ହାଟଡିହୀ, ୨୯ା୪(ଡ଼ି.ଏନ.ଏ.)-ବର୍ତ୍ତମାନ ପରିସ୍ଥିତିରେ ଦିନ ରାତି ଏକାଠି କରି କାମ କରୁଥିବା କରୋନା ଯୋଦ୍ଧାଙ୍କୁ କେନ୍ଦୁଝର ଜିଲା ଆନନ୍ଦପୁର ନିର୍ବାଚନମଣ୍ଡଳୀର ଭାଜପା ବିଧାୟକ ପ୍ରାର୍ଥୀ ଆଲୋକ ସେଠୀ ସମ୍ମାନିତ କରିଛନ୍ତି। ସେ ହାଟଡିହୀ ଅଙ୍ଗନଓ୍ବାଡି କର୍ମୀ ଓ ଆଶାକର୍ମୀଙ୍କୁ ପ୍ରଶସ୍ତିପତ୍ର ଦେବା ସହ ସେମାନଙ୍କ ସୁରକ୍ଷା ପାଇଁ ଛତା ଏବଂ ହ୍ୟାଣ୍ଡ ସାନିଟାଇଜର ପ୍ରଦାନ କରିଥିଲେ। ବଂଚୋ ପଞ୍ଚାୟତର ସମସ୍ତ ଅଙ୍ଗନଓ୍ବାଡି କର୍ମୀ ଓ ହାଟଡିହୀର ଆଶା କର୍ମୀ ରାମମଣି ମହାନ୍ତି, ଅଙ୍ଗନଓ୍ବାଡି କର୍ମୀ ସୁକାନ୍ତି ବେହେରା ଓ ସୀତା ମଣ୍ଡଳଙ୍କୁ ଛତା, ହ୍ୟାଣ୍ଡ ସାନିଟାଇଜର ଦେବା ସହ ପ୍ରଶସ୍ତିପତ୍ର ପ୍ରଦାନ କରି ସେମାନଙ୍କୁ ସମ୍ମାନିତ କରିଥିଲେ।
