କେନ୍ଦୁଝର, ୧୪ା୫ (ସ୍ବ.ପ୍ର.): କେନ୍ଦୁଝର ଟାଉନ ଥାନା ଅନ୍ତର୍ଗତ ସୁଲେଇଖମାର ଗ୍ରାମରେ ସୋମବାର ଜଣେ ନାବାଳିକାଙ୍କ ବିବାହ ଚାଲିଥିଲା। ଖବର ପାଇ ଶିଶୁ ସୁରକ୍ଷା କମିଟି ପକ୍ଷରୁ ପୋଲିସ ସହାୟତାରେ ବିବାହ ବନ୍ଦକରି କନ୍ୟାକୁ ଉଦ୍ଧାର କରାଯାଇଛି। ଝିଅର ବୟସ ୧୭ ହୋଇଥିବା ବେଳେ ପୁଅର ବୟସ ୨୨ ବୋଲି ଜଣାପଡିଛି ା
ପ୍ରକାଶ ଯେ, ଝୁମ୍ପୁରା ବ୍ଲକ ବାଲିବନ୍ଧ ଗ୍ରାମର ଉକ୍ତ ଯୁବକଙ୍କ ସହ ନିକଟସ୍ଥ ଗ୍ରାମର ନାବାଳିକାଙ୍କ ସହିତ ସୋମବାର ସନ୍ଧ୍ୟାରେ ବିବାହ କାର୍ଯ୍ୟକ୍ରମ ହେବାକୁ ଥିଲା ା ବରଯାତ୍ରୀ ପହଞ୍ଚିବା ପରେ ବିବାହ ପାଇଁ ପ୍ରସ୍ତୁତି ଚାଲିଥିବା ବେଳେ ଶିଶୁ ସୁରକ୍ଷା କମିଟିର ସଦସ୍ୟମାନେ ପୋଲିସ ସହାୟତାରେ ପହଞ୍ଚିିଥିଲେ ା ଉଭୟ ଘରର ଲୋକଙ୍କ ସହ ଆଲୋଚନା କରିଥିଲେ ା କନ୍ୟା ସାବାଳିକା ହେବା ପରେ ବିଭାଘର କରିବାକୁ ପରାମର୍ଶ ଦେଇଥିଲେ ା ଏଥିରେ ଉଭୟ ବର ଓ କନ୍ୟା ପରିବାର ସହମତି ପ୍ରକାଶ କରି ବିବାହ ବାତିଲ କରିଦେଇଥିଲେ ା ଶିଶୁ ସୁରକ୍ଷା କମିଟିର ସଦସ୍ୟ ଅକ୍ଷୟ କୁମାର ମହାନ୍ତ, ଚାଇଲ୍ଡଲାଇନର ସଦସ୍ୟା ରୀନାରାଣୀ ଗିରି, ସିଡିପିଓ ପ୍ରଭାସିନୀ ଚକ୍ର, ଟାଉନ ଥାନା ଏଏସ୍ଆଇ ସୁଶାନ୍ତ କୁମାର ସେଠୀଙ୍କ ସମେତ ଅନ୍ୟମାନେ ଉପସ୍ଥିତ ଥିଲେ ା
