ନରହନ୍ତା ହାତୀକୁ ନେଇ ହଟହଟା

ଚଣ୍ଡିଖୋଲ/ ଚୌଦ୍ୱାର, ୨୯।୧ (ଡି.ଏନ୍‌.ଏ.) :ଯାଜପୁର ଜିଲାର କୋରେଇ, ସୁକିନ୍ଦା ଓ ଦାନଗଦୀ ଅଞ୍ଚଳରେ ପ୍ରାୟ ୨ସପ୍ତାହ ଧରି ଆତଙ୍କ ସୃଷ୍ଟି କରିଥିବା ନରହନ୍ତା ହାତୀକୁ ନେଇ ବନ ବିଭାଗର ଚିନ୍ତା ବଢ଼ିବାରେ ଲାଗିଛି। ଉକ୍ତ ହାତୀକୁ ସୋମବାର ସନ୍ଧ୍ୟାରେ ଦାନଗଦୀ ବ୍ଲକ ଅନ୍ତର୍ଗତ କଣ୍ଟିପୁର ନିକଟରେ ଟ୍ରାଙ୍କୁଲାଇଜ କରାଯିବା ପରେ ବନ ବିଭାଗ ତଥା ଲୋକଙ୍କୁ ଆଶ୍ୱସ୍ତି ମିଳିଥିଲା। ଏପରି କି ହାତୀକୁ ମଙ୍ଗଳବାର କୁସୁନପୁର ଜଙ୍ଗଲରେ ଛାଡ଼ିବାକୁ ନିଷ୍ପତ୍ତି ହୋଇଥିଲା। ହେଲେ ହାତୀକୁ କୁସୁନପୁର ଜଙ୍ଗଲକୁ ସ୍ଥାନାନ୍ତର କରାଯିବାବେଳେ ବନବିଭାଗ କର୍ମଚାରୀଙ୍କୁ ଲୋକଙ୍କ ତୀବ୍ର ବିରୋଧର ଶିକାର ହେବାକୁ ପଡ଼ିଛି। ଏପରି କି ଲୋକମାନେ ରାସ୍ତାରୋକୋ ସହ ଉତ୍ତେଜନା ପରିସ୍ଥିତି ସୃଷ୍ଟି କରିଥିଲେ। ବାଧ୍ୟ ହୋଇ ଶେଷରେ ହାତୀକୁ ଚଣ୍ଡିଖୋଲ ନିକଟସ୍ଥ ମହାବିନାୟକ ଚାରା ଉତ୍ପାଦନ କେନ୍ଦ୍ର ପରିସରକୁ ଅଣାଯାଇଥିଲା। ହାତୀଟିକୁ ଶିକୁଳିରେ ବନ୍ଧା ଯାଇ ହାଇଓ୍ବା ଉପରେ ରଖାଯାଇଛି। ଅପରପକ୍ଷରେ ହାତୀକୁ ଆବଶ୍ୟକ ଚିକିତ୍ସା ପରେ ତାକୁ ବୁଧବାର ନନ୍ଦନକାନନରେ ଛଡ଼ାଯିବ ବୋଲି ଚଣ୍ଡିଖୋଲ ଫରେଷ୍ଟର ଶଶୀକାନ୍ତ ବେହେରା ସୂଚନା ଦେଇଛନ୍ତି।
ଗତ କିଛିଦିନ ଧରି ଯାଜପୁର ଜିଲାରେ ହାତୀର ଉତ୍ପାତକୁ ନେଇ ଲୋକମାନଙ୍କ ମଧ୍ୟରେ ଭୟର ବାତାବରଣ ସୃଷ୍ଟି ହୋଇଥିଲା। ୧୦ଦିନ ମଧ୍ୟରେ ହାତୀର ଆକ୍ରମଣରେ ୪ଜଣଙ୍କ ଜୀବନ ଯିବା ପରେ ବନ ବିଭାଗ ଓ ଜିଲା ପ୍ରଶାସନର ମୁଣ୍ଡ ବିନ୍ଧା ସୃଷ୍ଟି ହୋଇଥିଲା। ଏପରି କି ଜିଲାପାଳ ପିଲାମାନଙ୍କ ସୁରକ୍ଷାକୁ ଦୃଷ୍ଟିରେ ରଖି ଗୋଟିଏ ଦିନ କୋରେଇର ସମସ୍ତ ବିଦ୍ୟାଳୟକୁ ଛୁଟି ଘୋଷଣା କରିଥିଲେ। ପରେ ହାତୀକୁ କାବୁ କରିବାକୁ ବନ ବିଭାଗ ଉପରେ ଚାପ ବଢ଼ିବାରେ ଲାଗିଥିଲା। କଟକ ବନଖଣ୍ଡ ଅଧିକାରୀ ସୁଦର୍ଶନ ପାତ୍ରଙ୍କ ନେତୃତ୍ୱରେ ସହକାରୀ ବନ ସଂରକ୍ଷକ ଶରତ ଚନ୍ଦ୍ର ସାହୁ, ସୌଭାଗ୍ୟ କୁମାର ସାହୁ, ମନୋରଞ୍ଜନ ସ୍ବାଇଁ, ଡାଳିଯୋଡ଼ା ରେଞ୍ଜ ଅଫିସର ଅଭିରାମ ଜେନାଙ୍କ ସମେତ ପ୍ରାୟ ୫୦ରୁ ଅଧିକ ଫରେଷ୍ଟ ଗାର୍ଡ ସୋମବାର ସନ୍ଧ୍ୟାରେ ହାତୀକୁ ଟ୍ରାଙ୍କୁଲାଇଜର ଦେଇ କାବୁ କରିଥିଲେ। ମଙ୍ଗଳବାର ହାତୀକୁ ଏକ ହାଇଓ୍ବା ଯୋଗେ କଟକ ବନଖଣ୍ଡ ଡାଳିଯୋଡା ରେଞ୍ଜ ବଣକରଞ୍ଜି ଗ୍ରାମ ନିକଟରେ ଥିବା କୁସୁନପୁର ଜଙ୍ଗଲକୁ ଛାଡିବା ପାଇଁ ନିଆଯାଉଥିଲା। କିନ୍ତୁ ଏହାକୁ ସେଠାରେ ବିରୋଧ କରାଯାଇଥିଲା। ଲୋକମାନଙ୍କ ତୀବ୍ର ଅସନ୍ତୋଷ ଯୋଗୁ ମଧ୍ୟାହ୍ନ ୧୨ଟାରୁ ଅପରାହ୍ନ ଗୋଟାଏ ପର୍ଯ୍ୟନ୍ତ ଯାନବାହନ ଚଳାଚଳ ସମ୍ପୂର୍ଣ୍ଣ ବନ୍ଦ ରହିଥିଲା। ହାତୀକୁ ନିଆଯାଉଥିବା ହାଇଓ୍ବାକୁ ଗରୁଡ଼ଗାଁ ପଞ୍ଚାୟତ ଏବଂ ସନ୍ତା ପଞ୍ଚାୟତର ଲୋକମାନେ ହଳଦୀବସନ୍ତ ଛକରେ ଅଟକାଇ ଦେଇଥିଲେ। ନରହନ୍ତା ଏହି ଦନ୍ତାକୁ ଅଞ୍ଚଳରେ ଛଡ଼ାଗଲେ ହାତୀଟି ବହୁ କ୍ଷୟକ୍ଷତି କରିବାର ଆଶଙ୍କା ଦେଖାଦେବ। ଏପରି କି ଅଞ୍ଚଳବାସୀଙ୍କ ଧନଜୀବନ ପ୍ରତି ବିପଦ ସୃଷ୍ଟି ହେବ। ଏଣୁ ହାତୀ କୁସୁନପୁର ଜଙ୍ଗଲରେ ନ ଛାଡ଼ିବାକୁ ଗ୍ରାମବାସୀ ଅଡ଼ି ବସିଥିଲେ। ଫଳରେ ଘଟଣାସ୍ଥଳରେ କିଛି ସମୟ ପାଇଁ ଉତ୍ତେଜନା ଦେଖାଦେଇଥିଲା । ବନ ବିଭାଗ କର୍ମଚାରୀମାନେ ବୁଝାଶୁଝା କରିବାକୁ ଚେଷ୍ଟା କରିଥିଲେ ମଧ୍ୟ ଲୋକମାନେ କିଛି ବୁଝି ନ ଥିଲେ। ଶେଷରେ ଗାଡ଼ିଟିକୁ ପୁଣି ୧୬ ନମ୍ବର ଜାତୀୟ ରାଜପଥ ଦେଇ ଚଣ୍ଡିଖୋଲ ଅଭିମୁଖେ ନିଆଯାଇଥିଲା। ଏ ସମ୍ପର୍କରେ ବୈରୀ-ଡାଳିଜୋଡ଼ା ରେଞ୍ଜର ମନୋରଞ୍ଜନ ସ୍ବାଇଁଙ୍କୁ ପଚାରିବାରେ ହାତୀକୁ ଚିକିତ୍ସା କରିବା ମହାବିନାୟକ ଚାରା ଉଦ୍ୟାନ ପରିସରକୁ ଅଣାଯାଇଛି। ଚିକିତ୍ସା ପରେ ସ୍ଥାନାନ୍ତର କରାଯିବ।


