ମଧ୍ୟପ୍ରଦେଶର ଭୋପାଳରେ ଏକ ରୋଚକ ଘଟଣା ଘଟିଛି। ଭାବି ସ୍ବାମୀଙ୍କ ସାମାନ୍ୟ ଏକ ଥଟ୍ଟାରୁ ବିବାହ ଭାଙ୍ଗିଦେଇଥିଲେ କନ୍ୟା। ପରେ ସେ ୧୦୮ଥର ‘ତୁମର ଚାମ୍ଚା ହୋଇ ରହିବି’ କହିବା ପରେ ବିବାହ ପାଇଁ ରାଜି ହୋଇଛନ୍ତି କନ୍ୟା। ସୂଚନାଯୋଗ୍ୟ, ଉଭୟଙ୍କ ନିର୍ବନ୍ଧ ମେ ୨୦ରେ ହୋଇଥିଲା। ବିବାହ ଆସନ୍ତା ଜାନୁୟାରୀ ୧୫ରେ ହେବ ବୋଲି ସ୍ଥିର ହୋଇଥିଲା। ନିର୍ବନ୍ଧ ପରେ ଯୁବତୀ ଜଣଙ୍କ ଭାବି ସ୍ବାମୀଙ୍କୁ ଏକ ଭିଡିଓ ପଠାଇଥିଲେ। ଯେଉଁ ଭିଡିଓରେ ଜଣେ ବ୍ୟକ୍ତି ସ୍ତ୍ରୀଙ୍କ ଇସାରାରେ ବାସନ ମାଜିବା ସହ ଡ୍ୟାନ୍ସ କରୁଥିଲେ। ଏହି ଭିଡିଓଟିକୁ ପଠାଇ ସେ କହିଥିଲେ ବିବାହ ପରେ ଏହା ତୁମ ଉପରେ ଲାଗୁ ହେବ। ଏହାର ଜବାବରେ ସେ କହିଥିଲେ ମୁଁ ଏପରି କରିପାରିବି ନାହିଁ। ଏଥିରେ ରାଗିଯାଇ ଯୁବତୀ ଜଣଙ୍କ ବିବାହ ଭାଙ୍ଗି ଦେଇଥିଲେ। ପରିବାର ଲୋକ ଏହା ଜାଣିବା ପରେ ତାଙ୍କୁ ବୁଝାଇଥିଲେ ମଧ୍ୟ ସେ ବୁଝି ନ ଥିଲେ। ପରେ ମାମଲା ଯାଇ ପହଞ୍ଚିଥିଲା ଫ୍ୟାମିଲି କୋର୍ଟରେ। କୋର୍ଟରେ ଉକ୍ତ ଯୁବକ ଜଣଙ୍କ ଥଟ୍ଟା ଏଭଳି କହିଥିବା କହିବା ସହ ୧୦୮ଥର ‘ମୁଁ ତୁମର ଚାମ୍ଚା ରହିବି ବୋଲି ଏକ କାଗଜରେ ଲେଖିଥିଲେ। ଏହା ପରେ ଯୁବତୀ ଜଣଙ୍କ ବିବାହ କରିବାକୁ ରାଜି ହୋଇଥିଲେ।
