ବମ୍ବେ: ଅଭିନେତା ଇଶାନ୍ ଖଟ୍ଟରଙ୍କ ସହ ବଲିଉଡ୍ରେ ଡେବ୍ୟୁ କରିଥିବା ଅଭିନେତ୍ରୀ ତଥା ଶ୍ରୀଦେବୀ ଲଳନା ଜାହ୍ନବୀ କପୁର ଆଜିକାଲି ଚର୍ଚ୍ଚାରେ। ଏହା ପଛରେ କାରଣ ମଧ୍ୟ ରହିଛି। ଦୀର୍ଘ ଦିନ ଧରି ସିଲ୍ଭର ସ୍କ୍ରିନ୍ରୁ ଦୂରେଇ ରହିବା ପରେ ଗୋଟିଏ ପରେ ଗୋଟିଏ ଫିଲ୍ମକୁ ନେଇ ସେ ଫେରୁଛନ୍ତି। ଇତିମଧ୍ୟରେ ସେ ଦୋସ୍ତାନା-୨ର ଦ୍ୱିତୀୟ ସିଡ୍ୟୁଲ୍ର ଶୁଟିଂ ଶେଷ କରିଛନ୍ତି। ଫିଲ୍ମରେ ନାୟକ ସାଜିଥିବା କାର୍ତ୍ତିକ ଆର୍ୟନ ନିଜ ସୋସିଆଲ ପୃଷ୍ଠାରେ ଏହାର ସୂଚନା ଦେଇଛନ୍ତି। ସେ ଫଟୋ ଶେୟାର କରି ପ୍ରଶଂସକଙ୍କୁ କ୍ରିସ୍ମାସର ଶୁଭେଚ୍ଛା ଜଣାଇଛନ୍ତି। ଫଟୋରେ ଜାହ୍ନବୀ, କାର୍ତ୍ତିକଙ୍କ ସହ ପୂରା ଟିମ୍କୁ ଦେଖିବାକୁ ମିଳୁଛି। ଜାହ୍ନବୀ ଦୋସ୍ତାନା ବ୍ୟତୀତ ଗୁଞ୍ଜନ ସକ୍ସେନା: ଦ କାରଗିଲ୍ ଗର୍ଲ, ରୁହି ଅଫ୍ଜା, ଘୋଷ୍ଟ ଷ୍ଟୋରିଜ୍, ତଖ୍ତ, ରଣଭୂମି ଆଦି ଫିଲ୍ମରେ ନଜର ଆସିବେ।
