ଝାରସୁଗୁଡା ଅଫିସ୍/ଲଖନପୁର,୧୫।୧୦(ଡି.ଏନ୍.ଏ)-ମହାନଦୀ କୋଲ୍ଫିଲ୍ଡ ଲିମିଟେଡ୍(ଏମ୍ସିଏଲ୍)ର ବିସ୍ଥାପିତ, ଥଇଥାନ ଆଦି ବହୁବିଧି ସମସ୍ୟାକୁ ନେଇ ମଙ୍ଗଳବାର ଝାରସୁଗୁଡା ଜିଲା ଡିଏମ୍ଏଫ୍ ସଭାଗୃହରେ ଥଇଥାନ ଓ ପାରିପାର୍ଶ୍ୱିକ ଉନ୍ନୟନ ପରାମର୍ଶ କମିଟି(ଆର୍ପିଡିଏସି)ବୈଠକ ଅନୁଷ୍ଠିତ ହୋଇଯାଇଛି ା ଏଥିରେ ଦକ୍ଷିଣାଞ୍ଚଳ ଆର୍ଡିସିସି ଟେମ୍ଜେନ୍ ଓ୍ବାପଙ୍ଗ୍, ଉତରାଞ୍ଚଳ ଡିଆଇଜି ହିମାଂଶୁଲାଲ୍, ଜିଲାପାଳ ସରୋଜ ସାମଲ,ଏସ୍ପି ଅଶ୍ୱିନୀ ମହାନ୍ତି, ବରଗଡ ଏମ୍ପି ସୁରେଶ ପୂଜାରୀ, ବ୍ରଜରାଜନଗର ବିଧାୟକ କିଶୋର ମହାନ୍ତିି ପ୍ରମୁଖ ପ୍ରଶାସନିକ ଅଧିକାରୀ ଓ ଜନପ୍ରତିନିଧିମାନେ ଉପସ୍ଥିତ ଥିଲେ ା ଏଥିରେ ବିସ୍ଥାପିତ, ଥଇଥାନ, ନିଯୁକ୍ତି, କ୍ଷତିପୂରଣ, ଉନ୍ନୟନ ମୂଳକ କାର୍ଯ୍ୟ, ପ୍ରଦୂଷଣ ଆଦି ବିଭିନ୍ନ ସମସ୍ୟା ଓ ଏହାର ସମାଧାନ ସମ୍ପର୍କରେ ଆଲୋଚନା ହୋଇଥିଲା ା ୨ ବର୍ଷ ବ୍ୟବଧାନରେ ଏହି ବୈଠକ ହୋଇଥିବାବେଳେ ଏହାର ଫଳାଫଳକୁ ଲୋକେ ଚାହିଁରହିଛନ୍ତି ା ଏହି ରୁଦ୍ଧଦ୍ୱାର ବୈଠକରେ ସ୍ଥାନୀୟ ବିସ୍ଥାପିତ ଓ କ୍ଷତିଗ୍ରସ୍ତ ଲୋକଙ୍କ ବସିବା ପାଇଁ ସୁଯୋଗ ଦିଆଯାଇ ନ ଥିଲା ା ଯାହାଫଳରେ ଲୋକଙ୍କ ମଧ୍ୟରେ ଅସନ୍ତୋଷ ଦେଖାଦେଇଥିଲା ା ଏହାର ପ୍ରତିବାଦରେ ଲୋକେ ସଭାଗୃହ ବାହାରେ ବିକ୍ଷୋଭ ପ୍ରଦର୍ଶନ କରିଥିବା ଦେଖିବାକୁ ମିଳିଥିଲା ା
