ପ୍ରତ୍ୟେକ ବର୍ଷ ଖ୍ରୀଷ୍ଟମାସରେ ବଡ଼ ପରଦାରେ ରିଲିଜ ହୁଏ ବହୁ ଫିଲ୍ମ। ବିଶେଷ କରି ବଲିଉଡ୍ ଫିଲ୍ମ। ଚଳିତ ବର୍ଷ କରୋନା କାରଣରୁ ବଡ଼ ପରଦାରେ ରିଲିଜ ହୋଇପାରୁ ନାହିଁ କୌଣସି ଫିଲ୍ମ। ଜାଣନ୍ତୁ ଖ୍ରୀଷ୍ଟମାସରେ ସର୍ବାଧିକ ଆୟ କରିଥିବା ଟପ୍-୫ ବଲିଉଡ୍ ଫିଲ୍ମ ସମ୍ପର୍କରେ…
ତାଲିକାର ଶୀର୍ଷରେ ରହିଛି ୨୦୧୬ରେ ରିଲିଜ ହୋଇଥିବା ଆମିର ଖାନଙ୍କ ଫିଲ୍ମ ଦଙ୍ଗଲ। ସ୍ପୋଟର୍ସ ଆଣ୍ଡ୍ ଡ୍ରାମା ଭିତ୍ତିକ ଫିଲ୍ମଟି ଆୟ କରିଥିଲା ସର୍ବାଧିକ ୩୭୪.୫୩ କୋଟି ଟଙ୍କା । ଏହା ପଛକୁ ରହିଛି ସଲମାନ ଖାନ ଓ କଟ୍ରିନା କୈଫଙ୍କ ଫିଲ୍ମ ଟାଇଗର ଜିନ୍ଦା ହେ। ଭାଇଜାନଙ୍କ ଏହି ଆକ୍ସନ ଫିଲ୍ମ ୩୩୯ କୋଟି ଟଙ୍କାର ଲାଇଫ୍ ଟାଇମ ବିଜନେସ୍ କରିଥିଲା। ତାଲିକାର ତୃତୀୟରେ ରହିଛି ଆମିରଙ୍କ ପିକେ। ଏହି ବିବାଦୀୟ ଫିଲ୍ମ ଆୟ କରିଥିଲା ୩୩୭.୭୨ କୋଟି ଟଙ୍କାର । ମିଷ୍ଟର ପରଫେକ୍ଟନିଷ୍ଟ ଭାବେ ପରିଚିତ ଅମିରଙ୍କ ଆଉ ଏକ ଫିଲ୍ମ ଧୂମ ୩ ତାଲିକାରେ ସ୍ଥାନ ପାଇଛି। ଏହାର ଆୟ ଥିଲା ୨୬୦.୩ କୋଟି ଟଙ୍କା। ତାଲିକାର ପଞ୍ଚମ ସ୍ଥାନ ହାତେଇଛି ରଣବୀର ସିଂଙ୍କ ଅଭିନିତ ଫିଲ୍ମ ସିମ୍ବା। ରୋହିତ ଶେଟ୍ଟିଙ୍କ ଏହି କମେଡି-ଡ୍ରାମା ଫିଲ୍ମ ବକ୍ସ ଅଫିସରେ ଆୟ କରିଥିଲା ୨୩୯.୮୪ କୋଟି ଟଙ୍କା।
