ଠାକୁରମୁଣ୍ଡା,୩୦।୩(ଡି.ଏନ୍.ଏ.): ରାଜ୍ୟର ବିଭିନ୍ନ ସ୍ଥାନକୁ ଶ୍ରମିକ ଭାବରେ କାମ କରିବାକୁ ଯାଇଥିବା ଲୋକେ ଏବେ ଚାଲି ଚାଲି ଘରକୁ ଫେରୁଥିବାର ଦେଖିବାକୁ ମିଳିଛି। ମୟୂରଭଞ୍ଜ ଜିଲା କରଞ୍ଜିଆ ଉପଖଣ୍ଡ ସମେତ ସୀମାନ୍ତ କେନ୍ଦୁଝର ଜିଲା ଗୟଳମୁଣ୍ଡା ମୋନହୋରପୁର,ପଣସଡିହା ପଞ୍ଚାୟତରୁ ଯାଇ କଟକ, ପୁରୀ, ଯାଜପୁର, ଭଦ୍ରକ ଜିଲାରେ କାମ କରୁଥିବା ଶ୍ରମିକମାନଙ୍କର ଲକ୍ଡାଉନ୍ ପରେ କାମଧନ୍ଦା ବନ୍ଦ ହୋଇଯିବାରୁ ଘରକୁ ଫେରିଆସୁଛନ୍ତି। ଯାନବାହନ ସମ୍ପୂର୍ଣ୍ଣ ବନ୍ଦ ହୋଇଯିବାରୁ ପିଲାଛୁଆ ଧରି ଆସବାବପତ୍ର ମୁଣ୍ଡାଇ ରାସ୍ତାରେ ଚାଲିଚାଲି ଘରମୁହଁା ହୋଇଛନ୍ତି। ପଟ୍ଟାମୁଣ୍ଡାଇ ଅଞ୍ଚଳରେ ଥିବା କରଞ୍ଜିଆ ବ୍ଲକ କେନ୍ଦୁମୁଣ୍ଡି ଅଞ୍ଚଳର ପିଲାଛୁଆ ମିଶାଇ ୩୫ ଜଣ ଚାଲି ଚାଲି ୧୫୦ କିମି ଆସି ଆନନ୍ଦପୁର ନିକଟ ବାଙ୍କିଡ଼ିରେ ଆଶ୍ରୟ ନେଇଥିବା ବେଳେ ରବିବାର ଆନନ୍ଦପୁର ପ୍ରଶାସନ ସେମାନଙ୍କୁ ଗାଡ଼ି ଯୋଗେ ଆଣି ଠାକୁରମୁଣ୍ଡାଠାରେ ଛାଡ଼ିଥିଲା। ପରେ ସେମାନେ ଘରକୁ ଯାଇଥିଲେ। ସେହିପରି ଯାଜପୁର ଜିଲା ଅଦମପୁର ଅଞ୍ଚଳରେ ବାଦାମ ଚାଷରେ ନିୟୋଜିତ ଥିବା ସୀମାନ୍ତ ଗୟଳମୁଣ୍ଡା ଗ୍ରାମପଞ୍ଚାୟତର ୨୦ଜଣ ପୁରୁଷ,୩୦ ଜଣ ମହିଳା,୧୫ଜଣ ପିଲାଙ୍କୁ ମିଶାଇ ୬୫ ଜଣ ଶ୍ରମିକ ସୋମବାର ୧୦୦ କିମିରୁ ଊଦ୍ଧର୍ବ ରାସ୍ତା ଦିନ ରାତି ଚାଲି ଚାଲି ଆସି ଘରେ ପହଞ୍ଚିବା ଥିବା ଜଣାଯାଇଛି। ଶହ ଶହ ସଂଖ୍ୟାରେ ଶ୍ରମିକ ଆନନ୍ଦପୁର-ଠାକୁରମୁଣ୍ଡା ରାସ୍ତାରେ ଚାଲି ଚାଲି ଘରକୁ ଫେରୁଥିବାର ଦେଖିବାକୁ ମିଳିଛି।
