କେବଳ ଲୋକ ଦେଖାଣିଆ ଅସ୍ଥାୟୀ ଶିବିର

ନୂଆପଡା ଅଫିସ,୮ା୫-ଓଡ଼ିଶାର ବିଭିନ୍ନ ଜିଲାର ଲୋକେ କାମଧନ୍ଧା କରିବାକୁ ଯାଇ ଆଉ ଗୋଟିଏ ଜିଲାରେ ଲକ୍‌ ଡାଉନ୍‌ ଯୋଗୁ ଅଟକି ରହିଛନ୍ତି। ସେହିଭଳି ବାହାର ରାଜ୍ୟରେ ମଧ୍ୟ ପ୍ରବାସୀ ଓଡ଼ିଆ ଫସି ରହିଛନ୍ତି। ଏମାନେ ଏବେ ନିଜ ଉଦ୍ୟମରେ ଘରକୁ ଫେରୁଛନ୍ତି। ହେଲେ ନିଜ ଅଞ୍ଚଳରେ ପହଞ୍ଚିବା ପରେ ଏମାନଙ୍କୁ ସଙ୍ଗରୋଧ କେନ୍ଦ୍ରରେ ରଖିବାକୁ ସରକାର ନିର୍ଦ୍ଦେଶ ଦେଇଛନ୍ତି। ଏଥିପାଇଁ ରାଜକୋଷରୁ ଟଙ୍କା ଖର୍ଚ୍ଚ ହେଉଛି। ହେଲେ ଦାୟିତ୍ୱରେ ଥିବା ସରକାରୀ ଅଧିକାରୀଙ୍କ ଅବହେଳାରୁ ଘରକୁ ଫେରୁଥିବା ଏହି ଲୋକେ ହଇରାଣ ହେଉଛନ୍ତି। ଏହିକ୍ରମରେ ନୂଆପଡ଼ା ଜିଲାର କେତକ ଲୋକ ଶୁକ୍ରବାର ନିଜ ଉଦ୍ୟମରେ କେନ୍ଦ୍ରାପଡ଼ା ଓ ରାୟଗଡ଼ାରୁ ଆସି ପହଞ୍ଚିଛନ୍ତି। ହେଲେ ଏମାନେ ସ୍ଥାନୀୟ ପ୍ରଶାସନ ଦ୍ୱାରା ଅବହେଳାର ଶିକାର ହୋଇଥିବା ପ୍ରମାଣ ମିଳିଛି। ଭୋର ୪ଟାବେଳେ କେନ୍ଦ୍ରାପଡାରୁ ଏକ ବସ୍‌ ଯୋଗେ ୭ଶିଶୁ, ୧୪ମହିଳା ସମେତ ମୋଟ ୪୧ଜଣ ଶ୍ରମିକ ଆସି ନୂଆପଡ଼ାରେ ପହଞ୍ଚିଥିଲେ। ସ୍ଥାନୀୟ କଲ୍ୟାଣ ମଣ୍ଡପସ୍ଥିତ ଖୋଲା ପଡିଆରେ ଏମାନେ ସକାଳ ୮ଟାଯାଏଁ ଭୋକରେ ବସି ରହିଥିଲେ । ସ୍ଥାନୀୟ ପୋଲିସ କେବଳ ଏମାନଙ୍କୁ ଜଗି ରହିଥିଲା। ପ୍ରଶାସନ ପକ୍ଷରୁ ଏମାନଙ୍କୁ ପାଣି ଟୋପେ ମଧ୍ୟ ପିଇବାକୁ ଦିଆଯାଇ ନ ଥିଲା। ଏଣୁ ପ୍ରଶାସନ ପ୍ରତି ଏମାନେ ଅସନ୍ତୋଷ ପ୍ରକାଶ କରିଥିଲେ। ଶେଷରେ ଏକ ବସ୍‌ ଯୋଗେ ଏମାନଙ୍କୁ ବେଲଟୁକୁରୀକୁ ପୋଲିସ ପଠାଇ ଦେଇ ନିଜ କାମ ସାରି ଦେଇଥିଲା। ପରେ ରାୟଗଡାରୁ ଚାଲି ଚାଲି ଆଉ ୩୨ଜଣ ଶ୍ରମିକ ଏଠାରେ ପହଞ୍ଚତ୍ ଥିଲେ। ଏମାନେ ମଧ୍ୟ ପଡ଼ିଆରେ ଦୀର୍ଘ ସମୟ ଧରି ବସି ରହିଥିଲେ। ଏମାନଙ୍କ ପାଖରେ ବି କେହି ପହଞ୍ଚି ନ ଥିଲେ। ଶେଷରେ ବ୍ଲକ୍‌ କର୍ତ୍ତପକ୍ଷଙ୍କ ହସ୍ତକ୍ଷେପ ପରେ ଅମାନାରା ପଞ୍ଚାାୟତ କର୍ତ୍ତପକ୍ଷ ଆସି ଏମାନଙ୍କୁ ନେଇଥିଲେ। ଏଣୁ ନୂଆପଡ଼ା କଲ୍ୟାଣ ମଣ୍ଡପରେ କରାଯାଇଥିବା ଅସ୍ଥାୟୀ ଶିବିର କେବଳ ଲୋକ ଦେଖାଣିଆ ବୋଲି ପ୍ରମାଣିତ କରିଛି। ଏହି ଶିବିର ଦାୟିତ୍ୱରେ ଥିବା କୌଣସି କର୍ମଚାରୀଙ୍କ ଦେଖା ମିଳୁନାହିଁ। ଆଗକୁ ହଜାର ହଜାର ଶ୍ରମିକ ଆସିବେ। ପ୍ରଶାସନ ତାହା କେମିତି ସମ୍ଭାଳିବ ବୋଲି ଏବେଠୁ ପ୍ରଶ୍ନ ଉଠିଲାଣି। ତେବେ ନୂଆପଡା ବ୍ଲକ୍‌ କର୍ତ୍ତପକ୍ଷ ନିଜକୁ ବଞ୍ଚାଇବାକୁ ଯାଇ ଠିକ୍‌ରେ ସମସ୍ତ ଅଧିକାରୀ ନିଜ ନିଜର ଦାୟିତ୍ୱ ତୁଲାଉଥିବା ସଫେଇ ଦେଇଛି। ହେଲେ ଶ୍ରମ ବିଭାଗର ସହଯୋଗ ମିଳୁ ନ ଥିବା କହି ଦୋଷ ଲଦିଛନ୍ତି। ଶ୍ରମ ବିଭାଗ କିନ୍ତୁ କୌଣସି ଉତ୍ତର ଦେବାକୁ ରାଜି ହୋଇ ନାହିଁ।


