ତାଳଚେର,୯ା୫(ନି.ପ୍ର.) – ଓଡ଼ିଶା ବାହାରୁ ଅନୁଗୋଳ ଜିଲାକୁ ଆସୁଥିବା ଶ୍ରମିକ, ଛାତ୍ରୀଛାତ୍ର ତଥା ବ୍ୟକ୍ତି ବିଶେଷଙ୍କ ସମ୍ପର୍କରେ ଠିକ୍ ଭାବେ ସର୍ଭେ କରାଯାଇ ସେମାନଙ୍କୁ ମାସେ କିମ୍ବା ଅଧିକ ଦିନ ପର୍ଯ୍ୟନ୍ତ କାରାଣ୍ଟାଇନରେ ରଖିବାକୁ ତାଳଚେର ପରିବେଶ ସୁରକ୍ଷା ସମିତି ପକ୍ଷରୁ ଦାବି ହୋଇଛି। ଏ ନେଇ ସମିତି ପକ୍ଷରୁ ଏକ ସ୍ମାରକପତ୍ର ସ୍ଥାନୀୟ ଉପଜିଲାପାଳ ରଜନୀକାନ୍ତ ସ୍ବାଇଁଙ୍କୁ ଶୁକ୍ରବାର ପ୍ରଦାନ କରାଯାଇଛି। ଏଥିରେ ଦର୍ଶାଯାଇଛି, ଏବେ ବହୁ ସଂଖ୍ୟାରେ ଲୋକ ଓଡ଼ିଶା ଫେରୁଥିବାରୁ କରୋନା ଅଧିକ ବ୍ୟାପିପାରେ। ସେମାନଙ୍କୁ ସଙ୍ଗରୋଧରେ ରଖା ନ ଗଲେ କରୋନା ନିୟନ୍ତ୍ରଣ ବାହାରକୁ ଚାଲିଯିବାର ଆଶଙ୍କା ରହିଛି। ଏ ଦିଗରେ ପ୍ରଶାସନ, ପୋଲିସ, ନିର୍ବାଚିତ ଲୋକପ୍ରତିନିଧି, ସ୍ବାସ୍ଥ୍ୟକର୍ମୀ, ସାମାଜିକକର୍ମୀମାନେ ତତ୍ପର ହୋଇ କାର୍ଯ୍ୟ କରିବାକୁ ସମିତି ପ୍ରସ୍ତାବ ରଖିଛି। ଏଥିସହ ଏମ୍ସିଏଲ୍, ଏନ୍ଟିପିସି ସମେତ ବିଭିନ୍ନ ଶିଳ୍ପାଞ୍ଚଳ ଏବଂ ବସ୍ତିଗୁଡିକରେ ବସବାସ କରୁଥିବା ଲୋକଙ୍କ ମଧ୍ୟ ସର୍ଭେ କରାଯିବାକୁ ଦାବି ହୋଇଛି। ସମିତିର ଆବାହକ ପଦ୍ମ ଚରଣ ସାମଲ, ଭୂପେନ୍ ଥମ୍ବ, ବାଉରୀବନ୍ଧୁ ବେଜ, ପ୍ରହ୍ଲାଦ ଚନ୍ଦ୍ର ସାହୁ, ରଞ୍ଜିତ କୁମାର ମହାପାତ୍ର, ବିନୋଦ ଲାଲ୍ଙ୍କ ସମେତ ଅନ୍ୟାନ୍ୟ ସଦସ୍ୟମାନେ ସ୍ମାରକ ପତ୍ର ପ୍ରଦାନବେଳେ ଉପସ୍ଥିତ ଥିଲେ ା
