ପାଟଣା,୧୫ା୪(ସ୍ବ.ପ୍ର.): କେନ୍ଦୁଝର ଜିଲା ପାଟଣା ବ୍ଲକ ଚେମେଣା ପଞ୍ଚାୟତ ଅନ୍ତର୍ଗତ ବଳିଆ ପଶି ଗ୍ରାମର ଏକ କୂଅରୁ ମଙ୍ଗଳବାର ବୃଦ୍ଧାଙ୍କ ମୃତଦେହ ଉଦ୍ଧାର ହୋଇଛି। ମୃତକ ହେଲେ ବଳିଆପଶି ଗ୍ରାମର ଭୀମସେନ ନାଏକଙ୍କ ସ୍ତ୍ରୀ ଭାନୁମତୀ ନାଏକ। ସୋମବାର ରାତିରେ ଭାନୁମତୀ ପରିଶ୍ରା ଯିବା ପାଇଁ ପଦାକୁ ଯାଇଥିଲେ। ବାର୍ଦ୍ଧକ୍ୟ ଜନିତ ଆଖିକୁ ଭଲ ଦେଖା ଯାଉ ନ ଥିବା ଓ ଅସାବଧାନତା ଯୋଗୁଁ ପଡିଶା ଘର ବାଡ଼ିରେ ଥିବା ଏକ କୂଅରେ ପଡ଼ି ଯାଇଥିଲେ। ମଙ୍ଗଳବାର ସକାଳୁ ଗାଁ ଲୋକେ କୂଅରେ ମୃତଦେହ ଭାସୁଥିବା ଦେଖି ପୋଲିସ ଓ ପାଟଣା ଅଗ୍ନିଶମ ବିଭାଗକୁ ଖବର ଦେଇଥିଲେ। ଅଗ୍ନିଶମ ବାହିନୀ ମୃତଦେହ ଉଦ୍ଧାର କରି ତୁରୁମୁଙ୍ଗା ପୋଲିସକୁ ହସ୍ତାନ୍ତର କରିଛି। ଏନେଇ ତୁରୁମୁଙ୍ଗା ପୋଲିସ ଏକ ଅପମୃତ୍ୟୁ ମାମଲା(ନଂ.୧୦/୨୦) ରୁଜୁ କରି ତଦନ୍ତ ଜାରି ରଖିଛି।