Enter your email to get our daily news in your inbox.

All Right Reserved By Dharitri.Com

ସମ୍ପର୍କ ଭାଙ୍ଗିବାରୁ ପ୍ରେମିକାଙ୍କ ୨ କୁକୁରଙ୍କୁ ହତ୍ୟା

କୋଲକାତା, ୧୬ା୧୧: ଦକ୍ଷିଣ କୋଲକାତାର ବିକ୍ରମଗଡ଼ ଅଞ୍ଚଳରେ ଏକ ଲୋମହର୍ଷକ କାଣ୍ଡ ଘଟିଛି। ଜଣେ ଯୁବତୀ ସମ୍ପର୍କ ଭାଙ୍ଗି ଅଲଗା ହୋଇଯିବାରୁ ତାଙ୍କର ପ୍ରେମିକ (ଲିଭ୍‌-ଇନ୍‌ ପାର୍ଟନର)…

କାର୍‌ ଭିତରେ ଜିଅନ୍ତା ଜଳିଗଲେ ଯୁବକ, ବେକରେ ଗୁଡ଼ା ହୋଇଛି ତାର, ବଢୁଛି ନାନା ସନ୍ଦେହ

ରାଇକିଆ,୧୬ା୧୧(ପ୍ରଦୀପ ବେହେରା): କନ୍ଧମାଳ ଜିଲା ରାଇକିଆ ଥାନା କରଡା ପଞ୍ଚାୟତର ସିନାପାଲି ନିକଟରେ ଏକ କାର୍‌ ସମ୍ପୂର୍ଣ୍ଣ ଜଳି ଯାଇଥିବା ଏବଂ ସେଥିରେ ଜଣେ ଯୁବକ ଜିଅନ୍ତା…

ହୀରାକୁଦ ଇକୋ-ରିଟ୍ରିଟ୍‌ ଉଦଘାଟନ କଲେ ଉପମୁଖ୍ୟମନ୍ତ୍ରୀ, ଏଥର ୫୦ଟି ଟେଣ୍ଟ୍ ସହ ୧୨୦ ଦିନ ଧରି ମଜା ନେବେ ପର୍ଯ୍ୟଟକ

ସମ୍ବଲପୁର,୧୬।୧୧(ପ୍ରମୋଦ ବହିଦାର): ରାଜ୍ୟ ପର୍ଯ୍ୟଟନ ବିଭାଗ ଆନୁକୂଲ୍ୟରେ ସମ୍ବଲପୁର ଜିଲାର ହୀରାକୁଦ (ବଲବସପୁର, ଜମାଦାରପାଲି ନିକଟ) ଠାରେ ଆୟୋଜିତ ହେଉଥିବା ଚଳିତ ବର୍ଷର ‘ଇକୋ-ରିଟ୍ରିଟ୍‌’ (ସପ୍ତମ ସଂସ୍କରଣ)…

ସୀମାନ୍ତରେ ବିବାଦ ବଢ଼ାଉଛି ଦ୍ୱୈତ ଭୋଟର କାର୍ଡ

ନନ୍ଦପୁର,୧୬ା୧୧(ତୁଷାର କାନ୍ତ ମହାନ୍ତି): ଭୋଟର ପରିଚୟ ପତ୍ର ପ୍ରସ୍ତୁତି ଓ ଯାଞ୍ଚ ପ୍ରକ୍ରିୟାରେ ଥିବା ତ୍ରୁଟିପୂର୍ଣ୍ଣ ବ୍ୟବସ୍ଥା ଯୋଗୁ ଜଣେ ବ୍ୟକ୍ତି ୨ ରାଜ୍ୟର କାର୍ଡ ତିଆରି…