Enter your email to get our daily news in your inbox.

All Right Reserved By Dharitri.Com

ଲୁଚାଇ ରଖିଥିଲେ ମାଓବାଦୀ: ମାଟିତଳୁ ମିଳିଲା ବିସ୍ଫୋରକ

ନୂଆପଡ଼ା,୧୪ା୧୧ (ମକାରୁ ବେମାଲ): ନୂଆପଡ଼ା ଜିଲା ବୋଡେନ ଥାନା ଅନ୍ତର୍ଗତ ପାଟଧରା ଓ ଗର୍ଜନପାଣି ସଂରକ୍ଷିତ ଜଙ୍ଗଲରେ କେତେଜଣ ଯବାନଙ୍କ ସହ ମାଓବାଦୀ ନିହତ ହୋଇଥିଲେ। ହେଲେ…

ରାଜଧାନୀରେ ନୂଆପଡ଼ା ସୁଆଦିଆ ଆତର ଚାହିଦା

ନୂଆପଡ଼ା,୧୩ା୧୧(ମକାରୁ ବେମାଲ): ରାଜଧାନୀ ଭୁବନେଶ୍ୱରରେ ନୂଆପଡ଼ା ଆତର ଚାହିଦା ଦେଖିବାକୁ ମିଳିଛି। କୋମନା ବ୍ଲକ ଅଞ୍ଚଳର ବିଭିନ୍ନ ଗାଁରୁ ଯାଉଥିବା ସୁଆଦିଆ ଫଳ ଆତ (ରେକଟା, ବଡହଳ)…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?