ଜମନକିରା,୧୯।୧୨(ଡି.ଏନ୍.ଏ.): ସମ୍ବଲପୁର ଜିଲା ଜମନକିରା ବ୍ଲକ୍ ମିଳିତ ଚାଷୀ ସଂଗଠନ ପକ୍ଷରୁ ଶସ୍ୟବୀମା ରାଶି ପ୍ରଦାନ ଦାବିରେ କୁଚିଣ୍ଡା ଉପଖଣ୍ଡରେ ଥିବା ୫୫ଟି ପଞ୍ଚାୟତ କାର୍ଯ୍ୟାଳୟରେ ତାଲା ପକାଇବା ନିଷ୍ପତ୍ତି ହୋଇଛି। ଏହିକ୍ରମରେ ଜମନକିରା ବ୍ଲକ୍ରେ ୨୧ଟିରୁ ଅଦ୍ୟାବଧି ୭ଟି ପଞ୍ଚାୟତ କାର୍ଯ୍ୟାଳୟରେ ଚାଷୀମାନେ ତାଲା ପକାଇଛନ୍ତି। ପୂର୍ବରୁ ୪ଟି ପଞ୍ଚାୟତ କାର୍ଯ୍ୟାଳୟରେ ତାଲା ପକାଇଥିବା ବେଳେ ଗୁରୁବାର ବଡ଼ରମା, ସିରିଡ଼ ଓ ଟିକିିଲିପଡ଼ା କାର୍ଯ୍ୟାଳୟରେ ଚାଷୀମାନେ ତାଲା ପକାଇଛନ୍ତି। ଦାବି ପୂରଣ ନ ହେବା ଯାଏ ପ୍ରତ୍ୟେକ ପଞ୍ଚାୟତ କାର୍ଯ୍ୟାଳୟକୁ ଅଚଳ କରାଇ ଦିଆଯିବ ବୋଲି ଚାଷୀମାନେ ପ୍ରକାଶ କରିଛନ୍ତି।
ଆଜିର ଏହି ଆନ୍ଦୋଳନରେ ବଡ଼ରମା ପଞ୍ଚାୟତ ଚାଷୀ ସୁରକ୍ଷା ସଂଗଠନର ସଭାପତି କମଳଲୋଚନ ପଟେଲ, ସମ୍ପାଦକ ଶ୍ରୀକର ପଧାନ, ଅରବିନ୍ଦ ନାୟକ, ଗୋଲବଦନ ଭୂୟଁା, ଅଙ୍ଗଦ ବାଘ, ଗଣେଶ ବାଘ, ମନୋରଞ୍ଜନ ଦାସ, ସରୋଜ ପଟେଲ, ଚିିତ୍ତରଞ୍ଜନ ସାହୁ, ପର୍ଶୁରାମ ପଟେଲ, ଜଗନ୍ନାଥ ପଟେଲ, ଧର୍ମେନ୍ଦ୍ର ପଧାନ, ମନୋରଞ୍ଜନ ମାକର, ସୁନିଲ ଟପ୍ପୋ, ପ୍ରଶାନ୍ତ ପଟେଲ ଏବଂ ସମରା ମିଞ୍ଜ ପ୍ରମୁଖ ଚାଷୀ ସାମିଲ ହୋଇଛନ୍ତି।
