ଯୋଡ଼ା,୧୨।୧୦(ଡି.ଏନ୍.ଏ.): କେନ୍ଦୁଝର ଜିଲା ବାମେବାରୀ ଥାନା ଅନ୍ତର୍ଗତ ଜୁରୁଡ଼ି ହାଟପଦାଠାରେ ଟ୍ରକ ଚୋରି ଉଦ୍ୟମ କରୁଥିବା ଜଣେ ଯୁବକଙ୍କୁ ସ୍ଥାନୀୟ ଲୋକେ ଧରି ମାଡ଼ ମାରିବା ସହିତ ପୋଲିସରେ ଜିମା ଦେଇଛନ୍ତି।
ସୂଚନାଯୋଗ୍ୟ, ଶୁକ୍ରବାର ସନ୍ଧ୍ୟାରେ ଜୁରୁଡିସ୍ଥିତ ହାଟପଦାଠାରେ ୧୨ ଚକିଆ ଟ୍ରକ୍ ନଂ. ଓଡି ୦୯ ଜି ୮୩୭୯ର ଡ୍ରାଇଭର ଚକା ମରାମତି ପାଇଁ ଯାଇଥିବାବେଳେ ସୁଯୋଗ ପାଇ ରବୀନ୍ଦ୍ର କୁମାର ସାଓ ନାମକ ଯୁବକ ଟ୍ରକକୁ ଚୋରି କରି ନେଉଥିବା ବେଳେ ସ୍ଥାନୀୟ ଲୋକେ ଜାଣିପାରି ତାଙ୍କୁ ନିସ୍ତୁକ ମାଡ଼ ମାରି ପୋଲିସରେ ଜିମା ଦେଇଥିଲେ। ଅଭିଯୁକ୍ତଙ୍କ ଘର ମଧ୍ୟପ୍ରଦେଶର ହୁସିଆରି ଗ୍ରାମରେ ବୋଲି ଜଣାପଡ଼ିଛି। ଏନେଇ ଟ୍ରକମାଲିକ ପ୍ରଦୀପ କୁମାର ବେହେରା ଥାନାରେ ଲିଖିତ ଅଭିଯୋଗ କରିବା ପରେ କେସ୍ ନଂ. ୧୩୩/୧୯ରେ ଏକ ମାମଲା ରୁଜୁ କରାଯାଇଛି। ଲୋକଙ୍କ ମାଡ଼ରେ ଆହତ ଅଭିଯୁକ୍ତଙ୍କୁ ଟାଟାଷ୍ଟିଲ ଡାକ୍ତରଖାନାରେ ଚିକିସତ୍ା ପାଇଁ ଭର୍ତ୍ତି କରାଯାଇଥିବା ଥାନାଧିକାରୀ ପରେଶ କୁମାର ମହାନ୍ତି ସୂଚନା ଦେଇଛନ୍ତି।
