ମୁମ୍ବାଇ: ବଲିଉଡ୍ ନାୟିକା ଦିଶା ପାଟନି ୨୮ ବର୍ଷ ବୟସରେ ପଦାର୍ପଣ କରିଛନ୍ତି। ଏହି ଅବସରରେ ବଲିଉଡ୍ ନାୟକ ଟାଇଗର ଶ୍ରଫ ତାଙ୍କ ଗର୍ଲ ଫ୍ରେଣ୍ଡକୁ ଶୁଭେଚ୍ଛା ଜଣାଇଛନ୍ତି। ଏକ ଭିଡିଓ ମାଧ୍ୟମରେ ଟାଇଗର ଦିଶାଙ୍କୁ ଶୁଭେଚ୍ଛା ଜଣାଇଥିବା ଦେଖାଯାଇଛି। ଏକ ଇଂରାଜୀ ଗୀତରେ ଦିଶା ଫରଫର୍ମ କରୁଥିବାର ଭିଡିଓ ସୋସିଆଲ ମିଡିଆରେ ଟାଇଗର ଶେୟାର କରି ଦିଶାଙ୍କୁ ଭିନ୍ନ ଢଙ୍ଗରେ ଶୁଭେଚ୍ଛା ଜଣାଇଥିବା ବେଳେ ଉକ୍ତ ଭିଡିଓକୁ ତାଙ୍କ ପ୍ରଶଂସକମାନେ ବେଶ୍ ପସନ୍ଦ କରିଛନ୍ତି। ମାତ୍ର କେଇ ମିନିଟ ମଧ୍ୟରେ ଏହି ଭିଡିଓକୁ ୪ ଲକ୍ଷରୁ ଅଧିକ ଦର୍ଶକ ଦେଖି ସାରିଲେଣି। ଭିଡିଓ ଶେୟାର କରିବା ସହ କ୍ୟାପଶନରେ ଟାଇଗର ଲେଖିଛନ୍ତି, ୩ ଓ୍ବାଫଲସ୍ ଓ ୩ ପାନ୍କେକ୍ ପରେ ମିଳିବ, ହାପି ବାର୍ଥ ଡେ। ଏହି କ୍ୟାପଶନ ପୂର୍ବରୁ ଟାଇଗର ହସୁଥିବା ଓ ଏକ ହାର୍ଟ ଇମୋଜି ଲଗାଇଛନ୍ତି। ଏହାକୁ ଦେଖିବା ପରେ କେତେଜଣ ସୋସିଆଲ ମିଡିଆ ୟୁଜର୍ସ କମେଣ୍ଟ ମଧ୍ୟ କରିଛନ୍ତି। ଜଣେ ୟୁଜର ଲେଖିଛନ୍ତି ତୁମେ ଦୁହେଁ ବଲିଉଡ୍ର ଫେବରେଟ କପୁଲ। ଏହାସହ ଦିଶାଙ୍କ ଜନ୍ମଦିନ ଅବସରରେ ତାଙ୍କ ନିକଟକୁ ଶୁଭେଚ୍ଛା ସୁଅ ଛୁଟିଛି। ବେଶ୍ କିଛିଦିନ ହେବ ଦିଶା-ଟାଇଗର ପରସ୍ପରକୁ ପ୍ରେମ କରୁଥିବା ଆଲୋଚନା ହେଉଥିଲେ ମଧ୍ୟ ଏମାନେ କେବେ ମୁହଁ ଖୋଲି ଏ ବିଷୟରେ କଥା ହୋଇ ନାହାନ୍ତି। ରିଲ୍ ହେଉ ଅବା ରିୟଲ ଲାଇଫରେ ଏମାନେ ଅନେକ ଥର ନଜର ଆସିଛନ୍ତି। ବେଳେ ବେଳେ ଏମାନଙ୍କ ମଧ୍ୟରେ ଝଗଡା ହେଉଥିବା ମଧ୍ୟ ଆଲୋଚନା ହୁଏ। ଏମିତିକି ଦିଶା ଏକଜିଦିଆ ହୋଇଥିବା ବେଳେ ଟାଇଗର କୁଆଡେ ସବୁ କଥାରେ ମ୍ୟାନେଜ କରନ୍ତି ବୋଲି କୁହାଯାଏ।