ଫାଇନାଲ ମ୍ୟାଚରେ ‘ସୀତାରାମ-ସୀତାରାମ’ ଜପ କରୁଥିଲେ ଆର୍ଯ୍ୟବୀର; ରୋମାଞ୍ଚକର ଘଟଣା ବିଷୟରେ ବାପାଙ୍କୁ ଜଣାଇଥିଲେ, ଦେଖନ୍ତୁ ଭିଡ଼ିଓ

ନୂଆଦିଲ୍ଲୀ,୧୬।୧୧: ଭାରତୀୟ ଅଣ୍ଡର-୧୯ କ୍ରିକେଟ ଦଳ ଫାଇନାଲ ମ୍ୟାଚରେ ପାକିସ୍ତାନକୁ ପରାସ୍ତ କରି ଏସିଆ କପ ଟାଇଟଲ ଜିତିଛି। ଏହି ରୋମାଞ୍ଚକର ମୁକାବିଲାରେ ଭାରତ ଶେଷ ବଲରେ…

‘ଆମେ ମଣିଷ, ମେସିନ୍‌ ନୁହେଁ’; ଗମ୍ଭୀରଙ୍କ ବୟାନ ପରେ ଏଭଳି କହିଲେ ଆୟର, ଚାରିଆଡେ ଚର୍ଚ୍ଚା

ନୂଆଦିଲ୍ଲୀ,୧୬।୧୧: ନ୍ୟୁଜିଲାଣ୍ଡ ଗସ୍ତରେ ଭାରତୀୟ କ୍ରିକେଟ୍‌ ଦଳର ବ୍ୟାଟରଙ୍କ ଖରାପ ପ୍ରଦର୍ଶନକୁ ନେଇ ମୁଖ୍ୟ କୋଚ୍‌ ଗୌତମ ଗମ୍ଭୀର ଚିନ୍ତା ପ୍ରକଟ କରିଥିବା ବେଳେ ଏଥିରେ ଭିନ୍ନ…

‘ଦୀପାବଳିରେ ପାକିସ୍ତାନ ଆମକୁ ଗାଳିଗୁଲଜ କରିଥିଲା’: ଆକ୍ରମଣାତ୍ମକ ଉତ୍ସବ ପାଳନ ପଛର ପ୍ରକୃତ କାରଣ କହିଲେ ଏହି ଷ୍ଟାର ଖେଳାଳି

ନୂଆଦିଲ୍ଲୀ,୧୬।୧୧: ନଭେମ୍ବର ୧୪, ଶନିବାର ଭାରତ ପାକିସ୍ତାନକୁ ୧ ୱିକେଟରେ ପରାସ୍ତ କରି ‘ଅଣ୍ଡର-୧୯ ଏସିଆ କପ’ ଟାଇଟଲ ହାସଲ କରିଛି। ମୋହିତ ଉଲଭା ବିଜୟସୂଚକ ଶଟ…

କ୍ରିକେଟ ପ୍ରଶଂସକଙ୍କ ପାଇଁ ବଡ଼ ଖବର, କ୍ରମାଗତ ଦ୍ୱିତୀୟ ଥର ପାଇଁ ଆଇସିସି (ICC) ମୁଖ୍ୟ ହେଲେ ଜୟ ଶାହା

ନୂଆଦିଲ୍ଲୀ,୧୬।୧୧: ସୋମବାର ସକାଳେ ଭାରତୀୟ କ୍ରିକେଟ ପ୍ରଶଂସକଙ୍କ ପାଇଁ ଏକ ବଡ଼ ଖବର ଆସିଛି: ଜୟ ଶାହାଙ୍କୁ ଆଇସିସି (ICC) ଅଧ୍ୟକ୍ଷ ଭାବରେ କ୍ରମାଗତ ଦ୍ୱିତୀୟ କାର୍ଯ୍ୟକାଳ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?