ବ୍ରହ୍ମପୁର ଅଫିସ,୧୫ା୬-ସ୍ବେଚ୍ଛାସେବୀ ଅନୁଷ୍ଠାନ ମିଲଟନ ଚାରିଟେବୁଲ ଫାଉଣ୍ଡେଶନ ପକ୍ଷରୁ ଆୟୋଜିତ କୌଶଳ ଦକ୍ଷତା ଶିବିର ଶୁକ୍ରବାର ଉଦଯାପିତ ହୋଇଯାଇଛି । ବ୍ରହ୍ମପୁର ରୋଟାରୀ କ୍ଲବ ପରିସରରେ ଫାଉଣ୍ଡେସନ ପକ୍ଷରୁ ଆୟୋଜିତ ଉଦଯାପନୀ କାର୍ଯ୍ୟକ୍ରମରେ ବ୍ରହ୍ମପୁର ବିଧାୟକ ବିକ୍ରମ ପଣ୍ଡା ମୁଖ୍ୟଅତିଥି ଭାବେ ଯୋଗଦେଇ ଦୃଷ୍ଟିବାଧିତ ଛାତ୍ରୀଛାତ୍ରଙ୍କ ସାମାଜିକ ନ୍ୟାୟ ଉପରେ ଆଲୋକପାତ କରିଥିଲେ ।
ଫାଉଣ୍ଡେଶନର ସଭାପତି ରଞ୍ଜନ କୁମାର ବିଶ୍ୱାଳଙ୍କ ଅଧ୍ୟକ୍ଷତାରେ ଆୟୋଜିତ କାର୍ଯକ୍ରମରେ ଶକ୍ତିପଥ ଟ୍ରଷ୍ଟର ସଭାପତି ଅର୍ଜୁନ ଦାଶ ମୁଖ୍ୟବକ୍ତା ଭାବେ ଯୋଗଦେଇଥିଲେ ।
ପୂର୍ବତନ କର୍ପୋରେଟର ସୁରେନ୍ଦ୍ର ମହାରଣା, ଆଇନଜୀବୀ ସୁଧାଂଶୁ କୁମାର ସେଠୀ, ଜିଲା ସାମାଜିକ ସୁରକ୍ଷା ଅଧିକାରୀ ସୁଧାଂଶୁ ଶେଖର ମହାରଣା, ବ୍ୟାଙ୍କ ଅଫ ବରୋଦାର ପୂର୍ବତନ ବରିଷ୍ଠ ପ୍ରବନ୍ଧକ ହରଶ୍ଚନ୍ଦ୍ର ମିଶ୍ର ସମ୍ମାନିତ ଅତିଥି ଥିଲେ । ଫାଉଣ୍ଡେଶନର ମୁଖ୍ୟ ଉପଦେଷ୍ଟା ହର୍ଷଚନ୍ଦ୍ର ରଥ ସ୍ବଗତ ଭାଷଣ ପ୍ରଦାନ କରିଥିବା ବେଳେ ସିଦ୍ଧାର୍ଥ ଶଙ୍କର ରାଉତ ଅତିଥି ପରିଚୟ ପ୍ରଦାନ କରିଥିଲେ । ଏହି ଅବସରରେ ଏପ୍ରିଲ ୨୮ରୁ ଦେଢମାସ ଧରି କମ୍ପ୍ୟୁଟର, ଇଂଲିଶ ଶିକ୍ଷା, ରିଜୋନିଂ, ଜେନେରାଲ ଆୱାରନେସ, ମୋବିଲିଟି ଟ୍ରେନିଂ ନେଇଥିବା ୨୮ ଛାତ୍ରୀଛାତ୍ରଙ୍କୁ ପ୍ରମାଣପତ୍ର ପ୍ରଦାନ କରାଯାଇଥିଲା । ଏଥିସହ ଚଳିତ ଶିକ୍ଷାବର୍ଷରେ ଆରମ୍ଭ ହେବାକୁ ଥିବା କମ୍ପୁଟର ଓ ଧନ୍ଦାମୂଳକ ତାଲିମ ପାଠ୍ୟକ୍ରମରେ ନାମ ଲେଖାଥିବା ୧୦ ଛାତ୍ରୀଛାତ୍ରଙ୍କ ମଧ୍ୟ ପ୍ରମାଣପତ୍ର ପ୍ରଦାନ କରାଯାଇଥିଲା । ଅନ୍ୟମାନଙ୍କ ମଧ୍ୟରେ ଫାଉଣ୍ଡେଶନର ବରିଷ୍ଠ ସଦସ୍ୟ କୃପାସିନ୍ଧୁ ମୁଦୁଲି, ସାମାଜିକ କର୍ମୀ ଟିଙ୍କୁ ମିଶ୍ର, ପ୍ରଦୋଷ କୁମାର ସ୍ବାଇଁ, ମାଧବ କୁମାର ବିଷୋୟୀ, ଶିଶିର ମହାପାତ୍ର, ଶିବ ସୁବୁଦ୍ଧି, ନୀଳକଣ୍ଠ ପାତ୍ର, ପିଙ୍କି ରଥ, ଏ. ଚିନ୍ମୟ କୁମାର ପ୍ରମୁଖ ସଦସ୍ୟ ସହଯୋଗ କରିଥିଲେ ।
