ଛତୁଚାଷ ପାଇଁ ମଡେଲ ସାଜିଛନ୍ତି କୃଷକ ଦମ୍ପତି

ବୈପାରୀଗୁଡ଼ା,୧୦।୧(ଡି.ଏନ୍‌.ଏ.)- ପାରମ୍ପରିକ ଚାଷ ବଦଳରେ ଛତୁ ଚାଷ ଦ୍ୱାରା ସୀମିତ ଜମିରେ ଖୁବ୍‌ କମ୍‌ ଦିନରେ ଲାଭ ମିଳିଥାଏ ା ବଜାରରେ ଛତୁର ଚାହିଦା ଅଧିକ ଥିବାରୁ ବିକ୍ରି ପାଇଁ ମଧ୍ୟ କୌଣସି ସମସ୍ୟା ନ ଥାଏ। ଏଥିପାଇଁ କେବଳ ବୈଷୟିକ ଜ୍ଞାନର ଆବଶ୍ୟକତା ରହିଛି। ଗତ ୧୭ ବର୍ଷ ଧରି ସ୍ଥାନୀୟ ଅଞ୍ଚଳରେ ଛତୁଚାଷ ପାଇଁ ପ୍ରୋତ୍ସାହିତ କରି ବହୁ ଚାଷୀଙ୍କୁ ସ୍ବାବଲମ୍ବୀ କରିବାରେ ସକ୍ଷମ ହୋଇଛନ୍ତି ଏକ କୃଷକ ଦମ୍ପତି ା
ବୈପାରୀଗୁଡ଼ା ବ୍ଲକ ଦୋରାଗୁଡ଼ା ପଞ୍ଚାୟତ ମାଝିଗୁଡ଼ା ଗାଁରେ ରହିଛି ମା’ ମଙ୍ଗଳା ବିହନ ଓ ଛତୁ ଉପତ୍ାଦନ କେନ୍ଦ୍ର। ଉକ୍ତ କେନ୍ଦ୍ରକୁ ପରିଚାଳନା କରୁଛନ୍ତି ଶ୍ୟାମ ସୁନ୍ଦର ପ୍ରଧାନ (୫୧) ଓ ତାଙ୍କ ସ୍ତ୍ରୀ ସନ୍ଧ୍ୟାରାଣୀ ପ୍ରଧାନ (୪୫) ା ଏହି କେନ୍ଦ୍ରରେ ଉଭୟ ପାଳ ଓ ଡିଙ୍ଗିରି ଛତୁ ତଥା ସେଗୁଡିକର ବିହନ ଉପତ୍ାଦନ ହେଉଛି। ଶ୍ୟାମ ଛତୁଚାଷ ଦାୟିତ୍ବରେ ଥିବାବେଳେ ଛତୁରୁ ବିହନ ସଂଗ୍ରହ କରିବା ତଥା ଛତୁକୁ ନେଇ ବିଭିନ୍ନ ଖାଦ୍ୟ ଯଥା ଆଚାର ଓ ବଡି ପ୍ରସ୍ତୁତ କରନ୍ତି ସନ୍ଧ୍ୟାରାଣୀ ା ଏଠାରେ ଖରା ଓ ବର୍ଷାଦିନେ ପାଳଛତୁ ଓ ଶୀତଦିନେ ଡିଙ୍ଗିରି ଛତୁ ଚାଷ କରାଯାଏ। ଛତୁଚାଷ ପାଇଁ ଆବଶ୍ୟକ ସାମଗ୍ରୀ ହେଲା ଛତୁ ବିହନ, ନଡ଼ା ଓ ପଲିଥିନ। ଡିଙ୍ଗିରି ଛତୁ ପାଇଁ ପଲିଥିନ ପ୍ୟାକେଟ୍‌ ମଧ୍ୟରେ କଟା ନଡ଼ାରେ ବିହନ ବିଞ୍ଚାଯାଇ ପ୍ୟାକେଟ ବାହାର ପଟୁ ଛିଦ୍ର କରାଯାଏ। ପ୍ୟାକେଟ୍‌ ମୁହଁକୁ ବନ୍ଧାଯାଇ ଛତୁ ଘରେ ୨୦ ଦିନ ଯାଏ ରଖାଯାଇ ପରେ ପଲିଥିନ ପ୍ୟାକେଟ୍‌ ବାହାର କରାଯାଏ। ପରେ ସେଥିରେ ନିୟମିତ ପାଣି ସିଞ୍ଚତ୍ଲେ ୮ ଦିନରେ ଛତୁ ବାହାରିପଡ଼େ। ୨ ମାସ ଯାଏ। ଏଥିରୁ ଛତୁ ବାହାରିଥାଏ। ସେହିପରି ପାଳଛତୁ ଚାଷ ପାଇଁ ଏକ ଛାଇ ଜାଗାରେ ପାଳବେଡ୍‌ ପ୍ରସ୍ତୁତ କରାଯାଇ ସେଥିରେ ବିହନ ପକାଯାଇ ପଲିଥିନ ଘୋଡାଇ ୯ ଦିନ ଯାଏ ଛାଡ଼ି ଦିଆଯାଏ। ନବମ ଦିନରେ ପାଣି ପକାଯାଏ। ପରେ ୧୩ରୁ ୧୫ ଦିନ ମଧ୍ୟରେ ଛତୁ ବାହାରିବା ଆରମ୍ଭ କରେ। ପ୍ରାୟ ଏକ ସପ୍ତାହ ଧରି ଛତୁ ଅମଳ ହୋଇଥାଏ। ଜଣେ ଚାଷୀ ୩ ଡିସିମିଲ ଜାଗାରେ ମଧ୍ୟ ବର୍ଷ ତମାମ ଛତୁଚାଷ କରିପାରିବ ା ଜଣେ ଚାଷୀ ଏ ବାବଦକୁ ୧୦ ହଜାର ଟଙ୍କା ଖର୍ଚ୍ଚ କଲେ ମାସକ ପରେ ୨୦ ହଜାର ଟଙ୍କାର ଛତୁ ଉପତ୍ାଦନ କରିପାରିବ ା ଅର୍ଥାତ୍‌ ୧୦ ହଜାର ଟଙ୍କା ରୋଜାଗାର କରିପାରିବ ବୋଲି କହିଛନ୍ତି ଶ୍ୟାମ। ସେହିପରି ବିହନ ପ୍ରସ୍ତୁତି ପାଇଁ ଉପକରଣ ହେଉଛି ଅଟୋ ଡିକ୍ଲେଭ୍‌ ମେଶିନ, କାଚ ବୋତଲ ଓ ଶିଝା ଗହମ। ଏକ ପ୍ରକାର ରାସାୟନିକ ଦ୍ରବଣରେ ଛତୁକୁ ପକାଯାଇ ସେଥିରୁ ଫିମ୍ପି ସଂଗ୍ରହ କରାଯାଇଥାଏ ା ପୂର୍ବରୁ ଏକ ବୋତଲରେ ଶିଝା ଗହମକୁ ରଖି ଅଟୋକ୍ଲେଭ୍‌ ମେଶିନରେ ଷ୍ଟେରିଲାଇଜେସନ କରାଯାଇ ୱାଟ୍‌ର ଆବଜର୍ବେଣ୍ଟ କଟନ୍‌ ଦ୍ବାରା ଠିପି ବନ୍ଦ ରଖାଯାଇଥାଏ ା ଏକ ନିବୁଜ୍‌ କୋଠରିରେ ସ୍ପିରିଟ୍‌ ବତୀ ଜଳୁଥିବା ଅବସ୍ଥାରେ ବିହନକୁ ବୋତଲରେ ଭର୍ତ୍ତି କରାଯାଇ ଠିପିକୁ ପୂର୍ବ ପରି ବନ୍ଦ ରଖାଯାଏ ା ଏକ ଛାଇ ଜାଗାରେ ଉକ୍ତ ବୋତଲକୁ କିଛି ଦିନ ରଖିବା ମଧ୍ୟରେ ଫିମ୍ପି ବଂଶ ବିସ୍ତାର କରି ବୋତଲ ଭର୍ତ୍ତି ହୋଇଯାଇଥାଏ ା ଏହି ଫିମ୍ପିକୁ ହିଁ ବାହାରକୁ ଣାଯାଇ ବିହନ ରୂପେ ବ୍ୟବହାର କରାଯାଏ। ଜିଲା ଓ ବାହାରୁ ବହୁ ଚାଷୀ ଏଠାରୁ ବିହନ କିଣିବାକୁ ଆସିଥାନ୍ତି। ବିହନ ଉତ୍ପାଦନରେ ପ୍ରାୟ ୧ ତୃତୀୟାଂଶ ଲାଭ ରହେ ବୋଲି କହନ୍ତି ସନ୍ଧ୍ୟାରାଣୀ ା
