ଖଇରା, ୩।୫(ଡି.ଏନ.ଏ.)-ବାଲେଶ୍ୱର ଜିଲା ଖଇରା ବ୍ଲକ ଅଧୀନ ଡାଲଙ୍ଗ ଗ୍ରାମର ଅଗ୍ରଣୀ ସାମାଜିକ ଅନୁଷ୍ଠାନ ଚଣ୍ଡିମାତା ସ୍ବେଚ୍ଛାସେବୀ ସଙ୍ଗଠନ ପକ୍ଷରୁ ବିଶ୍ୱ ଶ୍ରମିକ ଦିବସରେ ବିଭିନ୍ନ ସ୍ଥାନରେ ରନ୍ଧାଖାଦ୍ୟ ବଣ୍ଟନ କରାଯାଇଛି। ସଭାପତି ମୁକ୍ତିକାନ୍ତ ପଣ୍ଡା, ସମ୍ପାଦକ ହରେକୃଷ୍ଣ ଓଝାଙ୍କ ନେତୃତ୍ୱରେ ସଙ୍ଗଠନର ସଦସ୍ୟମାନେ ଔପଦା ବ୍ଲକ ଅଘିରାପଦା ପଞ୍ଚାୟତ କମାରପାଳ ପଇଡଝର ଗ୍ରାମର ଆଦିବାସୀ ବସ୍ତି, ଆଗୁଆନ ସାହି, ଦେଉରୀ ସାହିକୁ ଯାଇ ସେଠାରେ ବସବାସ କରୁଥିବା ଶ୍ରମଜୀବୀମାନଙ୍କୁ ଖାଦ୍ୟ ରାନ୍ଧି ବାଣ୍ଟିଥିଲେ। ବରିଷ୍ଠ ସଦସ୍ୟ ଗିରିଧାରୀ ବେହେରା, ଅନୀଲ କୁମାର ବେହେରା, ରମାକାନ୍ତ ପାଢୀ, ଅନୀଲ ପାଣିଗ୍ରାହୀ, ଦୀପକ ପାଣିଗ୍ରାହୀ, ସଞ୍ଜୟ ବେହେରା, ସୁଧାଂଶୁ ସେଠୀ, ମନୋରଞ୍ଜନ ସେଠୀ ପ୍ରମୁଖ ବସ୍ତିବାସିନ୍ଦାଙ୍କୁ କରୋନା ସମ୍ପର୍କରେ ସଚେତନ କରାଇ ଖାଦ୍ୟ ପରିବେଷଣ କରାଇଥିଲେ ା ସ୍ଥାନୀୟ ଗ୍ରାମବାସୀ ତଥା ବିଶିଷ୍ଟ କବି ନିରଞ୍ଜନ ବାରିକ, ପ୍ରଭାକର ସାହୁ ପ୍ରମୁଖ ସହାୟତା କରିଥିଲେ।
