କେନ୍ଦ୍ରାପଡ଼ା ଅଫିସ,୯ା୪: କେନ୍ଦ୍ରାପଡ଼ା ଜିଲା ଶିଶୁଯତ୍ନ ଗୃହ, ପୋଷ୍ୟ ସନ୍ତାନ ଗ୍ରହଣ କେନ୍ଦ୍ରଗୁଡ଼ିକରେ ନେଚରସ୍ କ୍ଲବ ଏବଂ ସେଭ୍ ଦ ଚିଲ୍ଡ୍ରେନ୍ ପକ୍ଷରୁ ମହାମାରୀ କରୋନା ପରିସ୍ଥିତିରେ ପରିଷ୍କାର ପରିଚ୍ଛନ୍ନତା ନେଇ ସଚେତନତା ସୃଷ୍ଟି କରାଯାଇଛି। ଅନ୍ତେବାସୀମାନଙ୍କୁ କରୋନାରୁ ରକ୍ଷା ପାଇବା ତଥା ସୁସ୍ଥ ରହିବା ନେଇ ସଚେତନ କରାଯାଇଥିଲା। ୬ଷ୍ଠ ପର୍ଯ୍ୟାୟରେ ହାତ ଧୋଇବାର ଅଭ୍ୟାସ ମଧ୍ୟ କରାଯାଇଥିଲା। ସେଭ୍ ଦ ଚିଲ୍ଡ୍ରେନ୍ ପକ୍ଷରୁ ଶିଶୁଗୃହ ଅନ୍ତେବାସୀ ଓ ସେବା ପ୍ରଦାନକାରୀମାନଙ୍କୁ ଜଣ ପ୍ରତି ୪ଟି ଲେଖାଏ ସାବୁନ, ଗୋଟିଏ ମାସ୍କ ଏବଂ ପ୍ରତ୍ୟେକ ଶିଶୁଗୃହକୁ ୫ଟି ଲେଖାଏ ହ୍ୟାଣ୍ଡ୍ଓ୍ବାଶ୍ ପ୍ରଦାନ କରାଯାଇଥିଲା। ଏହି ଅନୁଷ୍ଠାନର ଅଭିଜିତ୍ ଭଦ୍ର, ନେଚରସ୍ କ୍ଲବର ସମ୍ପାଦକ ଅଲ୍ୟଳ ବଳ ଏବଂ ଉପଦେଷ୍ଟା ବିରଜା ପ୍ରସାଦ ପତି ଉକ୍ତ କାର୍ଯ୍ୟକ୍ରମରେ ସାମିଲ ଥିଲେ। ପଲ୍ଲୀଶ୍ରୀ ଶିଶୁଯତ୍ନ ଗୃହ କୋରୁଆ, ଲୁଥେରାମ ଶିଶୁଯତ୍ନ ଗୃହ ପାଟଳିପଙ୍କ ପକ୍ଷରୁ ଯଥାକ୍ରମେ ଶ୍ରୀକାନ୍ତ ନାୟକ, ପ୍ରମିଳା ତ୍ରିପାଠୀ କାର୍ଯ୍ୟକ୍ରମ ପରିଚାଳନା କରିଥିଲେ।
