ କୋର୍ଟର ଦ୍ୱାରସ୍ଥ ହେବେ ବୋଲି କହୁଛନ୍ତି। କିନ୍ତୁ ଏହି ନୋଟିସ୍‌ ଜାରି ହେବା ପରେ ଏବେ କେତେକ କମ୍ପାନୀ ପକ୍ଷରୁ ସର୍ବାଧିକ ଧୂଳି ଉଡୁଥିବା ଅଠରବାଙ୍କି, ତାରିଗଡ଼ା, ଜଳାଶୟ ପାଖ ରାସ୍ତାରେ ନିୟମିତ ସଫେଇ କରାଯାଉଥିବା ଦେଖାଯାଉଛି। ଏହାସତ୍ତ୍ୱେ ପ୍ରଦୂଷଣ ଆସ୍ତରଣ ସେତେଟା କମି ନ ଥିବା ଜଣାପଡ଼ିଛି।


Enter your email to get our daily news in your inbox.

All Right Reserved By Dharitri.Com

ପଦ୍ମପୁର ଆସନରେ ପ୍ରାର୍ଥୀ ଘୋଷଣା ଦ୍ୱନ୍ଦ୍ୱ

ପଦ୍ମପୁର,୨୮।୩. (ପ୍ରଦୀପ୍ତ ଦାଶ): ବରଗଡ଼ ଜିଲାରେ ଥିବା ବିଧାନସଭା ଆସନ ପାଇଁ ବିଜେଡି ବୁଧବାର ପ୍ରାର୍ଥୀ ଘୋଷଣା କରିଛି। କିନ୍ତୁ ପଦ୍ମପୁର ବିଧାନସଭା ଆସନ ପାଇଁ...

ମା’ ପୁଅଙ୍କୁ ହତ୍ୟା କଲେ ମାଓବାଦୀ

ରାଉରକେଲା,୨୮।୩(ସଙ୍ଗୀତା ଜେନା): ଓଡ଼ିଶା-ଝାଡ଼ଖଣ୍ଡ ସୀମାବର୍ତ୍ତୀ ପଶ୍ଚିମ ସିଂହଭୂମ ଚାଇଁବାସା ଅଞ୍ଚଳରେ ମାଓବାଦୀମାନେ ଜଣେ ବୃଦ୍ଧା ଓ ତାଙ୍କ ପୁଅଙ୍କୁ ହତ୍ୟା କରିଛନ୍ତି। ମୃତକ ହେଲେ ଚାଇଁବାସା...

ବସ୍‌ ଧକ୍କାରେ ଚାଲିଗଲା ଜୈନ ସନ୍ନ୍ୟାସିନୀଙ୍କ ଜୀବନ

ଫୁଲନଖରା,୨୮ା୩(ସତ୍ୟରଞ୍ଜନ ଦାସମହାପାତ୍ର): ଭୁବନେଶ୍ୱର-କଟକ ୧୬ ନମ୍ବର ଜାତୀୟ ରାଜପଥର ବମ୍ଫକୁଦ ନିକଟରେ ଏକ ଯାତ୍ରୀବାହୀ ବସ୍‌ ଧକ୍କାରେ ଜଣେ ଜୈନ ସନ୍ନ୍ୟାସିନୀଙ୍କ ମୃତ୍ୟୁ ଘଟିଛି। ସେ...

ରାଜ୍ୟରେ ବଢିବ ତାପମାତ୍ରା, ୨ଦିନରେ ୪୦ ଛୁଇଁବ

ଭୁବନେଶ୍ୱର,୨୮।୩(ଅସମାପିକା ସାହୁ): ମାର୍ଚ୍ଚ ମାସ ଶେଷ ନ ହେଉଣୁ ରାଜ୍ୟରେ ପାରଦ ଉପରମୁହାଁ ହୋଇଛି। ଗୁରୁବାର ରାଜ୍ୟର ୧୬ଟି ସହରରେ ତାପମାତ୍ରା ୩୮ଡିଗ୍ରୀ ଅତିକ୍ରମ କରିଥିବାବେଳେ...

ମାହାଙ୍ଗା ଡବଲ ମର୍ଡର ମାମଲା: ଅନ୍ତରୀଣ ସୁରକ୍ଷା ବଳବତ୍ତର

କଟକ,୨୮ା୩ (କାର୍ତ୍ତିକ ସାହୁ) ମାହାଙ୍ଗା ଡବଲ ମର୍ଡର ମାମଲାରେ ବିଧାୟକ ପ୍ରତାପ ଜେନାଙ୍କ ଅନ୍ତରୀଣ ସୁରକ୍ଷାକୁ ହାଇକୋର୍ଟ ବଳବତ୍ତର ରଖିଛନ୍ତି। ନିମ୍ନକୋର୍ଟର ନିର୍ଦ୍ଦେଶ ବିରୋଧରେ ବିଧାୟକ...

ଦୁର୍ଘଟଣାରେ ଶ୍ୱଶୁର ମୃତ, ଜ୍ୱାଇଁ ଗୁରୁତର

ଭେଡ଼େନ,୨୮।୩ (ସୁଦନ ମହାକୁର): ବରଗଡ଼ ଜିଲା ଭେଡ଼େନ ଥାନା ଅଧୀନ ଭେଡ଼େନ-ରେମଣ୍ଡା ରାସ୍ତାର ଅପାମରା ନିକଟରେ ଗୁରୁବାର ଏକ ସଡ଼କ ଦୁର୍ଘଟଣା ଘଟିଛି। ଏକ ବାଇାକ୍‌...

କଂଗ୍ରେସରୁ ଇସ୍ତଫା ଦେଲେ ପୂର୍ବତନ ବିଧାୟକ, ବିଜେଡିରେ ଯୋଗଦେବା ସମ୍ଭାବନା

ନୂଆଦିଲ୍ଲୀ ,୨୮।୩: ବିଧାନସଭା ନିର୍ବାଚନ ପୂର୍ବରୁ ଟିଟିଲାଗଡର ପୂର୍ବତନ ବିଧାୟକ ସୁରେନ୍ଦ୍ର ସିଂ ଭୋଇ କଂଗ୍ରେସ ଦଳରୁ ଇସ୍ତଫା ଦେଇଛନ୍ତି। ତିନିଥର ପୂର୍ବତନ କଂଗ୍ରେସ ବିଧାୟକ...

ଭାଜପା ସହ ହେଲା ନାହିଁ ମେଣ୍ଟ ତ ନବୀନ ଖେଳିଲେ ନୂଆ ଗେମ! ପୁରୁଷଙ୍କ ଟିକେଟ କାଟି ପତ୍ନୀମାନଙ୍କୁ କଲେ ପ୍ରାର୍ଥୀ

ନୂଆଦିଲ୍ଲୀ/ଭୁବନେଶ୍ୱର,୨୮।୩: ଓଡ଼ିଶାରେ ଶାସକ ବିଜୁ ଜନତା ଦଳ (ବିଜେଡି) ଆଗାମୀ ବିଧାନସଭା ନିର୍ବାଚନ ପାଇଁ ୪ ମହିଳାଙ୍କୁ ସେମାନଙ୍କ ସ୍ବାମୀଙ୍କ ସ୍ଥାନରେ ପ୍ରାର୍ଥୀ କରିଛି। ଏହି...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri