ବାରଙ୍ଗ,୨୩-୧୦(ଡି.ଏନ.ଏ.):ନନ୍ଦନକାନନକୁ ମିଳିଛି ଦୀପାବଳି ଭେଟି। ଏହି ଅବସରରେ ନୂଆ ଅତିଥି ଭାବେ ୮ ହଳଦିଆ ଆନ୍ନାକୋଣ୍ଡା ଓ ୩ ନାଇଲ କୁମ୍ଭୀର ମଙ୍ଗଳବାର ସନ୍ଧ୍ୟାରେ ନନ୍ଦନକାନନରେ ପହଞ୍ଚତ୍ଛି। ଏହି ୧୧ଟି ଅତିଥିଙ୍କୁ ମାଡ୍ରାସ କ୍ରୋକୋଡାଇଲ ବ୍ୟାଙ୍କ ଟ୍ରଷ୍ଟ ଉପହାରରେ ନନ୍ଦନକାନନକୁ ଦେଇଛି। ନନ୍ଦନକାନନ କେବଳ ଆଣିବା ଖର୍ଚ୍ଚକୁ ବହନ କରିଥିବା ଜଣାପଡ଼ିଛି। ପର୍ଯ୍ୟଟକ ପରିଚାଳନା ଦାୟିତ୍ୱରେ ଥିବା ଏସିଏଫ ଅମୂଲ୍ୟ କୁମାର ପରିଡାଙ୍କ ନେତୃତ୍ୱରେ ଏକ ଚାରିଜଣିଆ ଦଳ ଗତ ବୁଧବାର ସକାଳେ ମାଡ୍ରାସ କ୍ରୋକୋଡାଇଲ ବ୍ୟାଙ୍କ ଟ୍ରଷ୍ଟ ଅଭିିମୁଖେ ଯାତ୍ରା ଆରମ୍ଭ କରିଥିଲେ। ଏହି ଦଳ ସେଠାରୁ ୩ଟି ମାଈ ନାଇଲ କୁମ୍ଭୀର, ୧.୨ମିଟର ଲମ୍ବର ୪ଅଣ୍ଡିରା ଓ ୪ଟି ମାଈ ହଳଦିଆ ଆନ୍ନାକୋଣ୍ଡାକୁ ସାଙ୍ଗରେ ନେଇ ନନ୍ଦନକାନନ ଫେରିଛନ୍ତି। ଏହି ୧୧ଜଣ ଅତିଥିଙ୍କୁ ସରୀସୃପ ଉଦ୍ୟାନରେ ରଖାଯିବା ପାଇଁ ନନ୍ଦନକାନନ ପକ୍ଷରୁ ପୂର୍ବପ୍ରସ୍ତୁତି ହୋଇଥିଲା। ଏମାନେ ଆସିବା ପରେ ସରୀସୃପ ଉଦ୍ୟାନର ଏନକ୍ଲୋଜର ନଂ. ୪୫କେ’ର କ୍ୱାରେଣ୍ଟଟାଇନରେ ହଳଦିଆ ଆନ୍ନାକୋଣ୍ଡା ଓ ଏନକ୍ଲୋଜର ନଂ ୪୬ଏ’ର କ୍ୱାରେଣ୍ଟଟାଇନରେ ନାଇଲ କୁମ୍ଭୀରକୁ ରଖାଯାଇଛି। ଏମାନଙ୍କ ସ୍ବାସ୍ଥ୍ୟାବସ୍ଥା ଅନୁଧ୍ୟାନ କରିବା ପାଇଁ କିଛିଦିନ ପାଇଁ କ୍ୱାରେଣ୍ଟଟାଇନରେ ରହିବା ପରେ ଏନ୍କ୍ଲୋଜରରେ ପର୍ଯ୍ୟଟକଙ୍କ ଦେଖିବା ପାଇଁ ଛଡାଯିବ। ଏହି ୧୧ ଅତିଥି ଆସିବାପରେ ନନ୍ଦନକାନନରେ ପ୍ରଜାତି ସଂଖ୍ୟା ବୃଦ୍ଧିପାଇ ୧୫୮ରେ ପହଞ୍ଚତ୍ଛି ବୋଲି ନନ୍ଦନକାନନ ଉପନିର୍ଦ୍ଦେଶକ ଜୟନ୍ତ କୁମାର ଦାସ କହିଛନ୍ତି। ମିଶରରେ ଦେଖାଯାଉଥିବା କୁମ୍ଭୀର ପ୍ରଜାତିରେ ବଡ ନାଇଲ କୁମ୍ଭୀର ଓ ହଳଦିଆ ଆନ୍ନାକୋଣ୍ଡା ଆସିବାପରେ ପର୍ଯ୍ୟଟକମାନଙ୍କ ସଂଖ୍ୟା ବୃଦ୍ଧି ହେବାର କର୍ତ୍ତୃପକ୍ଷ ଆଶା ରଖିଥିବା ଜଣାପଡିଛି।