ଠାକୁରମୁଣ୍ଡା,୩୦।୩(ଡି.ଏନ୍.ଏ.): ରାଜ୍ୟର ବିଭିନ୍ନ ସ୍ଥାନକୁ ଶ୍ରମିକ ଭାବରେ କାମ କରିବାକୁ ଯାଇଥିବା ଲୋକେ ଏବେ ଚାଲି ଚାଲି ଘରକୁ ଫେରୁଥିବାର ଦେଖିବାକୁ ମିଳିଛି। ମୟୂରଭଞ୍ଜ ଜିଲା କରଞ୍ଜିଆ ଉପଖଣ୍ଡ ସମେତ ସୀମାନ୍ତ କେନ୍ଦୁଝର ଜିଲା ଗୟଳମୁଣ୍ଡା ମୋନହୋରପୁର,ପଣସଡିହା ପଞ୍ଚାୟତରୁ ଯାଇ କଟକ, ପୁରୀ, ଯାଜପୁର, ଭଦ୍ରକ ଜିଲାରେ କାମ କରୁଥିବା ଶ୍ରମିକମାନଙ୍କର ଲକ୍ଡାଉନ୍ ପରେ କାମଧନ୍ଦା ବନ୍ଦ ହୋଇଯିବାରୁ ଘରକୁ ଫେରିଆସୁଛନ୍ତି। ଯାନବାହନ ସମ୍ପୂର୍ଣ୍ଣ ବନ୍ଦ ହୋଇଯିବାରୁ ପିଲାଛୁଆ ଧରି ଆସବାବପତ୍ର ମୁଣ୍ଡାଇ ରାସ୍ତାରେ ଚାଲିଚାଲି ଘରମୁହଁା ହୋଇଛନ୍ତି। ପଟ୍ଟାମୁଣ୍ଡାଇ ଅଞ୍ଚଳରେ ଥିବା କରଞ୍ଜିଆ ବ୍ଲକ କେନ୍ଦୁମୁଣ୍ଡି ଅଞ୍ଚଳର ପିଲାଛୁଆ ମିଶାଇ ୩୫ ଜଣ ଚାଲି ଚାଲି ୧୫୦ କିମି ଆସି ଆନନ୍ଦପୁର ନିକଟ ବାଙ୍କିଡ଼ିରେ ଆଶ୍ରୟ ନେଇଥିବା ବେଳେ ରବିବାର ଆନନ୍ଦପୁର ପ୍ରଶାସନ ସେମାନଙ୍କୁ ଗାଡ଼ି ଯୋଗେ ଆଣି ଠାକୁରମୁଣ୍ଡାଠାରେ ଛାଡ଼ିଥିଲା। ପରେ ସେମାନେ ଘରକୁ ଯାଇଥିଲେ। ସେହିପରି ଯାଜପୁର ଜିଲା ଅଦମପୁର ଅଞ୍ଚଳରେ ବାଦାମ ଚାଷରେ ନିୟୋଜିତ ଥିବା ସୀମାନ୍ତ ଗୟଳମୁଣ୍ଡା ଗ୍ରାମପଞ୍ଚାୟତର ୨୦ଜଣ ପୁରୁଷ,୩୦ ଜଣ ମହିଳା,୧୫ଜଣ ପିଲାଙ୍କୁ ମିଶାଇ ୬୫ ଜଣ ଶ୍ରମିକ ସୋମବାର ୧୦୦ କିମିରୁ ଊଦ୍ଧର୍ବ ରାସ୍ତା ଦିନ ରାତି ଚାଲି ଚାଲି ଆସି ଘରେ ପହଞ୍ଚିବା ଥିବା ଜଣାଯାଇଛି। ଶହ ଶହ ସଂଖ୍ୟାରେ ଶ୍ରମିକ ଆନନ୍ଦପୁର-ଠାକୁରମୁଣ୍ଡା ରାସ୍ତାରେ ଚାଲି ଚାଲି ଘରକୁ ଫେରୁଥିବାର ଦେଖିବାକୁ ମିଳିଛି।
