ବ୍ରହ୍ମପୁର ଅଫିିସ,୧୨ା୫-ଗଞ୍ଜାମ ଜିଲାକୁ ପୁଣି ବୋଟ୍ରେ ଆସିଲେ ପ୍ରବାସୀ ଶ୍ରମିକ। ସୋମବାର ସନ୍ଧ୍ୟାରେ ଚେନ୍ନାଇରୁ ସମୁଦ୍ରରେ ୪୨ ଜଣ ଶ୍ରମିକ ମାର୍କଣ୍ଡିରେ ପହଞ୍ଚିଛନ୍ତି । ଏମାନଙ୍କ ମଧ୍ୟରେ ମାର୍କଣ୍ଡି ଅଞ୍ଚଳର ୩୩ ଜଣ ଥିବା ବେଳେ ଗୋପାଳପୁରର ୩, ନୂଆଗଁ। ର ୫ ଓ ଗାରମପେଟାର ଜଣେ ଥିବା ଜଣାପଡିଛି । ଚେନ୍ନାଇରେ ଲକ୍ଡାଉନ୍ ଯୋଗୁ ଏମାନେ ଅଟକି ରହିଥିଲେ । ଖାଦ୍ୟାଭାବ ଦେଖାଦେବାରୁ ସେମାନେ ପରିବାର ଲୋକଙ୍କୁ ଜଣାଇଥିଲେ। ପରେ ପରିବାର ଲୋକେ ଟଙ୍କା ପଠାଇଥିଲେ। ପାଇବା ପରେ ସେଠାରେ ୧ ଲକ୍ଷ ୮୦ ହଜାର ଟଙ୍କା ଦେଇ ଏକ ବୋଟ୍ କିଣିଥିଲେ । ସେମାନେ ମେ ୬ରେ ଚେନ୍ନାଇରୁ ସମୁଦ୍ରରେ ୫ ଦିନରେ ୧୮୬୩ କି.ମି.ଯାତ୍ରା କରିବା ପରେ ସୋମବାର ସନ୍ଧ୍ୟାରେ ମାର୍କଣ୍ଡିରେ ପହଞ୍ଚିଛନ୍ତି। ପରେ ସମସ୍ତଙ୍କୁ ମାର୍କଣ୍ଡି ବାତ୍ୟାଆଶ୍ରୟସ୍ଥଳୀସ୍ଥିତ କ୍ବାରାଣ୍ଟାଇନ୍ ସେଣ୍ଟରରେ ରଖାଯିବା ନେଇ ସରପଞ୍ଚ ଡାଳି ନାୟକ ସୂଚନା ଦେଇଛନ୍ତି।