ଉଲ୍ଲେଖଯୋଗ୍ୟ, ଶ୍ୟାମଙ୍କ ନିଜ ଘର ପୁରୀ ଜିଲା ଡେଲାଙ୍ଗ ବ୍ଲକ ତୋରାବଇ ଗ୍ରାମ। ଚାଷୀ ପରିବାରରେ ଜନ୍ମ ହୋଇ ଯୁକ୍ତ ୨ ପାସ୍‌ କରିବା ପରେ ପାଠ ଛାଡ଼ି ସେ ଚାଷରେ ମନ ଦେଇଥିଲେ। ୧୯୮୪ରେ ଓଏୟୁଟି ପକ୍ଷରୁ ପିପିଲି ବ୍ଲକ ଦାଣ୍ଡମକୁନ୍ଦପୁରରେ ୧୦ ଜଣ ଆଗ୍ରହୀ ଚାଷୀଙ୍କୁ ନେଇ ପରୀକ୍ଷାମୂଳକ ଭାବେ ପ୍ରଥମ ଥର ଛତୁ ଚାଷ ଆରମ୍ଭ ହୋଇଥିଲା। ସେଠାରୁ ଅନୁପ୍ରାଣିତ ହୋଇ ସେ ମଧ୍ୟ ସଫଳ ଛତୁ ଚାଷୀ ପାଲଟିଥିଲେ। ଭୁବନେଶ୍ୱର ସହରରେ ପ୍ରତିଷ୍ଠା ପାଇବା ପରେ ୨୦୦୨ରେ ବୈପାରୀଗୁଡ଼ାସ୍ଥିତ ଏକ ଏନ୍‌ଜିଓ ଦ୍ବାରା ନିଯୁକ୍ତି ପାଇ ଏଠାରେ ଏକ ଛତୁର ଡେମୋ ଫାର୍ମ ପ୍ରତିଷ୍ଠା କରିବା ସହ ସ୍ଥାନୀୟ ଚାଷୀଙ୍କୁ ଛତୁଚାଷ ସଂପର୍କରେ ତାଲିମ୍‌ ଦେଇଥିଲେ। ଓଏୟୁଟିର ପ୍ରଫେସର ଆଦିତ୍ୟ ପାତ୍ରଙ୍କ ପରାମର୍ଶ କ୍ରମେ ସନ୍ଧ୍ୟାରାଣୀ ସେଠାରେ ଛତୁ ବିହନ ପ୍ରସ୍ତୁତି ଓ ଛତୁରୁ ବିଭିନ୍ନ ଖାଦ୍ୟ ପ୍ରକ୍ରିୟାକରଣ ସଂପର୍କରେ ତାଲିମ୍‌ ନେଇ ଫେରିବା ପରେ ଉକ୍ତ ଦମ୍ପତି ନିଜସ୍ବ ଉଦ୍ୟମରେ ଛତୁଚାଷ ଓ ବିହନ ଉପତ୍ାଦନ କେନ୍ଦ୍ର ଖୋଲିଛନ୍ତି। ସେମାନଙ୍କଠାରୁ ବ୍ଲକର ବାଲିଗଁା, ପେଟାଲାଡି, ଲିମାଲାଡି, ଦଣ୍ଡାବାଡି, କୁନ୍ଦୁରା ବ୍ଲକର ଦିଗାପୁର, କଟଲାପଦର ଓ ମାଲକାନଗିରି ଜିଲା ଗୋବିନ୍ଦପାଲି ଅଞ୍ଚଳର ବହୁ ଚାଷୀ ତାଲିମ୍‌ ନେଇ ସଫଳ ଛତୁ ଚାଷୀ ହୋଇପାରିଛନ୍ତି। ଛତୁ ଚାଷରେ ପାରଦର୍ଶିତା ପାଇଁ ଏହି ଦମ୍ପତି ବହୁ ସଂଗଠନ ଦ୍ବାରା ସମ୍ମାନିତ ହୋଇଛନ୍ତି।


