ଭାରତୀୟ ଟେନିସ୍ କୁଇନ୍ ସାନିଆ ମିର୍ଜା ଆଜି ୩୩ ବର୍ଷରେ ପଦାର୍ପଣ କରିଛନ୍ତି। ୧୯୮୬ ମସିହା ନଭେମ୍ବର ୧୫ରେ ସେ ମୁମ୍ବାଇରେ ଜନ୍ମଗ୍ରହଣ କରିଥିଲେ। ସାନିଆ ଖେଳ ପାଇଁ ଖେଳ ପାଇଁ ଯେତିକି ଲୋକପ୍ରିୟ, ବ୍ୟକ୍ତିଗତ ଜୀବନରେ ସେ ସେତିକି ଚର୍ଚ୍ଚିତ ମଧ୍ୟ। ପାକିସ୍ତାନ କ୍ରିକେଟର ସୋଏବ ମଲିକଙ୍କୁ ବିବାହ କରିବା ପୂର୍ବରୁ ତାଙ୍କ ନାଁ ଅନେକ ସେଲିବ୍ରିଟିଙ୍କ ସହ ଯୋଡା ଯାଇଥିଲା। ପ୍ରଥମେ ପିଲାଦିନର ବନ୍ଧୁ ତଥା କୋଟିପତି ବ୍ୟବସାୟୀ ସୋହରାବ ମିର୍ଜାଙ୍କ ସହ ସାନିଆଙ୍କ ପ୍ରେମ ସମ୍ପର୍କ ଥିବା ଚର୍ଚ୍ଚା ଉଠିଥିଲା। ଏପରିକି ଉଭୟଙ୍କ ନିର୍ବନ୍ଧ ମଧ୍ୟ ସରିଥିଲା। କିନ୍ତୁ ପରେ ଉଭୟଙ୍କ ବ୍ରେକ୍ଅପ୍ ହୋଇଥିଲା। ଏହାପରେ ସେ ବଲିଉଡ୍ ଅଭିନେତା ଶାହିଦ୍ କପୁରଙ୍କ ସହ ସାନିଆଙ୍କ ପ୍ରେମ ସମ୍ପର୍କ ଥିବା ଗଣମାଧ୍ୟମରେ ଆଲୋଚନା ହୋଇଥିଲା। ଦୁହେଁ ଏକ କାର୍ଯ୍ୟକ୍ରମରେ ଏକାଠି ମଧ୍ୟ ଭାଗ ନେଇଥିଲେ। କିନ୍ତୁ କ’ଣ ହେଲା କେଜାଣି ଉଭୟ କଥାବାର୍ତ୍ତା ବନ୍ଦ କରିଦେଇଥିଲେ। କ୍ରିକେଟର ଯୁବରାଜ ସିଂ, ସାଥୀ ଟେନିସ ଖେଳାଳି ମହେଶ ଭୂପତିଙ୍କ ସହ ତାଙ୍କ ଯୋଡା ହେବା ପରେ ଶେଷରେ ୨୦୧୦ରେ ପାକିସ୍ତାନ କ୍ରିକେଟର ସୋଏବ ମଲିକଙ୍କୁ ବିବାହ କରିଥିଲେ।
