ଭଦ୍ରକ ଅଫିସ,୨୬ା୩ – ଲକ୍ଡାଉନ ପରିପ୍ରେକ୍ଷୀରେ ଭଦ୍ରକ ସହରରେ ସାମାଜିକ ଦୂରତା ଅବଲମ୍ବନ କରିବା ନିମନ୍ତେ ଜିଲା ପ୍ରଶାସନ ଅତ୍ୟାବଶ୍ୟକ ଦୋକାନ ଖୋଲିବା ନିୟମର କେତେକ ପରିବର୍ତ୍ତନ ଆଣିଛନ୍ତି। ଲକ୍ଡାଉନ ସମୟ ମଧ୍ୟରେ ସକାଳ ୬ରୁ ସନ୍ଧ୍ୟା ୬ଟା ପର୍ଯ୍ୟନ୍ତ ଉଠା ପରିବା ଦୋକାନୀମାନେ ନେହେରୁ ଷ୍ଟାଡିୟମ ଠାରେ ପରିବା ବିକ୍ରୟ କରିପାରିବେ। ସହର ମଧ୍ୟରେ ଅନ୍ୟ କୌଣସି ସ୍ଥାନରେ ଉଠା ଦୋକାନୀ ପରିବା ବିକ୍ରୟ କରିପାରିବେ ନାହିଁ। ଛୋଟ ଗ୍ରସେରି ଦୋକାନ ସହିତ ବଡ଼ ୫ଟି ଗ୍ରସେରି ଦୋକାନ ଯଥା ରିଲାଏନ୍ସ ସ୍ମାର୍ଟ, ବିଶାଲ ମେଗା ମାର୍ଟ, ରବି ଲାହା ଷ୍ଟୋର, ବାସନ୍ତୀ ଭଣ୍ଡାର ଓ ଶ୍ରୀ ସ୍ନାକ୍ସ ସହିତ ମାଛ, କୁକୁଡା ମାଂସ, ଅଣ୍ଡା ଦୋକାନ ସକାଳ ୬ରୁ ପୂର୍ବାହ୍ନ ୧୦ ଟା ପର୍ଯ୍ୟନ୍ତ ଖୋଲା ରହିବ। ମେଡିସିନ, ଫଳ ଓ କ୍ଷୀର ଦୋକାନ ଉପରେ ଅନ୍ୟ କୌଣସି କଟକଣା ଜାରି କରାଯାଇନାହିଁ। ପ୍ରଶାସନ ପକ୍ଷରୁ ଏହି ପରିବର୍ତ୍ତିତ ନିୟମ ସମ୍ପର୍କରେ ଡାକବାଜି ଯନ୍ତ୍ର ଯୋଗେ ବୁଧବାର ସନ୍ଧ୍ୟାରେ ସହରରେ ପ୍ରଚାର କରାଯାଇଛି।