Enter your email to get our daily news in your inbox.

All Right Reserved By Dharitri.Com

ପୂର୍ବତନ ପ୍ରଧାନ ଶିକ୍ଷକଙ୍କୁ ଝୁରୁଛି ଗାଁ ମାଟି: ଶିକ୍ଷକତା ପରେ କାହଁକି ନେଲେ ଏଭଳି ଚରମ ନିଷ୍ପତ୍ତି

ବରୀ, ୧୬।୧୧ (ମହେନ୍ଦ୍ର ସ୍ୱାଇଁ): ବରୀ ଶିକ୍ଷାମଣ୍ଡଳ ଅନ୍ତର୍ଗତ ଅରଙ୍ଗାବାଦ ପ୍ରକଳ୍ପ ପ୍ରାଥମିକ ବିଦ୍ୟାଳୟର ପୂର୍ବତନ ପ୍ରଧାନ ଶିକ୍ଷକ ସୁରେନ୍ଦ୍ର ପ୍ରଧାନଙ୍କ ମୃତ୍ୟୁ ଘଟିଛି। ପାରିବାରିକ କଳହକୁ…

କାର୍ତ୍ତିକ ମାସର ତୃତୀୟ ସୋମବାରରେ ବଟେଶ୍ୱର ଶୈବପୀଠରେ ୫୦ ହଜାରରୁ ଊର୍ଦ୍ଧ୍ୱ ଶ୍ରଦ୍ଧାଳୁଙ୍କ ସମାଗମ: ପାଣି ପାଇଁ ଡହଳବିକଳ ହେଲେ….

ଗଞ୍ଜାମ,୧୬/୧୧ (ବିଦ୍ୟାଧର ସାହୁ): ପବିତ୍ର କାର୍ତ୍ତିକ ମାସର ତୃତୀୟ ସୋମବାର ଅବସରରେ ଗଞ୍ଜାମ ବ୍ଲକ୍‌ ଅନ୍ତର୍ଗତ ପାଳିବନ୍ଧ ପଞ୍ଚାୟତର କଣ୍ଟିଆଗଡ଼ସ୍ଥିତ ପ୍ରସିଦ୍ଧ ବଟେଶ୍ୱର ଶୈବପୀଠରେ ୫୦ ହଜାରରୁ…

ଶୋଇଥିବା ବେଳେ ଘର ଉପରକୁ ମାଡ଼ିଗଲା କାର୍, ଡ୍ରାଇଭର ଫେରାର

ମୋହନା,୧୬।୧୧(ମନ୍ମଥ ମିଶ୍ର): ଗଜପତି ଜିଲା ମୋହନା ଥାନା ପିଣ୍ଡିକି ଗାଁର ୩୨୬ ଏ ଜାତୀୟ ରାଜପଥର ରାସ୍ତା କଡରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି ।…

କାର୍‌ ଭିତରେ ଜିଅନ୍ତା ଜଳିଗଲେ ଯୁବକ, ବେକରେ ଗୁଡ଼ା ହୋଇଛି ତାର, ବଢୁଛି ନାନା ସନ୍ଦେହ

ରାଇକିଆ,୧୬ା୧୧(ପ୍ରଦୀପ ବେହେରା): କନ୍ଧମାଳ ଜିଲା ରାଇକିଆ ଥାନା କରଡା ପଞ୍ଚାୟତର ସିନାପାଲି ନିକଟରେ ଏକ କାର୍‌ ସମ୍ପୂର୍ଣ୍ଣ ଜଳି ଯାଇଥିବା ଏବଂ ସେଥିରେ ଜଣେ ଯୁବକ ଜିଅନ୍ତା…

ହୀରାକୁଦ ଇକୋ-ରିଟ୍ରିଟ୍‌ ଉଦଘାଟନ କଲେ ଉପମୁଖ୍ୟମନ୍ତ୍ରୀ, ଏଥର ୫୦ଟି ଟେଣ୍ଟ୍ ସହ ୧୨୦ ଦିନ ଧରି ମଜା ନେବେ ପର୍ଯ୍ୟଟକ

ସମ୍ବଲପୁର,୧୬।୧୧(ପ୍ରମୋଦ ବହିଦାର): ରାଜ୍ୟ ପର୍ଯ୍ୟଟନ ବିଭାଗ ଆନୁକୂଲ୍ୟରେ ସମ୍ବଲପୁର ଜିଲାର ହୀରାକୁଦ (ବଲବସପୁର, ଜମାଦାରପାଲି ନିକଟ) ଠାରେ ଆୟୋଜିତ ହେଉଥିବା ଚଳିତ ବର୍ଷର ‘ଇକୋ-ରିଟ୍ରିଟ୍‌’ (ସପ୍ତମ ସଂସ୍କରଣ)…

ସୀମାନ୍ତରେ ବିବାଦ ବଢ଼ାଉଛି ଦ୍ୱୈତ ଭୋଟର କାର୍ଡ

ନନ୍ଦପୁର,୧୬ା୧୧(ତୁଷାର କାନ୍ତ ମହାନ୍ତି): ଭୋଟର ପରିଚୟ ପତ୍ର ପ୍ରସ୍ତୁତି ଓ ଯାଞ୍ଚ ପ୍ରକ୍ରିୟାରେ ଥିବା ତ୍ରୁଟିପୂର୍ଣ୍ଣ ବ୍ୟବସ୍ଥା ଯୋଗୁ ଜଣେ ବ୍ୟକ୍ତି ୨ ରାଜ୍ୟର କାର୍ଡ ତିଆରି…

ଭଙ୍ଗା ଆଜବେଷ୍ଟସ୍‌ ଘରେ ଛାତ୍ରୀଛାତ୍ରଙ୍କ ଭବିଷ୍ୟତ ଗଢ଼ା

ଆଳି,୧୫ା୧୧(ବନମାଳୀ ସେନାପତି): କେନ୍ଦ୍ର ଓ ରାଜ୍ୟ ସରକାର ଶିକ୍ଷାର ଗୁଣବତ୍ତା ବୃଦ୍ଧି ନିମନ୍ତେ ବିଭିନ୍ନ ଯୋଜନା ପ୍ରଣୟନ କରୁଛନ୍ତି। କିନ୍ତୁ ଉଦ୍ଦିଷ୍ଟ ଯୋଜନାଗୁଡ଼ିକ ବହୁ ବିଦ୍ୟାଳୟରେ ଉପଲବ୍ଧ…

ବିର୍ସା ମୁଣ୍ଡାଙ୍କ ୧୫୧ତମ ଜନ୍ମ ଜୟନ୍ତୀ: ଏକାଠି ହେଲେ କନ୍ଧମାଳ,ଗଜପତିର ଆଦିବାସୀ ସମାଜ

ବ୍ରାହ୍ମଣୀଗାଁ,୧୫।୧୧(ମନୋରଞ୍ଜନ ରଣା): କନ୍ଧମାଳ ଜିଲା ଦାରିଙ୍ଗବାଡ଼ି ବ୍ଲକ ଅନ୍ତର୍ଗତ ବ୍ରାହ୍ମଣୀଗାଁ ଶିବ ମନ୍ଦିର ପଡ଼ିଆରେ ରବିବାର ଭଗବାନ ବିର୍ସା ମୁଣ୍ଡାଙ୍କ ୧୫୧ତମ ଜନ୍ମ ଜୟନ୍ତୀ ପାଳିତ ହୋଇଯାଇଛି।…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?